UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 4530
- Click on a sentence to show its analysis
- Keep the mouse pointer over a lemma to show its meanings.
athāto visarpacikitsitaṃ vyākhyāsyāmaḥ / (1.1)
Par.?
iti ha smāhur ātreyādayo maharṣayaḥ / (1.2)
Par.?
ādāveva visarpeṣu hitaṃ laṅghanarūkṣaṇam / (1.3)
Par.?
raktāvaseko vamanaṃ virekaḥ snehanaṃ na tu // (1.4)
Par.?
pracchardanaṃ visarpaghnaṃ sayaṣṭīndrayavaṃ phalam / (2.1)
Par.?
paṭolapippalīnimbapallavair vā samanvitam // (2.2)
Par.?
rasena yuktaṃ trāyantyā drākṣāyās traiphalena vā / (3.1)
Par.?
virecanaṃ trivṛccūrṇaṃ payasā sarpiṣāthavā // (3.2)
Par.?
yojyaṃ koṣṭhagate doṣe viśeṣeṇa viśodhanam / (4.1)
Par.?
aviśodhyasya doṣe 'lpe śamanaṃ candanotpalam // (4.2)
Par.?
mustanimbapaṭolaṃ vā paṭolādikam eva vā / (5.1)
Par.?
śārivāmalakośīramustaṃ vā kvathitaṃ jale // (5.2)
Par.?
durālabhāṃ parpaṭakaṃ guḍūcīṃ viśvabheṣajam / (6.1)
Par.?
pākyaṃ śītakaṣāyaṃ vā tṛṣṇāvisarpavān pibet // (6.2)
Par.?
dārvīpaṭolakaṭukāmasūratriphalās tathā / (7.1)
Par.?
sanimbayaṣṭītrāyantīḥ kvathitā ghṛtamūrchitāḥ // (7.2)
Par.?
śākhāduṣṭe tu rudhire raktam evādito haret / (8.1)
Par.?
tvaṅmāṃsasnāyusaṃkledo raktakledāddhi jāyate // (8.2)
Par.?
nirāme śleṣmaṇi kṣīṇe vātapittottare hitam / (9.1)
Par.?
ghṛtaṃ tiktaṃ mahātiktaṃ śṛtaṃ vā trāyamāṇayā // (9.2)
Par.?
nirhṛte 'sre viśuddhe 'ntardoṣe tvaṅmāṃsasaṃdhige / (10.1)
Par.?
bahiḥkriyāḥ pradehādyāḥ sadyo visarpaśāntaye // (10.2)
Par.?
śatāhvāmustavārāhīvaṃśārtagaladhānyakam / (11.1)
Par.?
surāhvā kṛṣṇagandhā ca kuṣṭhaṃ cālepanaṃ cale // (11.2)
Par.?
nyagrodhādigaṇaḥ pitte tathā padmotpalādikam / (12.1)
Par.?
nyagrodhapādās taruṇāḥ kadalīgarbhasaṃyutāḥ // (12.2)
Par.?
bisagranthiśca lepaḥ syācchatadhautaghṛtāplutaḥ / (13.1)
Par.?
padminīkardamaḥ śītaḥ piṣṭaṃ mauktikam eva vā // (13.2)
Par.?
śaṅkhaḥ pravālaṃ śuktir vā gairikaṃ vā ghṛtānvitam / (14.1)
Par.?
triphalāpadmakośīrasamaṅgākaravīrakam // (14.2)
Par.?
nalamūlānyanantā ca lepaḥ śleṣmavisarpahā / (15.1)
Par.?
dhavasaptāhvakhadiradevadārukuraṇṭakam // (15.2)
Par.?
samustāragvadhaṃ lepo vargo vā varuṇādikaḥ / (16.1)
Par.?
āragvadhasya pattrāṇi tvacaḥ śleṣmātakodbhavāḥ // (16.2)
Par.?
indrāṇiśākaṃ kākāhvā śirīṣakusumāni ca / (17.1) Par.?
sekavraṇābhyaṅgahavirlepacūrṇān yathāyatham // (17.2)
Par.?
etairevauṣadhaiḥ kuryād vāyau lepā ghṛtādhikāḥ / (18.1)
Par.?
kaphasthānagate sāme pittasthānagate 'thavā // (18.2)
Par.?
aśītoṣṇā hitā rūkṣā raktapitte ghṛtānvitāḥ / (19.1)
Par.?
atyarthaśītās tanavas tanuvastrāntarāsthitāḥ // (19.2)
Par.?
yojyāḥ kṣaṇe kṣaṇe 'nye 'nye mandavīryās ta eva ca / (20.1)
Par.?
saṃsṛṣṭadoṣe saṃsṛṣṭam etat karma praśasyate // (20.2)
Par.?
śatadhautaghṛtenāgniṃ pradihyāt kevalena vā / (21.1)
Par.?
secayed ghṛtamaṇḍena śītena madhukāmbunā // (21.2)
Par.?
sitāmbhasāmbhodajalaiḥ kṣīreṇekṣurasena vā / (22.1)
Par.?
pānalepanasekeṣu mahātiktaṃ paraṃ hitam // (22.2)
Par.?
granthyākhye raktapittaghnaṃ kṛtvā samyag yathoditam / (23.1)
Par.?
kaphānilaghnaṃ karmeṣṭaṃ piṇḍasvedopanāhanam // (23.2)
Par.?
granthivisarpaśūle tu tailenoṣṇena secayet / (24.1)
Par.?
daśamūlavipakvena tadvan mūtrair jalena vā // (24.2)
Par.?
sukhoṣṇayā pradihyād vā piṣṭayā kṛṣṇagandhayā / (25.1)
Par.?
naktamālatvacā śuṣkamūlakaiḥ kalināthavā // (25.2)
Par.?
dantī citrakamūlatvak saudhārkapayasī guḍaḥ / (26.1)
Par.?
bhallātakāsthi kāsīsaṃ lepo bhindyācchilām api // (26.2)
Par.?
bahirmārgāśritaṃ granthiṃ kiṃ punaḥ kaphasaṃbhavam / (27.1)
Par.?
dīrghakālasthitaṃ granthim ebhir bhindyācca bheṣajaiḥ // (27.2)
Par.?
mūlakānāṃ kulatthānāṃ yūṣaiḥ sakṣāradāḍimaiḥ / (28.1)
Par.?
godhūmānnair yavānnair vā sasīdhumadhuśārkaraiḥ // (28.2)
Par.?
sakṣaudrair vāruṇīmaṇḍair mātuluṅgarasānvitaiḥ / (29.1)
Par.?
triphalāyāḥ prayogaiśca pippalyāḥ kṣaudrasaṃyutaiḥ // (29.2)
Par.?
devadāruguḍūcyośca prayogair girijasya ca / (30.1)
Par.?
mustabhallātasaktūnāṃ prayogair mākṣikasya ca // (30.2)
Par.?
dhūmair virekaiḥ śirasaḥ pūrvoktair gulmabhedanaiḥ / (31.1)
Par.?
taptāyohemalavaṇapāṣāṇādiprapīḍanaiḥ // (31.2)
Par.?
ābhiḥ kriyābhiḥ siddhābhir vividhābhir bale sthitaḥ / (32.1)
Par.?
granthiḥ pāṣāṇakaṭhino yadi naivopaśāmyati // (32.2)
Par.?
athāsya dāhaḥ kṣāreṇa śarair hemnāpi vā hitaḥ / (33.1)
Par.?
pākibhiḥ pācayitvā vā pāṭayitvā tam uddharet // (33.2)
Par.?
mokṣayed bahuśaścāsya raktam utkleśam āgatam / (34.1)
Par.?
punaścāpahṛte rakte vātaśleṣmajid auṣadham // (34.2)
Par.?
praklinne dāhapākābhyāṃ bāhyāntar vraṇavat kriyā / (35.1)
Par.?
dārvīviḍaṅgakampillaiḥ siddhaṃ tailaṃ vraṇe hitam // (35.2)
Par.?
dūrvāsvarasasiddhaṃ tu kaphapittottare ghṛtam / (36.1)
Par.?
ekataḥ sarvakarmāṇi raktamokṣaṇam ekataḥ // (36.2)
Par.?
visarpo na hyasaṃsṛṣṭaḥ sa 'srapittena jāyate / (37.1)
Par.?
raktam evāśrayaścāsya bahuśo 'sraṃ hared ataḥ // (37.2)
Par.?
na ghṛtaṃ bahudoṣāya deyaṃ yan na virecanam / (38.1)
Par.?
tena doṣo hyupastabdhas tvagraktapiśitaṃ pacet // (38.2)
Par.?
Duration=0.16059803962708 secs.