Texts

Select a text:
Bibliography

Select a chapter:
(no revisions)

Associated topic(s): Asceticism, tapas

Show parallels Show headlines
Use dependency labeler

Chapter id: 8143

bhīṣma uvāca / (1.1) Par.?

tataste tāpasāḥ sarve tapase dhṛtaniścayām / (1.2) Par.?

dṛṣṭvā nyavartayaṃstāta kiṃ kāryam iti cābruvan // (1.3) Par.?

tān uvāca tataḥ kanyā tapovṛddhān ṛṣīṃstadā / (2.1) Par.?

nirākṛtāsmi bhīṣmeṇa bhraṃśitā patidharmataḥ // (2.2) Par.?

vadhārthaṃ tasya dīkṣā me na lokārthaṃ tapodhanāḥ / (3.1) Par.?

nihatya bhīṣmaṃ gaccheyaṃ śāntim ityeva niścayaḥ // (3.2) Par.?

yatkṛte duḥkhavasatim imāṃ prāptāsmi śāśvatīm / (4.1) Par.?

patilokād vihīnā ca naiva strī na pumān iha // (4.2) Par.?

nāhatvā yudhi gāṅgeyaṃ nivarteyaṃ tapodhanāḥ / (5.1) Par.?

eṣa me hṛdi saṃkalpo yadartham idam udyatam // (5.2) Par.?

strībhāve parinirviṇṇā puṃstvārthe kṛtaniścayā / (6.1) Par.?

bhīṣme praticikīrṣāmi nāsmi vāryeti vai punaḥ // (6.2) Par.?

tāṃ devo darśayāmāsa śūlapāṇir umāpatiḥ / (7.1) Par.?

madhye teṣāṃ maharṣīṇāṃ svena rūpeṇa bhāminīm // (7.2) Par.?

chandyamānā vareṇātha sā vavre matparājayam / (8.1) Par.?

vadhiṣyasīti tāṃ devaḥ pratyuvāca manasvinīm // (8.2) Par.?

tataḥ sā punar evātha kanyā rudram uvāca ha / (9.1) Par.?

upapadyet kathaṃ deva striyo mama jayo yudhi / (9.2) Par.?

strībhāvena ca me gāḍhaṃ manaḥ śāntam umāpate // (9.3) Par.?

pratiśrutaśca bhūteśa tvayā bhīṣmaparājayaḥ / (10.1) Par.?

yathā sa satyo bhavati tathā kuru vṛṣadhvaja / (10.2) Par.?

yathā hanyāṃ samāgamya bhīṣmaṃ śāṃtanavaṃ yudhi // (10.3) Par.?

tām uvāca mahādevaḥ kanyāṃ kila vṛṣadhvajaḥ / (11.1) Par.?

na me vāg anṛtaṃ bhadre prāha satyaṃ bhaviṣyati // (11.2) Par.?

vadhiṣyasi raṇe bhīṣmaṃ puruṣatvaṃ ca lapsyase / (12.1) Par.?

smariṣyasi ca tat sarvaṃ deham anyaṃ gatā satī // (12.2) Par.?

drupadasya kule jātā bhaviṣyasi mahārathaḥ / (13.1) Par.?

śīghrāstraścitrayodhī ca bhaviṣyasi susaṃmataḥ // (13.2) Par.?

yathoktam eva kalyāṇi sarvam etad bhaviṣyati / (14.1) Par.?

bhaviṣyasi pumān paścāt kasmāccit kālaparyayāt // (14.2) Par.?

evam uktvā mahātejāḥ kapardī vṛṣabhadhvajaḥ / (15.1) Par.?

paśyatām eva viprāṇāṃ tatraivāntaradhīyata // (15.2) Par.?

tataḥ sā paśyatāṃ teṣāṃ maharṣīṇām aninditā / (16.1) Par.?

samāhṛtya vanāt tasmāt kāṣṭhāni varavarṇinī // (16.2) Par.?

citāṃ kṛtvā sumahatīṃ pradāya ca hutāśanam / (17.1) Par.?

pradīpte 'gnau mahārāja roṣadīptena cetasā // (17.2) Par.?

uktvā bhīṣmavadhāyeti praviveśa hutāśanam / (18.1) Par.?

jyeṣṭhā kāśisutā rājan yamunām abhito nadīm // (18.2) Par.?

Duration=0.054994106292725 secs.