Texts

Select a text:
Bibliography

Select a chapter:
(no revisions)

Associated topic(s): army

Show parallels Show headlines
Use dependency labeler

Chapter id: 7237

saṃjaya uvāca / (1.1) Par.?

tato muhūrtāt tumulaḥ śabdo hṛdayakampanaḥ / (1.2) Par.?

aśrūyata mahārāja yodhānāṃ prayuyutsatām // (1.3) Par.?

śaṅkhadundubhinirghoṣair vāraṇānāṃ ca bṛṃhitaiḥ / (2.1) Par.?

rathānāṃ nemighoṣaiśca dīryatīva vasuṃdharā // (2.2) Par.?

hayānāṃ heṣamāṇānāṃ yodhānāṃ tatra garjatām / (3.1) Par.?

kṣaṇena khaṃ diśaścaiva śabdenāpūritaṃ tadā // (3.2) Par.?

putrāṇāṃ tava durdharṣa pāṇḍavānāṃ tathaiva ca / (4.1) Par.?

samakampanta sainyāni parasparasamāgame // (4.2) Par.?

tatra nāgā rathāścaiva jāmbūnadavibhūṣitāḥ / (5.1) Par.?

bhrājamānā vyadṛśyanta meghā iva savidyutaḥ // (5.2) Par.?

dhvajā bahuvidhākārāstāvakānāṃ narādhipa / (6.1) Par.?

kāñcanāṅgadino rejur jvalitā iva pāvakāḥ // (6.2) Par.?

sveṣāṃ caiva pareṣāṃ ca samadṛśyanta bhārata / (7.1) Par.?

mahendraketavaḥ śubhrā mahendrasadaneṣviva // (7.2) Par.?

kāñcanaiḥ kavacair vīrā jvalanārkasamaprabhaiḥ / (8.1) Par.?

saṃnaddhāḥ pratyadṛśyanta grahāḥ prajvalitā iva // (8.2) Par.?

udyatair āyudhaiścitraistalabaddhāḥ patākinaḥ / (9.1) Par.?

ṛṣabhākṣā maheṣvāsāścamūmukhagatā babhuḥ // (9.2) Par.?

pṛṣṭhagopāstu bhīṣmasya putrāstava narādhipa / (10.1) Par.?

duḥśāsano durviṣaho durmukho duḥsahastathā // (10.2) Par.?

viviṃśatiścitraseno vikarṇaśca mahārathaḥ / (11.1) Par.?

satyavrataḥ purumitro jayo bhūriśravāḥ śalaḥ // (11.2) Par.?

rathā viṃśatisāhasrāstathaiṣām anuyāyinaḥ / (12.1) Par.?

abhīṣāhāḥ śūrasenāḥ śibayo 'tha vasātayaḥ // (12.2) Par.?

śālvā matsyāstathāmbaṣṭhāstrigartāḥ kekayāstathā / (13.1) Par.?

sauvīrāḥ kitavāḥ prācyāḥ pratīcyodīcyamālavāḥ // (13.2) Par.?

dvādaśaite janapadāḥ sarve śūrāstanutyajaḥ / (14.1) Par.?

mahatā rathavaṃśena te 'bhyarakṣan pitāmaham // (14.2) Par.?

anīkaṃ daśasāhasraṃ kuñjarāṇāṃ tarasvinām / (15.1) Par.?

māgadho yena nṛpatistad rathānīkam anvayāt // (15.2) Par.?

rathānāṃ cakrarakṣāśca pādarakṣāśca dantinām / (16.1) Par.?

abhūvan vāhinīmadhye śatānām ayutāni ṣaṭ // (16.2) Par.?

pādātāścāgrato 'gacchan dhanuścarmāsipāṇayaḥ / (17.1) Par.?

anekaśatasāhasrā nakharaprāsayodhinaḥ // (17.2) Par.?

akṣauhiṇyo daśaikā ca tava putrasya bhārata / (18.1) Par.?

adṛśyanta mahārāja gaṅgeva yamunāntare // (18.2) Par.?

Duration=0.16263508796692 secs.