Texts

savarṇām aprāptaphalāṃ prakurvato hastavadhaḥ catuḥśato vā daṇḍaḥ // (1.1) Par.?

mṛtāyāṃ vadhaḥ // (2.1) Par.?

prāptaphalāṃ prakurvato madhyamāpradeśinīvadho dviśato vā daṇḍaḥ // (3.1) Par.?

pituścāvahīnaṃ dadyāt // (4.1) Par.?

na ca prākāmyam akāmāyāṃ labheta // (5.1) Par.?

sakāmāyāṃ catuṣpañcāśatpaṇo daṇḍaḥ striyāstvardhadaṇḍaḥ // (6.1) Par.?

paraśulkāvaruddhāyāṃ hastavadhaḥ catuḥśato vā daṇḍaḥ śulkadānaṃ ca // (7.1) Par.?

saptārtavaprajātāṃ varaṇād ūrdhvam alabhamānaḥ prakṛtya prākāmī syānna ca pitur avahīnaṃ dadyāt // (8.1) Par.?

ṛtupratirodhibhiḥ svāmyād apakrāmati // (9.1) Par.?

trivarṣaprajātārtavāyāstulyo gantum adoṣas tataḥ param atulyo 'pyanalaṃkṛtāyāḥ // (10.1) Par.?

pitṛdravyādāne steyaṃ bhajeta // (11.1) Par.?

param uddiśyānyasya vindato dviśato daṇḍaḥ // (12.1) Par.?

na ca prākāmyam akāmāyāṃ labheta // (13.1) Par.?

kanyām anyāṃ darśayitvānyāṃ prayacchataḥ śatyo daṇḍastulyāyām hīnāyāṃ dviguṇaḥ // (14.1) Par.?

prakarmaṇy akumāryāś catuṣpañcāśatpaṇo daṇḍaḥ śulkavyayakarmaṇī ca pratidadyāt // (15.1) Par.?

avasthāya tajjātaṃ paścātkṛtā dviguṇaṃ dadyāt // (16.1) Par.?

anyaśoṇitopadhāne dviśato daṇḍo mithyābhiśaṃsinaśca puṃsaḥ // (17.1) Par.?

śulkavyayakarmaṇī ca jīyeta // (18.1) Par.?

na ca prākāmyam akāmāyāṃ labheta // (19.1) Par.?

strīprakṛtā sakāmā samānā dvādaśapaṇaṃ daṇḍaṃ dadyāt prakartrī dviguṇam // (20.1) Par.?

akāmāyāḥ śatyo daṇḍa ātmarāgārtham śulkadānaṃ ca // (21.1) Par.?

svayaṃ prakṛtā rājadāsyaṃ gacchet // (22.1) Par.?

bahirgrāmasya prakṛtāyāṃ mithyābhiśaṃsane ca dviguṇo daṇḍaḥ // (23.1) Par.?

prasahya kanyām apaharato dviśataḥ sasuvarṇām uttamaḥ // (24.1) Par.?

bahūnāṃ kanyāpahāriṇāṃ pṛthag yathoktā daṇḍāḥ // (25.1) Par.?

gaṇikāduhitaraṃ prakurvataścatuṣpañcāśatpaṇo daṇḍaḥ śulkaṃ mātur bhogaḥ ṣoḍaśaguṇaḥ // (26.1) Par.?

dāsasya dāsyā vā duhitaram adāsīṃ prakurvataścaturviṃśatipaṇo daṇḍaḥ śulkāvandhyadānaṃ ca // (27.1) Par.?

niṣkrayānurūpāṃ dāsīṃ prakurvato dvādaśapaṇo daṇḍo vastrāvandhyadānaṃ ca // (28.1) Par.?

sācivyāvakāśadāne kartṛsamo daṇḍaḥ // (29.1) Par.?

proṣitapatikām apacarantīṃ patibandhustatpuruṣo vā saṃgṛhṇīyāt // (30.1) Par.?

saṃgṛhītā patim ākāṅkṣeta // (31.1) Par.?

patiścet kṣameta visṛjyetobhayam // (32.1) Par.?

akṣamāyāṃ striyāḥ karṇanāsāchedanaṃ vadhaṃ jāraśca prāpnuyāt // (33.1) Par.?

jāraṃ cora ityabhiharataḥ pañcaśato daṇḍo hiraṇyena muñcatastadaṣṭaguṇaḥ // (34.1) Par.?

keśākeśikaṃ saṃgrahaṇam upaliṅganād vā śarīropabhogānām tajjātebhyaḥ strīvacanād vā // (35.1) Par.?

paracakrāṭavīhṛtām oghapravyūḍhām araṇyeṣu durbhikṣe vā tyaktāṃ pretabhāvotsṛṣṭāṃ vā parastriyaṃ nistārayitvā yathāsaṃbhāṣitaṃ samupabhuñjīta // (36.1) Par.?

jātiviśiṣṭām akāmām apatyavatīṃ niṣkrayeṇa dadyāt // (37.1) Par.?

corahastānnadīvegād durbhikṣād deśavibhramāt / (38.1) Par.?

nistārayitvā kāntārān naṣṭāṃ tyaktāṃ mṛteti vā // (38.2) Par.?

bhuñjīta striyam anyeṣāṃ yathāsaṃbhāṣitaṃ naraḥ / (39.1) Par.?

na tu rājapratāpena pramuktāṃ svajanena vā // (39.2) Par.?

na cottamāṃ na cākāmāṃ pūrvāpatyavatīṃ na ca / (40.1) Par.?

īdṛśīṃ tvanurūpeṇa niṣkrayeṇāpavāhayet // (40.2) Par.?