Texts

Select a text:
Bibliography

Select a chapter:
(no revisions)

Associated topic(s): Giving, dāna, cow

Show parallels Show headlines
Use dependency labeler

Chapter id: 9349

vasiṣṭha uvāca / (1.1) Par.?

ghṛtakṣīrapradā gāvo ghṛtayonyo ghṛtodbhavāḥ / (1.2) Par.?

ghṛtanadyo ghṛtāvartāstā me santu sadā gṛhe // (1.3) Par.?

ghṛtaṃ me hṛdaye nityaṃ ghṛtaṃ nābhyāṃ pratiṣṭhitam / (2.1) Par.?

ghṛtaṃ sarveṣu gātreṣu ghṛtaṃ me manasi sthitam // (2.2) Par.?

gāvo mamāgrato nityaṃ gāvaḥ pṛṣṭhata eva ca / (3.1) Par.?

gāvo me sarvataścaiva gavāṃ madhye vasāmyaham // (3.2) Par.?

ityācamya japet sāyaṃ prātaśca puruṣaḥ sadā / (4.1) Par.?

yad ahnā kurute pāpaṃ tasmāt sa parimucyate // (4.2) Par.?

prāsādā yatra sauvarṇā vasor dhārā ca yatra sā / (5.1) Par.?

gandharvāpsaraso yatra tatra yānti sahasradāḥ // (5.2) Par.?

navanītapaṅkāḥ kṣīrodā dadhiśaivalasaṃkulāḥ / (6.1) Par.?

vahanti yatra nadyo vai tatra yānti sahasradāḥ // (6.2) Par.?

gavāṃ śatasahasraṃ tu yaḥ prayacched yathāvidhi / (7.1) Par.?

parām ṛddhim avāpyātha sa goloke mahīyate // (7.2) Par.?

daśa cobhayataḥ pretya mātāpitroḥ pitāmahān / (8.1) Par.?

dadhāti sukṛtāṃllokān punāti ca kulaṃ naraḥ // (8.2) Par.?

dhenvāḥ pramāṇena samapramāṇāṃ dhenuṃ tilānām api ca pradāya / (9.1) Par.?

pānīyadātā ca yamasya loke na yātanāṃ kāṃcid upaiti tatra // (9.2) Par.?

pavitram agryaṃ jagataḥ pratiṣṭhā divaukasāṃ mātaro 'thāprameyāḥ / (10.1) Par.?

anvālabhed dakṣiṇato vrajecca dadyācca pātre prasamīkṣya kālam // (10.2) Par.?

dhenuṃ savatsāṃ kapilāṃ bhūriśṛṅgāṃ kāṃsyopadohāṃ vasanottarīyām / (11.1) Par.?

pradāya tāṃ gāhati durvigāhyāṃ yāmyāṃ sabhāṃ vītabhayo manuṣyaḥ // (11.2) Par.?

surūpā bahurūpāśca viśvarūpāśca mātaraḥ / (12.1) Par.?

gāvo mām upatiṣṭhantām iti nityaṃ prakīrtayet // (12.2) Par.?

nātaḥ puṇyataraṃ dānaṃ nātaḥ puṇyataraṃ phalam / (13.1) Par.?

nāto viśiṣṭaṃ lokeṣu bhūtaṃ bhavitum arhati // (13.2) Par.?

tvacā lomnātha śṛṅgaiśca vālaiḥ kṣīreṇa medasā / (14.1) Par.?

yajñaṃ vahanti sambhūya kim astyabhyadhikaṃ tataḥ // (14.2) Par.?

yayā sarvam idaṃ vyāptaṃ jagat sthāvarajaṅgamam / (15.1) Par.?

tāṃ dhenuṃ śirasā vande bhūtabhavyasya mātaram // (15.2) Par.?

guṇavacanasamuccayaikadeśo nṛvara mayaiṣa gavāṃ prakīrtitaste / (16.1) Par.?

na hi param iha dānam asti gobhyo bhavanti na cāpi parāyaṇaṃ tathānyat // (16.2) Par.?

bhīṣma uvāca / (17.1) Par.?

param idam iti bhūmipo vicintya pravaram ṛṣer vacanaṃ tato mahātmā / (17.2) Par.?

vyasṛjata niyatātmavān dvijebhyaḥ subahu ca godhanam āptavāṃśca lokān // (17.3) Par.?

Duration=0.060720920562744 secs.