Texts

atha bhayānakarasaprakaraṇam // (1) Par.?

vīrasya bhītāvayavapradhānatvād bhayānakaṃ lakṣayati atheti // (2) Par.?

vikṛto ravo'ṭṭahāsādiḥ // (3) Par.?

sattvānāṃ piśācānāṃ darśanam // (4) Par.?

trāsodvegau paragatau // (5) Par.?

śūnyāgārasyāraṇyasya ca gamanaṃ prāptiḥ // (6) Par.?

svajanasya yau vadhabandhau tayordarśanaṃ pratyakṣeṇa // (7) Par.?

śravaṇamāgamena // (8) Par.?

kathādi atikrāntayorapi punaranusaṃdhānena smaraṇam // (9) Par.?

vepituṃ pravṛttaṃ yatkaracaraṇaṃ ādikarmaiva bhayavyañjakaṃ vyādhyādivailakṣaṇyasūcanāt // (10) Par.?

pulako romakūponnatiḥ // (11) Par.?

svarasya bhedaḥ svabhāvaviparyayaḥ // (12) Par.?

gurunṛpayoriti // (13) Par.?

ayamāśayaḥ bhayaṃ tāvatstrīnīcabālādiṣu vakṣyate // (14) Par.?

nottamamadhyamaprakṛtiṣu // (15) Par.?

te'pi tu gurubhyo rājñaśca bhayaṃ darśayeyuḥ // (16) Par.?

tadabhāve 'pyevaṃ sutarāmuttamatvaṃ bhavati // (17) Par.?

aprabhutvaṃ cāmātyānām // (18) Par.?

yathāha svecchācārī bhīta evāsmi iti // (19) Par.?

anubhāvāśca tathā śliṣṭāstatra kiyante loke yena satyata eva bhīto'yamiti gurvādīnāṃ pratītir bhavati // (20) Par.?

asvābhāvikatvācca kṛtakatvaṃ bahutarakālānuvartanenāsvādyatvācca rasatvam // (21) Par.?

na ca vyabhicāritvam // (22) Par.?

taddhi tadā syādyadi svabhāvata eva na kiṃcitkālalavam utpādyate // (23) Par.?

gātrādīnāṃ bhedo varṇakarmasaṃsthānādiviparyayaḥ // (24) Par.?

vīkṣyam atikrāmyati vīkṣaṇaṃ kāndiśīkatvena nirlakṣacakṣuḥkṛtam // (25) Par.?

udvegaḥ calanam // (26) Par.?

sādo gātrāṇāṃ srastatā // (27) Par.?

mukhasya tāluni śoṣaḥ // (28) Par.?

hṛdayaspandanamativegena // (29) Par.?

iha bhayam ityabhineyamiti vīrarasa ityāryātaḥ sambadhyate // (30) Par.?

tā etā hyāryā ekapraghaṭṭakatayā pūrvācāryair lakṣaṇatvena paṭhitāḥ // (31) Par.?

muninā tu sukhasaṃgrahāya yathāsthānaṃ niveśitāḥ // (32) Par.?

sattvasamutthamiti // (33) Par.?

sattvaṃ manaḥsamādhānaṃ tajjanmakamiti naṭasyeyaṃ śikṣā // (34) Par.?

sā ca sarvaviṣayeti ṭīkākāraḥ // (35) Par.?

tadidamasat // (36) Par.?

kavinaṭaśikṣārthameva sarvamidaṃ prakaraṇam // (37) Par.?

loke vibhāvānubhāvābhinayādivyavahārābhāvāt // (38) Par.?

tasmād ayamatrārthaḥ etat tāvad bhayasvabhāvajaṃ rajastamaḥprakṛtīnāṃ nīcānāmityarthaḥ // (39) Par.?

ye'pi ca sattvapradhānāsteṣāṃ sattvasamutthaṃ prayatnakṛtamebhirevānubhāvaiḥ kāryam // (40) Par.?

kiṃtu mṛduceṣṭitaiḥ yatas tatkṛtakam // (41) Par.?

punaḥśabdo viśeṣadyotakaḥ // (42) Par.?

nanu ca rājādi kimiti gurvādibhyo bhayaṃ kṛtakaṃ darśayati // (43) Par.?

darśayitvā kimiti mṛdūn gātrakampanādīn pradarśayati // (44) Par.?

kimiti ca bhayānaka eva kṛtakatvamuktam // (45) Par.?

sarvasya hi kṛtakatvamuktaṃ bhavati // (46) Par.?

yathā veśyā dhanārthinīti kṛtakāṃ ratim ādarśayati ityāśaṅkya sādhāraṇamuttaram āha tathaiva kāryamiti // (47) Par.?

bhaye hi pradarśite gururvinītaṃ jānāti // (48) Par.?

mṛduceṣṭitatayā cādhamaprakṛtimenaṃ gaṇayati // (49) Par.?

kṛtakaṃ śṛṅgārāt veśyopadiṣṭānāṃ na kācitpuruṣārthasiddhiḥ // (50) Par.?

tenaiva hyuktena prakāreṇa kāryapuruṣārthaviśeṣo labhyate // (51) Par.?

yatra tu rājā na kṛtakaṃ parānugrahāya krodhavismayādīndarśayati tatra vyabhicāritaiva teṣāṃ na sthāyitetyetadarthaḥ sūcikāmeva guruvaṃśāntaraprasiddhām āryāṃ paṭhati karacaraṇeti // (52) Par.?

nityamiti // (53) Par.?

kṛtakatve 'kṛtakatve ca // (54) Par.?

iti bhayānakarasaprakaraṇam // (55) Par.?