Texts

agnir uvāca / (1.1) Par.?

yaudhiṣṭhirī dauryodhanī kurukṣetraṃ yayau camūḥ / (1.2) Par.?

bhīṣmadroṇādikān dṛṣṭvā nāyudhyata gurūniti // (1.3) Par.?

pārthaṃ hy uvāca bhagavānnaśocyā bhīṣmamukhyakāḥ / (2.1) Par.?

śarīrāṇi vināśīni na śarīrī vinaśyati // (2.2) Par.?

ayamātmā paraṃ brahma ahaṃ brahmasmi viddhi tam / (3.1) Par.?

siddhyasiddhyoḥ samo yogī rājadharmaṃ prapālaya // (3.2) Par.?

kṛṣṇokto 'thārjuno 'yudhyadrathastho vādyaśabdavān / (4.1) Par.?

bhīṣmaḥ senāpatirabhūdādau dauryodhane bale // (4.2) Par.?

pāṇḍavānāṃ śikhaṇḍī ca tayoryuddhaṃ babhūva ha / (5.1) Par.?

dhārtarāṣṭrāḥ pāṇḍavāṃś ca jaghnuryuddhe sabhīṣmakāḥ // (5.2) Par.?

dhārtarāṣṭrān śikhaṇḍyādyāḥ pāṇḍavā jaghnurāhave / (6.1) Par.?

devāsurasaṃyuddhaṃ kurupāṇḍavasenayoḥ // (6.2) Par.?

babhūva svasthadevānāṃ paśyatāṃ prītivardhanaṃ / (7.1) Par.?

bhīṣmo 'straiḥ pāṇḍavaṃ sainyaṃ daśāhobhirnyapātayat // (7.2) Par.?

daśame hy arjuno bāṇair bhīṣmaṃ vīraṃ vavarṣa ha / (8.1) Par.?

śikhaṇḍī drupadokto 'strair vavarṣa jalado yathā // (8.2) Par.?

hastyaśvarathapādātamanyonyāstranipātitam / (9.1) Par.?

bhīṣmaḥ svacchandamṛtyuś ca yuddhamārgaṃ pradarśya ca // (9.2) Par.?

vasūkto vasulokāya śaraśayyāgataḥ sthitaḥ / (10.1) Par.?

uttarāyaṇamīkṣaṃś ca dhyāyan viṣṇuṃ stavan sthitaḥ // (10.2) Par.?

duryodhane tu śokārte droṇaḥ senāpatistvabhūt / (11.1) Par.?

pāṇḍave harṣite sainye dhṛṣṭadyumnaś camūpatiḥ // (11.2) Par.?

tayoryuddhaṃ babhūvograṃ yamarāṣṭravivardhanam / (12.1) Par.?

virāṭadrupadādyāś ca nimagnā droṇasāgare // (12.2) Par.?

dauryodhanī mahāsenā hastyaśvarathapattinī / (13.1) Par.?

dhṛṣṭadyumnādhipatitā droṇaḥ kāla ivābabhau // (13.2) Par.?

hato 'śvatthāmā cetyukte droṇaḥ śastrāṇi cātyajat / (14.1) Par.?

dhṛṣṭadyumnaśarākrāntaḥ patitaḥ sa mahītale // (14.2) Par.?

pañcame 'hani durdharṣaḥ sarvakṣatraṃ pramathya ca / (15.1) Par.?

duryodhane tu śokārte karṇaḥ senāpatistvabhūt // (15.2) Par.?

arjunaḥ pāṇḍavānāṃ ca tayoryuddhaṃ babhūva ha / (16.1) Par.?

śastrāśastri mahāraudraṃ devāsuraraṇopamam // (16.2) Par.?

karṇārjunākhye saṅgrāme karṇo 'rīn avadhīccharaiḥ / (17.1) Par.?

dvitīyāhani karṇastu arjunena nipātitaḥ // (17.2) Par.?

śalyo dinārdhaṃ yuyudhe hy avadhīttaṃ yudhiṣṭhiraḥ / (18.1) Par.?

yuyudhe bhīmasenena hatasainyaḥ suyodhanaḥ // (18.2) Par.?

bahūn hatvā narādīṃś ca bhīmasenamathābravīt / (19.1) Par.?

gadayā praharantaṃ tu bhīmastaṃ tu vyapātayat // (19.2) Par.?

gadayānyānujāṃstasya tasminnaṣṭādeśehani / (20.1) Par.?

rātrau suṣuptaṃ ca balaṃ pāṇḍavānāṃ nyapātayat // (20.2) Par.?

akṣauhiṇīpramāṇaṃ tu aśvatthāmā mahābalaḥ / (21.1) Par.?

draupadeyān sapāñcālān dhṛṣṭadyumnaṃ ca so 'vadhīt // (21.2) Par.?

putrahīnāṃ draupadīṃ tāṃ rudantīmarjunastataḥ / (22.1) Par.?

śiromaṇiṃ tu jagrāha aiṣikāstreṇa tasya ca // (22.2) Par.?

aśvatthāmāstranirdagdhaṃ jīvayāmāsa vai hariḥ / (23.1) Par.?

uttarāyāstato garbhaṃ sa parīkṣidabhūnnṛpaḥ // (23.2) Par.?

kṛtavarmā kṛpo drauṇistrayo muktāstato raṇāt / (24.1) Par.?

pāṇḍavāḥ sātyakiḥ kṛṣṇaḥ sapta muktā na cāpare // (24.2) Par.?

striyaścārtāḥ samāśvāsya bhīmādyaiḥ sa yudhiṣṭhiraḥ / (25.1) Par.?

saṃskṛtya prahatān vīrān dattodakadhanādikaḥ // (25.2) Par.?

bhīṣmāc chāntanavāc chrutvā dharmān sarvāṃś ca śāntidām / (26.1) Par.?

rājadharmānmokṣadharmāndānadharmān nṛpo 'bhavat // (26.2) Par.?

aśvamedhe dadau dānaṃ brāhmaṇebhyo 'rimardanaḥ / (27.1) Par.?

śrutvārjunān mauṣaleyaṃ yādavānāṃ ca saṃkṣayam / (27.2) Par.?

rājye parīkṣitaṃ sthāpya sānujaḥ svargamāptavān // (27.3) Par.?

ity ādimahāpurāṇe āgneye mahābhāratavarṇanaṃ nāma caturdaśo 'dhyāyaḥ // (28.1) Par.?