Texts

sūta uvāca / (1.1) Par.?

bhṛgoḥ khyātyāṃ samutpannā lakṣmīrnārāyaṇapriyā / (1.2) Par.?

devau dhātāvidhātārau merorjāmātarau tathā // (1.3) Par.?

āyatirniyatirmeroḥ kanye caiva mahātmanaḥ / (2.1) Par.?

dhātāvidhātroste bhārye tayorjātau sutāvubhau // (2.2) Par.?

prāṇaścaiva mṛkaṇḍuśca mārkaṇḍeyo mṛkaṇḍutaḥ / (3.1) Par.?

tathā vedaśirā nāma prāṇasya dyutimān sutaḥ // (3.2) Par.?

marīcerapi saṃbhūtiḥ paurṇamāsamasūyata / (4.1) Par.?

kanyācatuṣṭayaṃ caiva sarvalakṣaṇasaṃyutam // (4.2) Par.?

tuṣṭirjyeṣṭhā tathā vṛṣṭiḥ kṛṣṭiścāpacitistathā / (5.1) Par.?

virajāḥ parvataścaiva paurṇamāsasya tau sutau // (5.2) Par.?

kṣamā tu suṣuve putrān pulahasya prajāpateḥ / (6.1) Par.?

kardamaṃ ca varīyāṃsaṃ sahiṣṇuṃ munisattamam // (6.2) Par.?

tathaiva ca kanīyāṃsaṃ taponirdhūtakalmaṣam / (7.1) Par.?

anasūyā tathaivātrerjajñe putrānakalmaṣān // (7.2) Par.?

somaṃ durvāsasaṃ caiva dattātreyaṃ ca yoginam / (8.1) Par.?

smṛtiścāṅgirasaḥ putrīrjajñe lakṣaṇasaṃyutāḥ // (8.2) Par.?

sinīvālīṃ kuhūṃ caiva rākāmanumatiṃ tathā / (9.1) Par.?

prītyāṃ pulastyo bhagavān dattātrimasṛjat prabhuḥ // (9.2) Par.?

pūrvajanmani so 'gastyaḥ smṛtaḥ svāyaṃbhuve 'ntare / (10.1) Par.?

vedabāhuṃ tathā kanyāṃ saṃnatiṃ nāma nāmataḥ // (10.2) Par.?

putrāṇāṃ ṣaṣṭisāhasraṃ saṃtatiḥ suṣuve kratoḥ / (11.1) Par.?

te cordhvaretasaḥ sarve vālakhilyā iti smṛtāḥ // (11.2) Par.?

vasiṣṭhaśca tathorjāyāṃ saptaputrānajījanat / (12.1) Par.?

kanyāṃ ca puṇḍarīkākṣāṃ sarvaśobhāsamanvitām // (12.2) Par.?

rajohaścordhvabāhuśca savanaścānaghastathā / (13.1) Par.?

sutapāḥ śukra ityete sapta putrā mahaujasaḥ // (13.2) Par.?

yo 'sau rudrātmako vahnirbrahmaṇastanayo dvijāḥ / (14.1) Par.?

svāhā tasmāt sutān lebhe trīnudārān mahaujasaḥ // (14.2) Par.?

pāvakaḥ pavamānaśca śuciragniśca te trayaḥ / (15.1) Par.?

nirmathyaḥ pavamānaḥ syād vaidyutaḥ pāvakaḥ smṛtaḥ // (15.2) Par.?

yaścāsau tapate sūryaḥ śuciragnistvasau smṛtaḥ / (16.1) Par.?

teṣāṃ tu saṃtatāvanye catvāriṃśacca pañca ca // (16.2) Par.?

pāvakaḥ pavamānaśca śucisteṣāṃ pitā ca yaḥ / (17.1) Par.?

ete caikonapañcāśad vahnayaḥ parikīrtitaḥ // (17.2) Par.?

sarve tapasvinaḥ proktāḥ sarve yajñeṣu bhāginaḥ / (18.1) Par.?

rudrātmakāḥ smṛtāḥ sarve tripuṇḍrāṅkitamastakāḥ // (18.2) Par.?

ayajvānaśca yajvānaḥ pitaro brahmaṇaḥ smṛtāḥ / (19.1) Par.?

agniṣvāttā barhiṣado dvidhā teṣāṃ vyavasthitiḥ // (19.2) Par.?

tebhyaḥ svadhā sutāṃ jajñe menāṃ vaitaraṇīṃ tathā / (20.1) Par.?

te ubhe brahmavādinyau yoginyau munisattamāḥ // (20.2) Par.?

asūta menā mainākaṃ krauñcaṃ tasyānujaṃ tathā / (21.1) Par.?

gaṅgā himavato jajñe sarvalokaikapāvanī // (21.2) Par.?

svayogāgnibalād devīṃ lebhe putrīṃ maheśvarīṃ / (22.1) Par.?

yathāvat kathitaṃ pūrvaṃ devyā māhātmyamuttamam // (22.2) Par.?

eṣā dakṣasya kanyānāṃ mayāpatyānusaṃtatiḥ / (23.1) Par.?

vyākhyātā bhavatāmadya manoḥ sṛṣṭiṃ nibodhata // (23.2) Par.?

iti śrīkūrmapurāṇe ṣaṭsāhasryāṃ saṃhitāyāṃ pūrvavibhāge dvādaśo 'dhyāyaḥ // (24.1) Par.?