Texts

uddhṛtya prakṣālya dakṣiṇam evāgre pratimuñcata āyuṣyaṃ varcasyam iti // (1.1) Par.?

etad eva maṇikuṇḍalabandhane vidyāt // (2.1) Par.?

atha srajaṃ pratimuñcate / (3.1) Par.?

śubhike śira āroha śobhayantī mukhaṃ mama / (3.2) Par.?

mukhaṃ hi mama śobhaya bhūyāṃsaṃ ca bhagaṃ kuru / (3.3) Par.?

yām āharaj jamadagniḥ śraddhāyai kāmāyānyai / (3.4) Par.?

imāṃ tāṃ pratimuñce 'haṃ bhagena saha varcaseti // (3.5) Par.?

athāṅkte yadāñjanaṃ traikakudaṃ jātaṃ himavata upari mayi parvatavarcasam iti // (4.1) Par.?

ādarśam avekṣate / (5.1) Par.?

yan me varcaḥ parāpatitam ātmānaṃ paripaśyataḥ / (5.2) Par.?

idaṃ tat punar ādade bhagena saha varcaseti // (5.3) Par.?

vāgyata āsta ā nakṣatrāṇām udayāt // (6.1) Par.?

uditeṣu nakṣatreṣūpānahāv upamuñcate dyaur asīti dakṣiṇāṃ pṛthivyasīty uttarām // (7.1) Par.?

upamucyābhimantrayate pratiṣṭhe stho devate mā mā saṃtāptam iti // (8.1) Par.?

daṇḍam ādatte loke vedāyāsmi dviṣato vadhāya sapatnāñchvāpadān sarīsṛpān hastinaś ceti // (9.1) Par.?

chatram ādatte prajāpateḥ śaraṇam asi brahmaṇaḥ chadir iti // (10.1) Par.?

upaniṣkramya diśo 'nuvīkṣate devīḥ ṣaḍ urvīr uru naḥ kṛṇoteti // (11.1) Par.?

candramasam udīkṣate mā radhāma dviṣate soma rājann iti // (12.1) Par.?

yatrāsya rātir bhavati tena sambhāṣya yathārtham etīty ekam // (13.1) Par.?

athaitad aparam / (14.1) Par.?

tūṣṇīm eva tīrthe snātvodetya tūṣṇīṃ pālāśīṃ samidham ādadhāti // (14.2) Par.?

saṃvatsaraṃ na maithunaṃ carati dvādaśarātraṃ trirātraṃ vā sarvā sthitayaḥ // (15.1) Par.?