Texts

Select a text:
Bibliography

Select a chapter:
(no revisions)

Associated topic(s): Dharmaśāstra

Show parallels Show headlines
Use dependency labeler

Chapter id: 5552

atha tyājyāḥ // (1.1) Par.?

vrātyāḥ // (2.1) Par.?

patitāḥ // (3.1) Par.?

tripuruṣaṃ mātṛtaḥ pitṛtaścāśuddhāḥ // (4.1) Par.?

sarva evābhojyāścāpratigrāhyāḥ // (5.1) Par.?

apratigrāhyebhyaśca pratigrahaprasaṅgaṃ varjayet // (6.1) Par.?

pratigraheṇa brāhmaṇānāṃ brāhmaṃ tejaḥ praṇaśyati // (7.1) Par.?

dravyāṇāṃ vāvijñāya pratigrahavidhiṃ yaḥ pratigrahaṃ kuryāt sa dātrā saha nimajjati // (8.1) Par.?

pratigrahasamarthaśca yaḥ pratigrahaṃ varjayet sa dātṛlokam avāpnoti // (9.1) Par.?

edhodakamūlaphalābhayāmiṣamadhuśayyāsanagṛhapuṣpadadhiśākāṃścābhyudyatān na nirṇudet // (10.1) Par.?

āhūyābhyudyatāṃ bhikṣāṃ purastād anucoditām / (11.1) Par.?

grāhyāṃ prajāpatir mene api duṣkṛtakarmaṇaḥ // (11.2) Par.?

nāśnanti pitaras tasya daśa varṣāṇi pañca ca / (12.1) Par.?

na ca havyaṃ vahatyagnir yas tām abhyavamanyate // (12.2) Par.?

gurūn bhṛtyān ujjihīrṣur arciṣyan pitṛdevatāḥ / (13.1) Par.?

sarvataḥ pratigṛhṇīyān na tu tṛpyet svayaṃ tataḥ // (13.2) Par.?

eteṣv api ca kāryeṣu samarthas tatpratigrahe / (14.1) Par.?

nādadyāt kulaṭāṣaṇḍhapatitebhyas tathā dviṣaḥ // (14.2) Par.?

guruṣu tvabhyatīteṣu vinā vā tair gṛhe vasan / (15.1) Par.?

ātmano vṛttim anvicchan gṛhṇīyāt sādhutaḥ sadā // (15.2) Par.?

ardhikaḥ kulamitraṃ ca dāsagopālanāpitāḥ / (16.1) Par.?

ete śūdreṣu bhojyānnā yaścātmānaṃ nivedayet // (16.2) Par.?

Duration=0.03675389289856 secs.