Texts

āgneyasthālīpāko 'nāhitāgner darśapūrṇamāsayoḥ // (1) Par.?

agnīṣomīyaḥ paurṇamāsyām āhitāgneḥ // (2) Par.?

aindro māhendro vaindrāgno vāmāvāsyāyām // (3) Par.?

yathā vānāhitāgneḥ // (4) Par.?

sarvamahaḥ prātarāhuteḥ sthānam // (5) Par.?

rātriḥ sāyamāhuteḥ // (6) Par.?

sarvo 'parapakṣaḥ paurṇamāsasya // (7) Par.?

pūrvapakṣo dārśasya // (8) Par.?

abhojanena saṃtanuyādityeke // (9) Par.?

avidyamāne havye yajñiyānāṃ phalāni juhuyāt // (10) Par.?

palāśāni vā // (11) Par.?

apo vā // (12) Par.?

hutaṃ hi // (13) Par.?

prāyaścittam ahutasya // (14) Par.?

ājyaṃ juhuyāddhaviṣo 'nādeśe // (15) Par.?

devatā mantrānādeśe // (16) Par.?

prathamagarbhe tṛtīye māsi puṃsavanam // (17) Par.?

snātām ahatenācchādya hutvā patiḥ pṛṣṭhatastiṣṭhet // (18) Par.?

dakṣiṇam aṃsam anvavamṛśyānantarhitaṃ nābhideśam abhimṛśet pumāṃsāviti // (19) Par.?

athāparaṃ nyagrodhaśuṅgām ubhayataḥphalām asrāmām akrimiparisṛptāṃ triḥsaptair yavaiḥ parikrīyotthāpayenmāṣairvā sarvatrauṣadhayaḥ sumanaso bhūtvā 'syāṃ vīryaṃ samādhatteyaṃ karma kariṣyatīti // (20) Par.?

āhṛtya vaihāyasīṃ kuryāt // (21) Par.?

kumārī brahmacārī vratavatī vā brāhmaṇī peṣayed apratyāharantī // (22) Par.?

snātāṃ saṃveśya dakṣiṇe nāsikāsrotasyāsiñcet pumānagniriti // (23) Par.?

athāsyāścaturthe māsi ṣaṣṭhe vā sīmantonnayanam // (24) Par.?

snātāmahatenācchādya hutvā patiḥ pṛṣṭhatastiṣṭhannanupūrvayā phalavṛkṣaśākhayā sakṛtsīmantamunnayet triśvetayā ca śalalyā 'yamūrjāvato vṛkṣa iti // (25) Par.?

kṛsaraḥ sthālīpākaḥ // (26) Par.?

uttaraghṛtamavekṣantīṃ pṛccheta kiṃ paśyasīti // (27) Par.?

prajāmiti vācayet // (28) Par.?

pratiṣṭhite vastau soṣyantīhomaḥ // (29) Par.?

yā tiraścīti dvābhyām // (30) Par.?

asāviti nāma dadhyāt // (31) Par.?

tadguhyam // (32) Par.?

prāṅnābhikṛntanāt stanadānācca vrīhiyavau peṣayecchuṅgāvṛtā // (33) Par.?

aṅguṣṭhenānāmikayā cādāya kumāraṃ prāśayediyamājñeti // (34) Par.?

sarpiśca medhāṃ ta iti // (35) Par.?