Texts

nārada uvāca / (1.1) Par.?

rāmo vaśiṣṭhaṃ mātṝṃśca natvātiṃ ca praṇamya saḥ / (1.2) Par.?

anasūyāṃ ca tatpatnīṃ śarabhaṅgaṃ sutīkṣṇakam // (1.3) Par.?

agastyabhrātaraṃ natvā agastyaṃ tatprasādataḥ / (2.1) Par.?

dhanuḥkhaḍgaṃ ca samprāpya daṇḍakāraṇyamāgataḥ // (2.2) Par.?

janasthāne pañcavaṭyāṃ sthito godāvarītaṭe / (3.1) Par.?

tatra śūrpaṇakhāyātā bhakṣituṃ tān bhayaṅkarī // (3.2) Par.?

rāmaṃ surūpaṃ dṛṣṭvā sā kāminī vākyamabravīt / (4.1) Par.?

kastvaṃ kasmātsamāyāto bhartā me bhava cārthitaḥ // (4.2) Par.?

etau ca bhakṣayiṣyāmi ity uktvā taṃ samudyatā / (5.1) Par.?

tasyā nāsāṃ ca karṇau ca rāmokto lakṣmaṇo 'chinat // (5.2) Par.?

raktaṃ kṣarantī prayayau kharaṃ bhrātaramabravīt / (6.1) Par.?

mariṣyāmi vinā sāhaṃ khara jīvāmi vai tadā // (6.2) Par.?

rāmasya bhāryā sītāsau tasyāsīllakṣmaṇo 'nujaḥ / (7.1) Par.?

teṣām yadrudhiraṃ soṣṇaṃ pāyayiṣyasi māṃ yadi // (7.2) Par.?

kharastatheti tāmuktvā caturdaśasahasrakaiḥ / (8.1) Par.?

rakṣasāṃ dūṣaṇenāgād yoddhuṃ triśirasā saha // (8.2) Par.?

rāmaṃ rāmo 'pi yuyudhe śarair vivyādha rākṣasān / (9.1) Par.?

hastyaśvarathapādātaṃ balaṃ ninye yamakṣayaṃ // (9.2) Par.?

triśīrṣāṇaṃ kharaṃ raudraṃ yudhyantaṃ caiva dūṣaṇam / (10.1) Par.?

yayau śūrpaṇakhā laṅkāṃ rāvaṇāgre 'patad bhuvi // (10.2) Par.?

abravīdrāvaṇaṃ kruddhā na tvaṃ rājā na rakṣakaḥ / (11.1) Par.?

kharādihantū rāmasya sītāṃ bhāryāṃ harasva ca // (11.2) Par.?

rāmalakṣmaṇaraktasya pānājjīvāmi nānyathā / (12.1) Par.?

tathetyāha ca tac chrutvā mārīcaṃ prāha vai vraja // (12.2) Par.?

svarṇacitramṛgo bhūtvā rāmalakṣmaṇakarṣakaḥ / (13.1) Par.?

sītāgre tāṃ hariṣyāmi anyathā maraṇaṃ tava // (13.2) Par.?

mārīco rāvaṇaṃ prāha rāmo mṛtyurdhanurdharaḥ / (14.1) Par.?

rāvaṇādapi martavyaṃ martavyaṃ rāghavādapi // (14.2) Par.?

avaśyaṃ yadi martavyaṃ varaṃ rāmo na rāvaṇaḥ / (15.1) Par.?

iti matvā mṛgo bhūtvā sītāgre vyacaranmuhuḥ // (15.2) Par.?

sītayā prerito rāmaḥ śareṇāthāvadhīcca taṃ / (16.1) Par.?

mriyamāṇo mṛgaḥ prāha hā sīte lakṣmaṇeti ca // (16.2) Par.?

saumitriḥ sītayokto 'tha viruddhaṃ rāmamāgataḥ / (17.1) Par.?

rāvaṇo 'pyaharat sītāṃ hatvā gṛdhraṃ jaṭāyuṣaṃ // (17.2) Par.?

jaṭāyuṣā sa bhinnāṅgo 'ṅkenādāya jānakīm / (18.1) Par.?

gato laṅkāmaśokākhye dhārayāmāsa cābravīt // (18.2) Par.?

bhava bhāryā mamāgryā tvaṃ rākṣasyo rakṣyatāmiyam / (19.1) Par.?

rāmo hatvā tu mārīcaṃ dṛṣṭvā lakṣmaṇamabravīt // (19.2) Par.?

māyāmṛgo 'sau saumitre yathā tvamiha cāgataḥ / (20.1) Par.?

tathā sītā hṛtā nūnaṃ nāpaśyat sa gato 'tha tām // (20.2) Par.?

śuśoca vilalāpārto māṃ tyaktvā kva gatāsi vai / (21.1) Par.?

lakṣmaṇāśvāsito rāmo mārgayāmāsa jānakīm // (21.2) Par.?

dṛṣṭvā jaṭāyustaṃ prāha rāvaṇo hṛtavāṃś ca tāṃ / (22.1) Par.?

mṛto 'tha saṃskṛtastena kabandhaṃ cāvadhīttataḥ // (22.2) Par.?

śāpamukto 'bravīdrāmaṃ sa tvaṃ sugrīvamāvraja // (23.1) Par.?

ity ādimahāpurāṇe āgneye rāmāyaṇe āraṇyakakāṇḍavarṇanaṃ nāma saptamo 'dhyāyaḥ // (24.1) Par.?