UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 8795
- Click on a sentence to show its analysis
- Keep the mouse pointer over a lemma to show its meanings.
atha yā etā hṛdayasya nāḍyas tāḥ piṅgalasyāṇimnas tiṣṭhanti śuklasya nīlasya pītasya lohitasyeti / (1.1)
Par.?
asau vā ādityaḥ piṅgala eṣa śukla eṣa nīla eṣa pīta eṣa lohitaḥ // (1.2)
Par.?
tad yathā mahāpatha ātata ubhau grāmau gacchatīmaṃ cāmuṃ caivam evaitā ādityasya raśmaya ubhau lokau gacchantīmaṃ cāmuṃ ca / (2.1)
Par.?
amuṣmād ādityāt pratāyante tā āsu nāḍīṣu sṛptāḥ / (2.2)
Par.?
ābhyo nāḍībhyaḥ pratāyante te 'muṣminn āditye sṛptāḥ // (2.3)
Par.?
tad yatraitat suptaḥ samastaḥ samprasannaḥ svapnaṃ na vijānāti / (3.1)
Par.?
āsu tadā nāḍīṣu sṛpto bhavati / (3.2)
Par.?
taṃ na kaścana pāpmā spṛśati / (3.3)
Par.?
tejasā hi tadā sampanno bhavati // (3.4)
Par.?
atha yatraitad abalimānaṃ nīto bhavati / (4.1)
Par.?
tam abhita āsīnā āhur jānāsi māṃ jānāsi mām iti / (4.2)
Par.?
sa yāvad asmāccharīrād anutkrānto bhavati / (4.3)
Par.?
tāvaj jānāti // (4.4)
Par.?
atha yatraitad asmāccharīrād utkrāmati / (5.1)
Par.?
athaitair eva raśmibhir ūrdhvam ākramate / (5.2)
Par.?
sa om iti vā hod vā mīyate / (5.3)
Par.?
sa yāvat kṣipyen manas tāvad ādityaṃ gacchati / (5.4)
Par.?
etad vai khalu lokadvāraṃ viduṣāṃ prapadanaṃ nirodho 'viduṣām // (5.5)
Par.?
tad eṣa ślokaḥ / (6.1) Par.?
śataṃ caikā ca hṛdayasya nāḍyas tāsāṃ mūrdhānam abhiniḥsṛtaikā / (6.2)
Par.?
tayordhvam āyann amṛtatvam eti viṣvaṅṅ anyā utkramaṇe bhavanty utkramaṇe bhavanti // (6.3)
Par.?
Duration=0.054316997528076 secs.