Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): dharma
Show parallels Show headlines
Use dependency labeler
Chapter id: 7478
- Click on a sentence to show its analysis
- Keep the mouse pointer over a lemma to show its meanings.
upadiṣṭo dharmaḥ prativedam // (1.1) Par.?
tasyānu vyākhyāsyāmaḥ // (2.1) Par.?
smārto dvitīyaḥ // (3.1) Par.?
tṛtīyaḥ śiṣṭāgamaḥ // (4.1) Par.?
śiṣṭāḥ khalu vigatamatsarā nirahaṃkārāḥ kumbhīdhānyā alolupā dambhadarpalobhamohakrodhavivarjitāḥ // (5.1) Par.?
dharmeṇādhigato yeṣāṃ vedaḥ saparibṛṃhaṇaḥ / (6.1) Par.?
śiṣṭās tadanumānajñāḥ śrutipratyakṣahetavaḥ / (6.2) Par.?
iti // (6.3) Par.?
tadabhāve daśāvarā pariṣat // (7.1) Par.?
athāpyudāharanti / (8.1) Par.?
cāturvaidyaṃ vikalpī ca aṅgavid dharmapāṭhakaḥ / (8.2) Par.?
āśramasthās trayo viprāḥ parṣad eṣā daśāvarā // (8.3) Par.?
pañca vā syus trayo vā syur eko vā syād aninditaḥ / (9.1) Par.?
prativaktā tu dharmasya netare tu sahasraśaḥ // (9.2) Par.?
yathā dārumayo hastī yathā carmamayo mṛgaḥ / (10.1) Par.?
brāhmaṇaś cānadhīyānas trayas te nāmadhārakāḥ // (10.2) Par.?
yad vadanti tamomūḍhā mūrkhā dharmam ajānataḥ / (11.1) Par.?
tat pāpaṃ śatadhā bhūtvā vaktṝn samadhigacchati // (11.2) Par.?
bahudvārasya dharmasya sūkṣmā duranugā gatiḥ / (12.1) Par.?
tasmān na vācyo hy ekena bahujñenāpi saṃśaye // (12.2) Par.?
dharmaśāstrarathārūḍhā vedakhaḍgadharā dvijāḥ / (13.1) Par.?
krīḍārtham api yad brūyuḥ sa dharmaḥ paramaḥ smṛtaḥ // (13.2) Par.?
yathāśmani sthitaṃ toyaṃ mārutārkaḥ praṇāśayet / (14.1) Par.?
tadvat kartari yat pāpaṃ jalavat sampralīyate // (14.2) Par.?
śarīraṃ balam āyuś ca vayaḥ kālaṃ ca karma ca / (15.1) Par.?
samīkṣya dharmavid buddhyā prāyaścittāni nirdiśet // (15.2) Par.?
avratānām amantrāṇāṃ jātimātropajīvinām / (16.1) Par.?
sahasraśaḥ sametānāṃ pariṣattvaṃ na vidyate / (16.2) Par.?
iti // (16.3) Par.?
Duration=0.10356712341309 secs.