UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 5427
- Click on a sentence to show its analysis
- Keep the mouse pointer over a lemma to show its meanings.
vīthyāśrayāṇi carati nakṣatrāṇi niśākaraḥ / (1.2)
Par.?
tricakrobhayato'śvaś ca vijñeyastasya vai rathaḥ // (1.3)
Par.?
śatāraiś ca tribhiścakrairyuktaḥ śuklairhayottamaiḥ / (2.1)
Par.?
daśabhistvakṛśair divyair asaṃgais tair manojavaiḥ // (2.2)
Par.?
rathenānena devaiś ca pitṛbhiścaiva gacchati / (3.1)
Par.?
somo hyambumayair gobhiḥ śuklaiḥ śuklagabhastimān // (3.2)
Par.?
kramate śuklapakṣādau bhāskarātparamāsthitaḥ / (4.1)
Par.?
āpūryate parasyāntaḥ satataṃ divasakramāt // (4.2)
Par.?
devaiḥ pītaṃ kṣaye somamāpyāyayati nityaśaḥ / (5.1)
Par.?
pītaṃ pañcadaśāhaṃ tu raśminaikena bhāskaraḥ // (5.2)
Par.?
āpūrayan suṣumnena bhāgaṃ bhāgamanukramāt / (6.1)
Par.?
ityeṣā sūryavīryeṇa candrasyāpyāyitā tanuḥ // (6.2)
Par.?
sa paurṇamāsyāṃ dṛśyeta śuklaḥ sampūrṇamaṇḍalaḥ / (7.1)
Par.?
evamāpyāyitaṃ somaṃ śuklapakṣe dinakramāt // (7.2)
Par.?
tato dvitīyāprabhṛti bahulasya caturdaśīm / (8.1)
Par.?
pibantyambumayaṃ devā madhu saumyaṃ sudhāmṛtam // (8.2)
Par.?
saṃbhṛtaṃ tvardhamāsena hyamṛtaṃ sūryatejasā / (9.1)
Par.?
pānārthamamṛtaṃ somaṃ paurṇamāsyāmupāsate // (9.2)
Par.?
ekarātriṃ surāḥ sarve pitṛbhistvṛṣibhiḥ saha / (10.1)
Par.?
somasya kṛṣṇapakṣādau bhāskarābhimukhasya ca // (10.2)
Par.?
prakṣīyante parasyāntaḥ pīyamānāḥ kalāḥ kramāt / (11.1)
Par.?
trayastriṃśacchatāścaiva trayastriṃśattathaiva ca // (11.2)
Par.?
trayastriṃśatsahasrāṇi devāḥ somaṃ pibanti vai / (12.1)
Par.?
evaṃ dinakramātpīte vibudhaistu niśākare // (12.2)
Par.?
pītvārdhamāsaṃ gacchanti amāvāsyāṃ surottamāḥ / (13.1)
Par.?
pitaraścopatiṣṭhanti amāvāsyāṃ niśākaram // (13.2)
Par.?
tataḥ pañcadaśe bhāge kiṃcicchiṣṭe kalātmake / (14.1)
Par.?
aparāhṇe pitṛgaṇā jaghanyaṃ paryupāsate // (14.2)
Par.?
pibanti dvikalaṃ kālaṃ śiṣṭā tasya kalā tu yā / (15.1)
Par.?
nisṛtaṃ tadamāvāsyāṃ gabhastibhyaḥ svadhāmṛtam // (15.2)
Par.?
māsatṛptimavāpyāgryāṃ pītvā gacchanti te 'mṛtam / (16.1)
Par.?
pitṛbhiḥ pīyamānasya pañcadaśyāṃ kalā tu yā // (16.2)
Par.?
yāvattu kṣīyate tasya bhāgaḥ pañcadaśastu saḥ / (17.1)
Par.?
amāvāsyāṃ tatastasyā antarā pūryate punaḥ // (17.2)
Par.?
vṛddhikṣayau vai pakṣādau ṣoḍaśyāṃ śaśinaḥ smṛtau / (18.1)
Par.?
evaṃ sūryanimittaiṣā pakṣavṛddhirniśākare // (18.2)
Par.?
iti śrīliṅgamahāpurāṇe pūrvabhāge somavarṇanaṃ nāma ṣaṭpañcāśattamo 'dhyāyaḥ // (19.1)
Par.?
Duration=0.079919099807739 secs.