UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5643
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1)
Par.?
sa tāṃ dṛṣṭvā viśālākṣīṃ rājaputrīṃ sakhīṃ sakhā / (1.2)
Par.?
prahasann abravīd rājan kutrāgamanam ityuta // (1.3)
Par.?
tam abravīd rājaputrī samupetya nararṣabham / (2.1)
Par.?
praṇayaṃ bhāvayantī sma sakhīmadhya idaṃ vacaḥ // (2.2)
Par.?
gāvo rāṣṭrasya kurubhiḥ kālyante no bṛhannaḍe / (3.1)
Par.?
tān vijetuṃ mama bhrātā prayāsyati dhanurdharaḥ // (3.2)
Par.?
naciraṃ ca hatastasya saṃgrāme rathasārathiḥ / (4.1)
Par.?
tena nāsti samaḥ sūto yo 'sya sārathyam ācaret // (4.2)
Par.?
tasmai prayatamānāya sārathyarthaṃ bṛhannaḍe / (5.1)
Par.?
ācacakṣe hayajñāne sairandhrī kauśalaṃ tava // (5.2)
Par.?
sā sārathyaṃ mama bhrātuḥ kuru sādhu bṛhannaḍe / (6.1)
Par.?
purā dūrataraṃ gāvo hriyante kurubhir hi naḥ // (6.2)
Par.?
athaitad vacanaṃ me 'dya niyuktā na kariṣyasi / (7.1)
Par.?
praṇayād ucyamānā tvaṃ parityakṣyāmi jīvitam // (7.2)
Par.?
evam uktastu suśroṇyā tayā sakhyā paraṃtapaḥ / (8.1)
Par.?
jagāma rājaputrasya sakāśam amitaujasaḥ // (8.2)
Par.?
taṃ sā vrajantaṃ tvaritaṃ prabhinnam iva kuñjaram / (9.1)
Par.?
anvagacchad viśālākṣī śiśur gajavadhūr iva // (9.2)
Par.?
dūrād eva tu taṃ prekṣya rājaputro 'bhyabhāṣata / (10.1)
Par.?
tvayā sārathinā pārthaḥ khāṇḍave 'gnim atarpayat // (10.2)
Par.?
pṛthivīm ajayat kṛtsnāṃ kuntīputro dhanaṃjayaḥ / (11.1)
Par.?
sairandhrī tvāṃ samācaṣṭa sā hi jānāti pāṇḍavān // (11.2)
Par.?
saṃyaccha māmakān aśvāṃstathaiva tvaṃ bṛhannaḍe / (12.1)
Par.?
kurubhir yotsyamānasya godhanāni parīpsataḥ // (12.2)
Par.?
arjunasya kilāsīstvaṃ sārathir dayitaḥ purā / (13.1)
Par.?
tvayājayat sahāyena pṛthivīṃ pāṇḍavarṣabhaḥ // (13.2)
Par.?
evam uktā pratyuvāca rājaputraṃ bṛhannaḍā / (14.1) Par.?
kā śaktir mama sārathyaṃ kartuṃ saṃgrāmamūrdhani // (14.2)
Par.?
gītaṃ vā yadi vā nṛttaṃ vāditraṃ vā pṛthagvidham / (15.1)
Par.?
tat kariṣyāmi bhadraṃ te sārathyaṃ tu kuto mayi // (15.2)
Par.?
uttara uvāca / (16.1)
Par.?
bṛhannaḍe gāyano vā nartano vā punar bhava / (16.2)
Par.?
kṣipraṃ me ratham āsthāya nigṛhṇīṣva hayottamān // (16.3)
Par.?
vaiśaṃpāyana uvāca / (17.1)
Par.?
sa tatra narmasaṃyuktam akarot pāṇḍavo bahu / (17.2)
Par.?
uttarāyāḥ pramukhataḥ sarvaṃ jānann ariṃdama // (17.3)
Par.?
ūrdhvam utkṣipya kavacaṃ śarīre pratyamuñcata / (18.1)
Par.?
kumāryastatra taṃ dṛṣṭvā prāhasan pṛthulocanāḥ // (18.2)
Par.?
sa tu dṛṣṭvā vimuhyantaṃ svayam evottarastataḥ / (19.1)
Par.?
kavacena mahārheṇa samanahyad bṛhannaḍām // (19.2)
Par.?
sa bibhrat kavacaṃ cāgryaṃ svayam apyaṃśumatprabham / (20.1)
Par.?
dhvajaṃ ca siṃham ucchritya sārathye samakalpayat // (20.2)
Par.?
dhanūṃṣi ca mahārhāṇi bāṇāṃśca rucirān bahūn / (21.1)
Par.?
ādāya prayayau vīraḥ sa bṛhannaḍasārathiḥ // (21.2)
Par.?
athottarā ca kanyāśca sakhyastām abruvaṃstadā / (22.1)
Par.?
bṛhannaḍe ānayethā vāsāṃsi rucirāṇi naḥ // (22.2)
Par.?
pāñcālikārthaṃ sūkṣmāṇi citrāṇi vividhāni ca / (23.1)
Par.?
vijitya saṃgrāmagatān bhīṣmadroṇamukhān kurūn // (23.2)
Par.?
atha tā bruvatīḥ kanyāḥ sahitāḥ pāṇḍunandanaḥ / (24.1)
Par.?
pratyuvāca hasan pārtho meghadundubhiniḥsvanaḥ // (24.2)
Par.?
yadyuttaro 'yaṃ saṃgrāme vijeṣyati mahārathān / (25.1)
Par.?
athāhariṣye vāsāṃsi divyāni rucirāṇi ca // (25.2)
Par.?
evam uktvā tu bībhatsustataḥ prācodayaddhayān / (26.1)
Par.?
kurūn abhimukhāñ śūro nānādhvajapatākinaḥ // (26.2)
Par.?
Duration=0.14638304710388 secs.