UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 4925
- Click on a sentence to show its analysis
- Keep the mouse pointer over a lemma to show its meanings.
prathamaṃ sapidhānakoṣṭhīmāha rājahasteti // (1)
Par.?
sapādahastastriṃśadaṅgulātmakastanmita utsedha ucchrayo yasyāstathoktā // (2)
Par.?
tadardhamātrau dairghyavistārau yasyāstathoktā // (3)
Par.?
tathā caturasrā catuṣkoṇā sarvato dārḍhyāya mṛnmayena kuḍyena bhittyā bahirveṣṭitā kāryā // (4)
Par.?
tena catasṛṣu dikṣu catasro bhittayaḥ sambhavanti // (5)
Par.?
ekabhittāviti sāmānyata uktamapi yogyatayā pūrvabhittau paścimabhittau veti viśeṣārthe paryavasyati // (6)
Par.?
tasyāṃ diśi sthitāyāṃ bhittau dvāraṃ vitastyā saṃmitaṃ kāryam // (7)
Par.?
yadvitastimitaṃ dīrghaṃ sūtraṃ tadvartulaṃ nidhāyāntaravakāśo yāvān sambhavati tanmitaṃ vartulaṃ caturaṅgulamitam ityarthaḥ // (8)
Par.?
antaḥsthitajvālāyāḥ sattvanirgamakālabodhikāyāḥ parīkṣārthaṃ caret kuryāt // (9)
Par.?
tadarthaṃ prakāśa āvaśyakaḥ // (10)
Par.?
sa tu prācyāṃ pratīcyāṃ vādhikyena labhyata iti prakāśayogyatvād viśiṣṭā digevātra gṛhītā // (11)
Par.?
taddvārasyādhobhāgo dehalī dvāradehasaṃrakṣikā sā dvitryaṅgulamitā kāryā // (12)
Par.?
tādṛgdehalyā adhobhāge bhūtalaṃ saṃlagnaṃ pūrvavadeva sārdhavitastimitasūtreṇa paricchinnam arthāt ṣaḍaṅgulaṃ vartulaṃ dvāraṃ bhastrāyojanāya kāryam // (13)
Par.?
atra vitastidīrghā tāvad bhittireva sārdhavitastidīrghā ca dvāradvayārthaṃ paryāptā na bhavati // (14)
Par.?
ata uktaṃ sūtramitaṃ vartulaṃ ceti // (15)
Par.?
kecittu kramanimnabhūminikhātatiryaggartābhāgo'pi sārdhavitastimānārthaṃ saṃgrāhya iti noktasūtradairghyamānāpekṣā lohakārāṇāṃ tathaiva saṃpradāyo'pi saṃprati dhmānavidhau dṛśyata iti vadanti // (16)
Par.?
tattu nocitam // (17)
Par.?
tādṛśagartābhāgasya pātālakoṣṭhikāyāṃ vakṣyamāṇatvāt // (18)
Par.?
ūrdhvabhāge koṣṭhikāyā uttarāṅgasyordhvāṅgasya ca kartavyā yā bhittiḥ sā caturvidhāpi prādeśapramitā daśāṅgulamitaivārthācchikhākāravat saṃkucitā kāryā // (19)
Par.?
śikhāsthāna ūrdhvaṃ dvāraṃ tu prādeśamitāyāmavistāram eva kāryam // (20)
Par.?
tatastaddvāraṃ ceṣṭikayā ruddhvā prāguktavitastimitaṃ dvāraṃ ca kokilaiḥ samāpūrya dhamet // (21)
Par.?
kiṃ kṛtvā ruddhvā dhamettadāha prathamaṃ śikhitrān kokilān dhmānārham abhrakādidravaṃ cordhvadvāreṇa krameṇa nikṣipet // (22)
Par.?
kiṃ tad dhmānadravyaṃ piṇḍīkṛtaṃ bhāgaśaḥ sakṛdeva vā nikṣiped ityākāṅkṣāyāmāha sattvapātanagolān iti // (23)
Par.?
punaḥ punaḥ pratiprakṣepakālāvasaraṃ saṃtataṃ dhmātvā yadāṅgārāḥ kārśyaṃ prāpnuyuḥ śvetabhasmāvṛtāśca bhaveyustadā punaḥ kokilān dattvā punardhamanaṃ kāryam // (24)
Par.?
evaṃ bhastrādvayena praharaparyantaṃ saṃtataṃ dhmānena prāyaḥ kaṭhinadravyāṇāṃ sattvanirgamanakālaḥ samupajāyate // (25)
Par.?
paraṃ tu nāyaṃ kālaḥ sattvanirgamanajñāpakaḥ svātantreṇa kiṃtu śuklā vahnijvālaiva jñāyamānā // (26)
Par.?
uktaṃ hi paribhāṣādhyāye / (27.1)
Par.?
yadā hutāśo dīptārciḥ śuklotthānasamanvitaḥ / (27.2)
Par.?
śuddhāvartastadā jñeyaḥ sa kālaḥ sattvanirgame / (27.3) Par.?
tadā sphuṭipiṇḍīr bahir niṣkāsya kiṭṭaṃ pṛthakkṛtya gurumārgeṇa sattvamātraṃ grāhyam // (28)
Par.?
atha dvitīyaḥ sattvapiṇḍānāṃ prakṣepakālaḥ prāpnotīti bodhyam // (29)
Par.?
atha mṛdudravyāṇāṃ sattvapātārtham alpadhmānāpekṣā // (30)
Par.?
Duration=0.10102605819702 secs.