Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 7286

Click on a sentence to show its analysis
Keep the mouse pointer over a lemma to show its meanings.

The work of storekeeping by the director of stories

saṃnidhātā kośagṛhaṃ paṇyagṛhaṃ koṣṭhāgāraṃ kupyagṛham āyudhāgāraṃ bandhanāgāraṃ ca kārayet // (1.1) Par.?

caturaśrāṃ vāpīm anudakopasnehāṃ khānayitvā pṛthuśilābhir ubhayataḥ pārśvaṃ mūlaṃ ca pracitya sāradārupañjaraṃ bhūmisamaṃ tritalam anekavidhānaṃ kuṭṭimadeśasthānatalam ekadvāraṃ yantrayuktasopānaṃ bhūmigṛhaṃ kārayet // (2.1) Par.?

tasyoparyubhayatoniṣedhaṃ sapragrīvam aiṣṭakaṃ bhāṇḍavāhinīparikṣiptaṃ kośagṛhaṃ kārayet prāsādaṃ vā // (3.1) Par.?

janapadānte dhruvanidhim āpadartham abhityaktaiḥ kārayet // (4.1) Par.?

pakveṣṭakāstambhaṃ catuḥśālam ekadvāram anekasthānatalaṃ vivṛtastambhāpasāram ubhayataḥ paṇyagṛhaṃ koṣṭhāgāraṃ ca dīrghabahuśālaṃ kakṣyāvṛtakuḍyam antaḥ kupyagṛham tad eva bhūmigṛhayuktam āyudhāgāraṃ pṛthagdharmasthīyaṃ mahāmātrīyaṃ vibhaktastrīpuruṣasthānam apasārataḥ suguptakakṣyaṃ bandhanāgāraṃ kārayet // (5.1) Par.?

sarveṣāṃ śālāḥ khātodapānavacca snānagṛhāgniviṣatrāṇamārjāranakulārakṣāsvadaivatapūjanayuktāḥ kārayet // (6.1) Par.?

koṣṭhāgāre varṣamānam aratnimukhaṃ kuṇḍaṃ sthāpayet // (7.1) Par.?

tajjātakaraṇādhiṣṭhitaḥ purāṇaṃ navaṃ ca ratnaṃ sāraṃ phalgu kupyaṃ vā pratigṛhṇīyāt // (8.1) Par.?

tatra ratnopadhāv uttamo daṇḍaḥ kartuḥ kārayituśca sāropadhau madhyamaḥ phalgukupyopadhau tacca tāvacca daṇḍaḥ // (9.1) Par.?

rūpadarśakaviśuddhaṃ hiraṇyaṃ pratigṛhṇīyāt // (10.1) Par.?

aśuddhaṃ chedayet // (11.1) Par.?

āhartuḥ pūrvaḥ sāhasadaṇḍaḥ // (12.1) Par.?

śuddhaṃ pūrṇam abhinavaṃ ca dhānyaṃ pratigṛhṇīyāt // (13.1) Par.?

viparyaye mūlyadviguṇo daṇḍaḥ // (14.1) Par.?

tena paṇyaṃ kupyam āyudhaṃ ca vyākhyātam // (15.1) Par.?

sarvādhikaraṇeṣu yuktopayuktatatpuruṣāṇāṃ paṇādicatuṣpaṇaparamāpahāreṣu pūrvamadhyamottamavadhā daṇḍāḥ // (16.1) Par.?

kośādhiṣṭhitasya kośāvacchede ghātaḥ // (17.1) Par.?

tadvaiyāvṛtyakarāṇām ardhadaṇḍāḥ // (18.1) Par.?

paribhāṣaṇam avijñāte // (19.1) Par.?

corāṇām abhipradharṣaṇe citro ghātaḥ // (20.1) Par.?

tasmād āptapuruṣādhiṣṭhitaḥ saṃnidhātā nicayān anutiṣṭhet // (21.1) Par.?

bāhyam abhyantaraṃ cāyaṃ vidyād varṣaśatād api / (22.1) Par.?

yathā pṛṣṭo na sajjeta vyaye śeṣe ca saṃcaye // (22.2) Par.?

Duration=0.048404932022095 secs.