Texts

prāyaścittāni vakṣyāmo nānārthāni pṛthakpṛthak / (1.1) Par.?

teṣu teṣu ca doṣeṣu garīyāṃsi laghūni ca // (1.2) Par.?

yady atra hi bhaved yuktaṃ taddhi tatraiva nirdiśet / (2.1) Par.?

bhūyo bhūyo garīyaḥsu laghuṣv alpīyasas tathā // (2.2) Par.?

vidhinā śāstradṛṣṭena prāyaścittāni nirdiśet // (3.1) Par.?

pratigrahīṣyamāṇas tu pratigṛhya tathaiva ca / (4.1) Par.?

ṛcas taratsamandyas tu catasraḥ parivartayet // (4.2) Par.?

abhojyānāṃ tu sarveṣām abhojyānnasya bhojane / (5.1) Par.?

ṛgbhis taratsamandībhir mārjanaṃ pāpaśodhanam // (5.2) Par.?

bhrūṇahatyāvidhis tv anyas taṃ tu vakṣyāmy ataḥ param / (6.1) Par.?

vidhinā yena mucyante pātakebhyo 'pi sarvaśaḥ // (6.2) Par.?

prāṇāyāmān pavitrāṇi vyāhṛtīḥ praṇavaṃ tathā / (7.1) Par.?

japed aghamarṣaṇaṃ sūktaṃ payasā dvādaśa kṣapāḥ // (7.2) Par.?

trirātraṃ vāyubhakṣo vā klinnavāsāḥ plutaḥ śuciḥ // (8.1) Par.?

pratiṣiddhāṃs tathācārān abhyasyāpi punaḥpunaḥ / (9.1) Par.?

vāruṇībhir upasthāya sarvapāpaiḥ pramucyata iti // (9.2) Par.?

athāvakīrṇy amāvāsyāyāṃ niśy agnim upasamādhāya dārvihomikīṃ pariceṣṭāṃ kṛtvā dve ājyāhutī juhoti / (10.1) Par.?

kāmāvakīrṇo 'smy avakīrṇo 'smi kāma kāmāya svāhā / (10.2) Par.?

kāmābhidrugdho 'smy abhidrugdho 'smi kāma kāmāya svāheti // (10.3) Par.?

hutvā prayatāñjaliḥ kavātiryaṅṅ agnim upatiṣṭheta / (11.1) Par.?

saṃ mā siñcantu marutaḥ sam indraḥ saṃ bṛhaspatiḥ / (11.2) Par.?

saṃ māyam agniḥ siñcatv āyuṣā ca balena cāyuṣmantaṃ karotu meti / (11.3) Par.?

prati hāsmai marutaḥ prāṇān dadhati pratīndro balaṃ prati bṛhaspatir brahmavarcasaṃ praty agnir itarat sarvam / (11.4) Par.?

sarvatanur bhūtvā sarvam āyur eti / (11.5) Par.?

trir abhimantrayeta / (11.6) Par.?

triṣatyā hi devā iti vijñāyate // (11.7) Par.?

yo 'pūta iva manyeta ātmānam upapātakaiḥ / (12.1) Par.?

sa hutvaitena vidhinā sarvasmāt pāpāt pramucyate // (12.2) Par.?

api vānādyāpeyapratiṣiddhabhojaneṣu doṣavac ca karma kṛtvābhisaṃdhipūrvam anabhisaṃdhipūrvaṃ vā śūdrāyāṃ ca retaḥ siktvāyonau vābliṅgābhir vāruṇībhiś copaspṛśya prayato bhavati // (13.1) Par.?

athāpy udāharanti / (14.1) Par.?

anādyāpeyapratiṣiddhabhojane viruddhadharmācarite ca karmaṇi / (14.2) Par.?

matipravṛtte 'pi ca pātakopamair viśudhyate 'thāpi ca sarvapātakaiḥ // (14.3) Par.?

trirātraṃ vāpy upavasaṃs trir ahno 'bhyupayann apaḥ / (15.1) Par.?

prāṇān ātmani saṃyamya triḥ paṭhed aghamarṣaṇam / (15.2) Par.?

yathāśvamedhāvabhṛtha evaṃ tan manur abravīt // (15.3) Par.?

vijñāyate ca / (16.1) Par.?

caraṇaṃ pavitraṃ vitataṃ purāṇaṃ yena pūtas tarati duṣkṛtāni / (16.2) Par.?

tena pavitreṇa śuddhena pūtā ati pāpmānam arātiṃ taremeti // (16.3) Par.?