UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 8754
- Click on a sentence to show its analysis
- Keep the mouse pointer over a lemma to show its meanings.
janamejaya uvāca / (1.1)
Par.?
śrutvaitad vacanaṃ brahman vyāsenoktaṃ mahātmanā / (1.2)
Par.?
aśvamedhaṃ prati tadā kiṃ nṛpaḥ pracakāra ha // (1.3)
Par.?
ratnaṃ ca yanmaruttena nihitaṃ pṛthivītale / (2.1)
Par.?
tad avāpa kathaṃ ceti tanme brūhi dvijottama // (2.2)
Par.?
vaiśaṃpāyana uvāca / (3.1)
Par.?
śrutvā dvaipāyanavaco dharmarājo yudhiṣṭhiraḥ / (3.2)
Par.?
bhrātṝn sarvān samānāyya kāle vacanam abravīt / (3.3) Par.?
arjunaṃ bhīmasenaṃ ca mādrīputrau yamāvapi // (3.4)
Par.?
śrutaṃ vo vacanaṃ vīrāḥ sauhṛdād yanmahātmanā / (4.1)
Par.?
kurūṇāṃ hitakāmena proktaṃ kṛṣṇena dhīmatā // (4.2)
Par.?
tapovṛddhena mahatā suhṛdāṃ bhūtim icchatā / (5.1)
Par.?
guruṇā dharmaśīlena vyāsenādbhutakarmaṇā // (5.2)
Par.?
bhīṣmeṇa ca mahāprājña govindena ca dhīmatā / (6.1)
Par.?
saṃsmṛtya tad ahaṃ samyak kartum icchāmi pāṇḍavāḥ // (6.2)
Par.?
āyatyāṃ ca tadātve ca sarveṣāṃ taddhi no hitam / (7.1)
Par.?
anubandhe ca kalyāṇaṃ yad vaco brahmavādinaḥ // (7.2)
Par.?
iyaṃ hi vasudhā sarvā kṣīṇaratnā kurūdvahāḥ / (8.1)
Par.?
taccācaṣṭa bahu vyāso maruttasya dhanaṃ nṛpāḥ // (8.2)
Par.?
yadyetad vo bahumataṃ manyadhvaṃ vā kṣamaṃ yadi / (9.1)
Par.?
tad ānayāmahe sarve kathaṃ vā bhīma manyase // (9.2)
Par.?
ityuktavākye nṛpatau tadā kurukulodvaha / (10.1)
Par.?
bhīmaseno nṛpaśreṣṭhaṃ prāñjalir vākyam abravīt // (10.2)
Par.?
rocate me mahābāho yad idaṃ bhāṣitaṃ tvayā / (11.1)
Par.?
vyāsākhyātasya vittasya samupānayanaṃ prati // (11.2)
Par.?
yadi tat prāpnuyāmeha dhanam āvikṣitaṃ prabho / (12.1)
Par.?
kṛtam eva mahārāja bhaved iti matir mama // (12.2)
Par.?
te vayaṃ praṇipātena girīśasya mahātmanaḥ / (13.1)
Par.?
tad ānayāma bhadraṃ te samabhyarcya kapardinam // (13.2)
Par.?
taṃ vibhuṃ devadeveśaṃ tasyaivānucarāṃśca tān / (14.1)
Par.?
prasādyārtham avāpsyāmo nūnaṃ vāgbuddhikarmabhiḥ // (14.2)
Par.?
rakṣante ye ca tad dravyaṃ kiṃkarā raudradarśanāḥ / (15.1)
Par.?
te ca vaśyā bhaviṣyanti prasanne vṛṣabhadhvaje // (15.2)
Par.?
śrutvaivaṃ vadatastasya vākyaṃ bhīmasya bhārata / (16.1)
Par.?
prīto dharmātmajo rājā babhūvātīva bhārata / (16.2)
Par.?
arjunapramukhāścāpi tathetyevābruvanmudā // (16.3)
Par.?
kṛtvā tu pāṇḍavāḥ sarve ratnāharaṇaniścayam / (17.1)
Par.?
senām ājñāpayāmāsur nakṣatre 'hani ca dhruve // (17.2)
Par.?
tato yayuḥ pāṇḍusutā brāhmaṇān svasti vācya ca / (18.1)
Par.?
arcayitvā suraśreṣṭhaṃ pūrvam eva maheśvaram // (18.2)
Par.?
modakaiḥ pāyasenātha māṃsāpūpaistathaiva ca / (19.1)
Par.?
āśāsya ca mahātmānaṃ prayayur muditā bhṛśam // (19.2)
Par.?
teṣāṃ prayāsyatāṃ tatra maṅgalāni śubhānyatha / (20.1)
Par.?
prāhuḥ prahṛṣṭamanaso dvijāgryā nāgarāśca te // (20.2)
Par.?
tataḥ pradakṣiṇīkṛtya śirobhiḥ praṇipatya ca / (21.1)
Par.?
brāhmaṇān agnisahitān prayayuḥ pāṇḍunandanāḥ // (21.2)
Par.?
samanujñāpya rājānaṃ putraśokasamāhatam / (22.1)
Par.?
dhṛtarāṣṭraṃ sabhāryaṃ vai pṛthāṃ pṛthulalocanām // (22.2)
Par.?
mūle nikṣipya kauravyaṃ yuyutsuṃ dhṛtarāṣṭrajam / (23.1)
Par.?
sampūjyamānāḥ pauraiśca brāhmaṇaiśca manīṣibhiḥ // (23.2)
Par.?
Duration=0.097909927368164 secs.