Texts

Select a text:
Bibliography

Select a chapter:
(no revisions)

Associated topic(s): kṛcchra

Show parallels Show headlines
Use dependency labeler

Chapter id: 15320

atilobhāt pramādād vā yaḥ karoti kriyām imām / (1.1) Par.?

anyasya so 'ṃhasāviṣṭo garagīr iva sīdati // (1.2) Par.?

ācāryasya pitur mātur ātmanaś ca kriyām imām / (2.1) Par.?

kurvan bhāty arkavad vipraḥ sā kāryaiṣām ataḥ kriyā // (2.2) Par.?

ka etena sahasrākṣaṃ pavitreṇākarocchucim / (3.1) Par.?

agniṃ vāyuṃ raviṃ somaṃ yamādīṃś ca sureśvarān // (3.2) Par.?

yat kiṃcit puṇyanāmeha triṣu lokeṣu viśrutam / (4.1) Par.?

viprādi tat kṛtaṃ kena pavitrakriyayānayā // (4.2) Par.?

prājāpatyam idaṃ guhyaṃ pāpaghnaṃ prathamodbhavam / (5.1) Par.?

samutpannāny ataḥ paścāt pavitrāṇi sahasraśaḥ // (5.2) Par.?

yo 'bdāyanartupakṣāhāñ juhoty aṣṭau gaṇān imān / (6.1) Par.?

punāti cātmano vaṃśyān daśa pūrvān daśāvarān // (6.2) Par.?

jñāyate cāmarair dyusthaiḥ puṇyakarmeti bhūsthitaḥ / (7.1) Par.?

devavan modate bhūyaḥ svargaloke 'pi puṇyakṛt // (7.2) Par.?

etān aṣṭau gaṇān hotuṃ na śaknoti yadi dvijaḥ / (8.1) Par.?

eko 'pi tena hotavyo rajas tenāsya naśyati // (8.2) Par.?

sūnavo yasya śiṣyā vā juhvaty aṣṭau gaṇān imān / (9.1) Par.?

adhyāpanaparikrītair aṃhasaḥ so 'pi mucyate // (9.2) Par.?

dhanenāpi parikrītair ātmapāpajighāṃsayā / (10.1) Par.?

hāvanīyā hy aśaktena nāvasādyaḥ śarīradhṛk // (10.2) Par.?

dhanasya kriyate tyāgaḥ karmaṇāṃ sukṛtām api / (11.1) Par.?

puṃso 'nṛṇasya pāpasya vimokṣaḥ kriyate kvacit // (11.2) Par.?

vimukto vidhinaitena sarvapāpārṇasāgarāt / (12.1) Par.?

ātmānaṃ manyate śuddhaṃ samarthaṃ karmasādhane // (12.2) Par.?

sarvapāpārṇamuktātmā kriyā ārabhate tu yāḥ / (13.1) Par.?

ayatnenaiva tāḥ siddhiṃ yānti śuddhaśarīriṇaḥ // (13.2) Par.?

prājāpatyam idaṃ puṇyam ṛṣiṇā samudīritam / (14.1) Par.?

idam adhyāpayen nityaṃ dhārayecchṛṇute 'pi vā / (14.2) Par.?

mucyate sarvapāpebhyo brahmaloke mahīyate // (14.3) Par.?

yān siṣādhayiṣur mantrān dvādaśāhāni tāñ japet / (15.1) Par.?

ghṛtena payasā dadhnā prāśya niśy odanaṃ sakṛt // (15.2) Par.?

daśavāraṃ tathā homaḥ sarpiṣā savanatrayam / (16.1) Par.?

pūrvasevā bhaved eṣāṃ mantrāṇāṃ karmasādhane / (16.2) Par.?

mantrāṇāṃ karmasādhana iti // (16.3) Par.?

Duration=0.051708936691284 secs.