Texts

atha śūlagavaḥ // (1) Par.?

śaradi vasante vārdrayā // (2) Par.?

śreṣṭhaṃ svasya yūthasya // (3) Par.?

akuṣṭhipṛṣat // (4) Par.?

kalmāṣam ityeke // (5) Par.?

kāmaṃ kṛṣṇam ālohavāṃś cet // (6) Par.?

vrīhiyavamatībhir adbhir abhiṣicya // (7) Par.?

śirasta ā bhasattaḥ // (8) Par.?

rudrāya mahādevāya juṣṭo vardhasveti // (9) Par.?

taṃ vardhayet sampannadantam ṛṣabhaṃ vā // (10) Par.?

yajñiyāyāṃ diśi // (11) Par.?

asaṃdarśane grāmāt // (12) Par.?

ūrdhvam ardharātrāt // (13) Par.?

udita ityeke // (14) Par.?

vaidyaṃ caritravantaṃ brahmāṇam upaveśya sapalāśām ārdraśākhāṃ yūpaṃ nikhāya vratatyau kuśarajjū vā raśane 'nyatarayā yūpaṃ parivīyānyatarayārdhaśirasi paśuṃ baddhvā yūpe raśanāyāṃ vā niyunakti yasmai namas tasmai tvā juṣṭaṃ niyunajmīti // (15) Par.?

prokṣaṇādi samānaṃ paśunā // (16) Par.?

viśeṣān vakṣyāmaḥ // (17) Par.?

pātryā palāśena vā vapāṃ juhuyād iti vijñāyate // (18) Par.?

harāya mṛdāya śarvāya śivāya bhavāya mahādevāyogrāya bhīmāya paśupataye rudrāya śaṃkarāyeśānāya svāheti // (19) Par.?

ṣaḍbhir vottaraiḥ // (20) Par.?

rudrāya svāheti vā // (21) Par.?

catasṛṣu catasṛṣu kuśasūnāsu catasṛṣu dikṣu baliṃ hared yās te rudra pūrvasyāṃ diśi senās tābhya enan namas te 'stu mā mā hiṃsīr ity evaṃ pratidiśaṃ tv ādeśanam // (22) Par.?

caturbhiḥ sūktaiś catasro diśa upatiṣṭheta kad rudrāyemā rudrāyāte pitarimā rudrāya sthiradhanvana iti // (23) Par.?

sarvarudrayajñeṣu diśām upasthānam // (24) Par.?

tuṣān phalīkaraṇāṃś ca pucchaṃ carmaśiraḥpādān ityagnāvanupraharet // (25) Par.?

bhogaṃ carmaṇā kurvīteti śāṃvatyaḥ // (26) Par.?

uttarato 'gner darbhavītāsu kuśasūnāsu vā śoṇitaṃ ninayecchvāsinīr ghoṣiṇīr vicinvatīḥ samaśnuvatīḥ sarpā yad vo 'tra taddharadhvam iti // (27) Par.?

athodaṅāvṛtya śvāsinīr ghoṣiṇīr vicinvatīḥ samaśnuvatīḥ sarpā yad vo 'tra taddharadhvam iti sarpebhyo yat tatra asṛg ūvadhyaṃ vāvasrutaṃ bhavati taddharanti sarpāḥ // (28) Par.?

sarvāṇi ha vā asya nāmadheyāni sarvāḥ senāḥ sarvāṇyucchrayaṇānīty evaṃvid yajamānaṃ prīṇāti // (29) Par.?

nāsya bruvāṇaṃ cana hinastīti vijñāyate // (30) Par.?

nāsya prāśnīyāt // (31) Par.?

nāsya grāmam āhareyur abhimāruko haiṣa devaḥ prajā bhavatīti // (32) Par.?

amātyān antataḥ pratiṣedhayet // (33) Par.?

niyogāttu prāśnīyāt svastyayana iti // (34) Par.?

sa eṣa śūlagavo dhanyo lokyaḥ puṇyaḥ putryaḥ paśavyāyuṣyo yaśasyaḥ // (35) Par.?

iṣṭvānyam utsṛjet // (36) Par.?

nānutsṛṣṭaḥ syāt // (37) Par.?

na hāpaśurbhavatīti vijñāyate // (38) Par.?

śaṃtātīyaṃ japangṛhāniyāt // (39) Par.?

paśūnām upatāpa etam eva devaṃ madhye goṣṭhasya yajeta // (40) Par.?

sthālīpākaṃ sarvahutam // (41) Par.?

barhirājyaṃ cānuprahṛtya dhūmato gā ānayet // (42) Par.?

śaṃtātīyaṃ japan paśūnāṃ madhyam iyāt // (43) Par.?

namaḥ śaunakāya namaḥ śaunakāya // (44) Par.?