Texts

gurur uvāca / (1.1) Par.?

rajasā sādhyate mohastamasā ca nararṣabha / (1.2) Par.?

krodhalobhau bhayaṃ darpa eteṣāṃ sādhanācchuciḥ // (1.3) Par.?

paramaṃ paramātmānaṃ devam akṣayam avyayam / (2.1) Par.?

viṣṇum avyaktasaṃsthānaṃ viśante devasattamam // (2.2) Par.?

tasya māyāvidagdhāṅgā jñānabhraṣṭā nirāśiṣaḥ / (3.1) Par.?

mānavā jñānasaṃmohāt tataḥ kāmaṃ prayānti vai // (3.2) Par.?

kāmāt krodham avāpyātha lobhamohau ca mānavāḥ / (4.1) Par.?

mānadarpād ahaṃkāram ahaṃkārāt tataḥ kriyāḥ // (4.2) Par.?

kriyābhiḥ snehasaṃbandhaḥ snehācchokam anantaram / (5.1) Par.?

sukhaduḥkhasamārambhāj janmājanmakṛtakṣaṇāḥ // (5.2) Par.?

janmato garbhavāsaṃ tu śukraśoṇitasaṃbhavam / (6.1) Par.?

purīṣamūtravikledaśoṇitaprabhavāvilam // (6.2) Par.?

tṛṣṇābhibhūtastair baddhastān evābhipariplavan / (7.1) Par.?

saṃsāratantravāhinyastatra budhyeta yoṣitaḥ // (7.2) Par.?

prakṛtyā kṣetrabhūtāstā narāḥ kṣetrajñalakṣaṇāḥ / (8.1) Par.?

tasmād etā viśeṣeṇa naro 'tīyur vipaścitaḥ // (8.2) Par.?

kṛtyā hyetā ghorarūpā mohayantyavicakṣaṇān / (9.1) Par.?

rajasyantarhitā mūrtir indriyāṇāṃ sanātanī // (9.2) Par.?

tasmāt tarṣātmakād rāgād bījājjāyanti jantavaḥ / (10.1) Par.?

svadehajān asvasaṃjñān yadvad aṅgāt kṛmīṃstyajet / (10.2) Par.?

svasaṃjñān asvajāṃstadvat sutasaṃjñān kṛmīṃstyajet // (10.3) Par.?

śukrato rasataścaiva snehājjāyanti jantavaḥ / (11.1) Par.?

svabhāvāt karmayogād vā tān upekṣeta buddhimān // (11.2) Par.?

rajastamasi paryastaṃ sattvaṃ tamasi saṃsthitam / (12.1) Par.?

jñānādhiṣṭhānam ajñānaṃ buddhyahaṃkāralakṣaṇam // (12.2) Par.?

tad bījaṃ dehinām āhustad bījaṃ jīvasaṃjñitam / (13.1) Par.?

karmaṇā kālayuktena saṃsāraparivartakam // (13.2) Par.?

ramatyayaṃ yathā svapne manasā dehavān iva / (14.1) Par.?

karmagarbhair guṇair dehī garbhe tad upapadyate // (14.2) Par.?

karmaṇā bījabhūtena codyate yad yad indriyam / (15.1) Par.?

jāyate tad ahaṃkārād rāgayuktena cetasā // (15.2) Par.?

śabdarāgācchrotram asya jāyate bhāvitātmanaḥ / (16.1) Par.?

rūparāgāt tathā cakṣur ghrāṇaṃ gandhacikīrṣayā // (16.2) Par.?

sparśanebhyastathā vāyuḥ prāṇāpānavyapāśrayaḥ / (17.1) Par.?

vyānodānau samānaśca pañcadhā dehayāpanā // (17.2) Par.?

saṃjātair jāyate gātraiḥ karmajair brahmaṇā vṛtaḥ / (18.1) Par.?

duḥkhādyantair duḥkhamadhyair naraḥ śārīramānasaiḥ // (18.2) Par.?

duḥkhaṃ vidyād upādānād abhimānācca vardhate / (19.1) Par.?

tyāgāt tebhyo nirodhaḥ syānnirodhajño vimucyate // (19.2) Par.?

indriyāṇāṃ rajasyeva prabhavapralayāvubhau / (20.1) Par.?

parīkṣya saṃcared vidvān yathāvacchāstracakṣuṣā // (20.2) Par.?

jñānendriyāṇīndriyārthān nopasarpantyatarṣulam / (21.1) Par.?

jñātaiśca kāraṇair dehī na dehaṃ punar arhati // (21.2) Par.?