UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3896
- Click on a sentence to show its analysis
- Keep the mouse pointer over a lemma to show its meanings.
śrīmārkaṇḍeya uvāca / (1.1)
Par.?
tato mātṛsahasraiśca raudraiśca parivāritā / (1.2)
Par.?
kālarātrir jagatsarvaṃ harate dīptalocanā // (1.3)
Par.?
tatastā mātaro ghorā brahmaviṣṇuśivātmikāḥ / (2.1)
Par.?
vāyvindrānalakauberā yamatoyeśaśaktayaḥ // (2.2)
Par.?
skandakroḍanṛsiṃhānāṃ vicarantyo bhayānakāḥ / (3.1)
Par.?
cakraśūlagadākhaḍgavajraśaktyṛṣṭipaṭṭiśaiḥ // (3.2)
Par.?
khaṭvāṅgairulmukairdīptairvyacaranmātaraḥ kṣaye / (4.1)
Par.?
umāsaṃnoditā sarvāḥ pradhāvantyo diśo daśa // (4.2)
Par.?
tāsāṃ caraṇavikṣepair huṅkārodgāranisvanaiḥ / (5.1)
Par.?
trailokyametatsakalaṃ vipradagdhaṃ samantataḥ // (5.2)
Par.?
hāhāravākranditanisvanaiśca prabhinnarathyāgṛhagopuraiśca / (6.1)
Par.?
babhūva ghorā dharaṇī samantāt kapālakośākulakarburāṅgī // (6.2)
Par.?
yadetacchatasāhasraṃ jambūdvīpaṃ nigadyate / (7.1)
Par.?
sarvameva tad ucchannaṃ samādhṛṣya nṛpottama // (7.2)
Par.?
jambuṃ śākaṃ kuśaṃ krauñcaṃ gomedaṃ śālmalistathā / (8.1)
Par.?
puṣkaradvīpasahitā ye ca parvatavāsinaḥ // (8.2)
Par.?
te grastā mṛtyunā sarve bhūtairmātṛgaṇaistathā / (9.1)
Par.?
mahāsurakapālaiśca māṃsamedovasotkaṭaiḥ // (9.2)
Par.?
rudhirodgāraśoṇāṅgī mahāmāyā subhīṣaṇā / (10.1)
Par.?
pibantī rudhiraṃ tatra mahāmāṃsavasāpriyā // (10.2)
Par.?
kapālahastā vikaṭā bhakṣayantī surāsurān / (11.1)
Par.?
nṛtyantī ca hasantī ca viparītā mahāravā // (11.2)
Par.?
trailokyasaṃtrāsakarī vidyutsaṃsphoṭahāsinī / (12.1)
Par.?
saptadvīpasamudrāntāṃ bhakṣayitvā ca medinīm // (12.2)
Par.?
tataḥ svasthānamagamadyatra devo maheśvaraḥ / (13.1)
Par.?
narmadātīram āśrityāvasanmātṛgaṇaiḥ saha // (13.2)
Par.?
amarāṇāṃ kaṭe tuṅge nṛtyantī hasitānanā / (14.1)
Par.?
amarā devatāḥ proktāḥ śarīraṃ kaṭamucyate // (14.2)
Par.?
taiḥ kaṭairāvṛto yasmāt parvato 'yaṃ nṛpottama / (15.1)
Par.?
chinnabhinnāsthinikarair vasāmedo'sraviplutaiḥ // (15.2)
Par.?
amaraṃkaṭa ityevaṃ tena prokto manīṣibhiḥ / (16.1)
Par.?
mahāpavitro lokeṣu śambhunā sa vinirmitaḥ // (16.2)
Par.?
nityaṃ saṃnihitastatra śaṅkaro hyumayā saha / (17.1)
Par.?
tato 'haṃ niyatastatra tasya pādāgrasaṃsthitaḥ // (17.2)
Par.?
prahvaḥ praṇatabhāvena staumi taṃ nīlalohitam / (18.1)
Par.?
tatas tālakasampātair gaṇair mātṛgaṇaiḥ saha // (18.2)
Par.?
saṃpranṛtyati saṃhṛṣṭo mṛtyunā saha śaṅkaraḥ / (19.1)
Par.?
khaṭvāṅgairulmukaiścaiva paṭṭiśaiḥ parighais tathā // (19.2)
Par.?
māṃsamedovasāhastā hṛṣṭā nṛtyanti saṃghaśaḥ / (20.1)
Par.?
vāmanā jaṭilā muṇḍā lambagrīvoṣṭhamūrddhajāḥ // (20.2)
Par.?
mahāśiśnodarabhujā nṛtyanti ca hasanti ca / (21.1)
Par.?
vikṛtairānanair ghorair
arbhujolbaṇamukhādibhiḥ // (21.2)
Par.?
amaraṃ kaṇṭakaṃ cakruḥ prāpte kālaviparyaye / (22.1)
Par.?
teṣāṃ madhye mahāghoraṃ jagatsantrāsakāraṇam // (22.2)
Par.?
mṛtyuṃ paśyāmi nṛtyantaṃ taḍitpiṅgalamūrddhajam / (23.1)
Par.?
tasya pārśve sthitāṃ devīṃ vimalāmbarabhūṣitām // (23.2)
Par.?
kuṇḍalodghuṣṭagaṇḍāṃ tāṃ nāgayajñopavītinīm / (24.1)
Par.?
vicitrairupahāraiśca pūjayantīṃ maheśvaram // (24.2)
Par.?
apaśyaṃ narmadāṃ tatra mātaraṃ viśvavanditām / (25.1)
Par.?
nānātaraṅgāṃ sāvartāṃ suvelārṇavasaṃnibhām // (25.2)
Par.?
mahāsaraḥsaritpātair adṛśyāṃ dṛśyarūpiṇīm / (26.1) Par.?
vandyamānāṃ suraiḥ siddhairmunisaṅghaiśca bhārata // (26.2)
Par.?
etasminnantare ghorāṃ saptasaptakasaṃjñitām / (27.1)
Par.?
mahāvīcyaughaphenāḍhyāṃ kurvantīṃ sajalaṃ jagat // (27.2)
Par.?
dṛṣṭavānnarmadāṃ devīṃ mṛgakṛṣṇāmbarāṃ punaḥ / (28.1)
Par.?
sadhūmāśaninirhrādair vahantīṃ saptadhā tadā // (28.2)
Par.?
iti saṃhāramatulaṃ dṛṣṭavānrājasattama / (29.1)
Par.?
naṣṭacandrārkakiraṇam abhūd etaccarācaram // (29.2)
Par.?
mahotpātasamudbhūtaṃ naṣṭanakṣatramaṇḍalam / (30.1)
Par.?
alātacakravat tūrṇam aśeṣaṃ bhrāmayaṃstataḥ // (30.2)
Par.?
vimānakoṭisaṃkīrṇaḥ sa kiṃnaramahoragaḥ / (31.1)
Par.?
mahāvātaḥ sanirghāto yenākampaccarācaram // (31.2)
Par.?
rudravaktrātsamudbhūtaḥ saṃvarto nāma viśrutaḥ / (32.1)
Par.?
vāyuḥ saṃśoṣayāmāsa
vitatan saptasāgarān // (32.2)
Par.?
uddhūlitāṅgaḥ kapilākṣamūrddhajo jaṭākalāpair avabaddhamūrddhajaḥ / (33.1)
Par.?
mahāravo dīptaviśālaśūladhṛksa pātu yuṣmāṃśca dine dine haraḥ // (33.2)
Par.?
śūlī dhanuṣmānkavacī kirīṭī śmaśānabhasmokṣitasarvagātraḥ / (34.1)
Par.?
kapālamālākulakaṇṭhanālo mahāhisūtrairavabaddhamauliḥ // (34.2)
Par.?
sa gonasaughaiḥ pariveṣṭitāṅgo viṣāgnicandrāmarasindhumauliḥ / (35.1)
Par.?
pinākakhaṇṭūvāṅgakarālapāṇiḥ sa kṛttivāsā ḍamarupraṇādaḥ // (35.2)
Par.?
sa saptalokāntaraniḥsṛtātmā mahabhujāveṣṭitasarvagātraḥ / (36.1)
Par.?
netreṇa sūryodayasannibhena pravālakāṅkūranibhodareṇa // (36.2)
Par.?
sandhyābhraraktotpalapadmarāgasindūravidyutprakarāruṇena / (37.1)
Par.?
tatena liṅgena ca locanena cikrīḍamānaḥ sa yugāntakāle // (37.2)
Par.?
hiraṇmayenaiva samutsṛjan sa daṇḍena yadvad bhagavān sameruḥ / (38.1)
Par.?
pādāgravikṣepaviśīrṇaśailaḥ kurvañjagat so 'pi jagāma tatra // (38.2)
Par.?
saṃhartukāmastridivaṃ tvaśeṣaṃ pramuñcamāno vikṛtāṭṭahāsam / (39.1)
Par.?
jahāra sarvaṃ tridivaṃ mahātmā saṃkṣobhayanvai jagadīśa ekaḥ // (39.2)
Par.?
taṃ devamīśānamajaṃ vareṇyaṃ dṛṣṭvā jagatsaṃharaṇaṃ maheśam / (40.1)
Par.?
sā kālarātriḥ saha mātṛbhiśca gaṇāśca sarve śivamarcayanti // (40.2)
Par.?
nandī ca bhṛṅgī ca gaṇādayaśca taṃ sarvabhūtaṃ praṇamanti devam / (41.1)
Par.?
jāgadvaraṃ sarvajanasya kāraṇaṃ haraṃ smarārātim aharniśaṃ te // (41.2)
Par.?
iti śrīskānde mahāpurāṇa ekāśītisāhasryāṃ pañcama āvantyakhaṇḍe revākhaṇḍe narmadāmāhātmye sṛṣṭisaṃharaṇasaṃrambhavarṇanaṃ nāma pañcadaśo 'dhyāyaḥ // (42.1)
Par.?
Duration=0.19858002662659 secs.