Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Shivaism, Śiva
Show parallels Show headlines
Use dependency labeler
Chapter id: 5963
- Click on a sentence to show its analysis
- Keep the mouse pointer over a lemma to show its meanings.
dve akṣare brahmapare tv anante vidyāvidye nihite yatra gūḍhe / (1.1) Par.?
kṣaraṃ tv avidyā hy amṛtaṃ tu vidyā vidyāvidye īśate yas tu so 'nyaḥ // (1.2) Par.?
yo yoniṃ yonim adhitiṣṭhaty eko viśvāni rūpāṇi yonīś ca sarvāḥ / (2.1) Par.?
ṛṣiprasūtaṃ kapilaṃ yas tam agre jñānair bibharti jāyamānaṃ ca paśyet // (2.2) Par.?
ekaikaṃ jālaṃ bahudhā vikurvann asmin kṣetre saṃharaty eṣa devaḥ / (3.1) Par.?
bhūyaḥ sṛṣṭvā patayati tatheśaḥ sarvādhipatyaṃ kurute mahātmā // (3.2) Par.?
sarvā diśa ūrdhvam adhaś ca tiryak prakāśayan bhrājate yad v anaḍvān / (4.1) Par.?
evaṃ sa devo bhagavān vareṇyo yonisvabhāvān adhitiṣṭhaty ekaḥ // (4.2) Par.?
yac ca svabhāvaṃ pacati viśvayoniḥ pācyāṃś ca sarvān pariṇāmayed yaḥ / (5.1) Par.?
sarvam etad viśvam adhitiṣṭhatyeko guṇāṃśca sarvān viniyojayed yaḥ // (5.2) Par.?
tad vedaguhyopaniṣatsu gūḍhaṃ tad brahmā vedate brahmayoniṃ / (6.1) Par.?
ye pūrvaṃ devā ṛṣayaś ca tad vidus te tanmayā amṛtā vai babhūvuḥ // (6.2) Par.?
guṇānvayo yaḥ phalakarmakartā kṛtasya tasyaiva sa copabhoktā / (7.1) Par.?
sa viśvarūpas triguṇas trivartmā prāṇādhipaḥ saṃcarati svakarmabhiḥ // (7.2) Par.?
aṅguṣṭhamātro ravitulyarūpaḥ saṃkalpāhaṃkārasamanvito yaḥ / (8.1) Par.?
buddher guṇenātmaguṇena caiva ārāgramātro hy avaro 'pi dṛṣṭaḥ // (8.2) Par.?
vālāgraśatabhāgasya śatadhā kalpitasya ca / (9.1) Par.?
bhāgo jīvaḥ sa vijñeyaḥ sa cānantyāya kalpate // (9.2) Par.?
naiva strī na pumān eṣa na caivāyaṃ napuṃsakaḥ / (10.1) Par.?
yad yaccharīram ādatte tena tena sa yujyate // (10.2) Par.?
saṃkalpanasparśanadṛṣṭihomair grāsāmbuvṛṣṭyā cātmavivṛddhijanma / (11.1) Par.?
karmānugāny anukramena dehī sthāneṣu rūpāṇy abhisamprapadyate // (11.2) Par.?
sthūlāni sūkṣmāṇi bahūni caiva rūpāṇi dehī svaguṇair vṛṇoti / (12.1) Par.?
kriyāguṇair ātmaguṇaiś ca teṣāṃ saṃyogahetur aparo 'pi dṛṣṭaḥ // (12.2) Par.?
anādyanantaṃ kalilasya madhye viśvasya sraṣṭāram anekarūpaṃ / (13.1) Par.?
viśvasyaikaṃ pariveṣṭitāraṃ jñātvā devaṃ mucyate sarvapāśaiḥ // (13.2) Par.?
bhāvagrāhyam anīḍākhyaṃ bhāvābhāvakaraṃ śivaṃ / (14.1) Par.?
kalāsargakaraṃ devaṃ ye vidus te jahus tanum // (14.2) Par.?
Duration=0.078298091888428 secs.