Texts

aṣṭāvakra uvāca / (1.1) Par.?

avināśinam ātmānam ekaṃ vijñāya tattvataḥ / (1.2) Par.?

tavātmajñasya dhīrasya katham arthārjane ratiḥ // (1.3) Par.?

ātmājñānād aho prītir viṣayabhramagocare / (2.1) Par.?

śukter ajñānato lobho yathā rajatavibhrame // (2.2) Par.?

viśvaṃ sphurati yatredaṃ taraṅgā iva sāgare / (3.1) Par.?

so 'ham asmīti vijñāya kiṃ dīna iva dhāvasi // (3.2) Par.?

śrutvāpi śuddhacaitanyam ātmānam atisundaram / (4.1) Par.?

upasthetyantasaṃsakto mālinyam adhigacchati // (4.2) Par.?

sarvabhūteṣu cātmānaṃ sarvabhūtāni cātmani / (5.1) Par.?

muner jānata āścaryaṃ mamatvam anuvartate // (5.2) Par.?

āsthitaḥ paramādvaitaṃ mokṣārthe 'pi vyavasthitaḥ / (6.1) Par.?

āścaryaṃ kāmavaśago vikalaḥ keliśikṣayā // (6.2) Par.?

udbhūtaṃ jñānadurmitram avadhāryātidurbalaḥ / (7.1) Par.?

āścaryaṃ kāmam ākāṅkṣet kālam antam anuśritaḥ // (7.2) Par.?

ihāmutra viraktasya nityānityavivekinaḥ / (8.1) Par.?

āścaryaṃ mokṣakāmasya mokṣād eva vibhīṣikā // (8.2) Par.?

dhīras tu bhojyamāno 'pi pīḍyamāno 'pi sarvadā / (9.1) Par.?

ātmānaṃ kevalaṃ paśyan na tuṣyati na kupyati // (9.2) Par.?

ceṣṭamānaṃ śarīraṃ svaṃ paśyaty anyaśarīravat / (10.1) Par.?

saṃstave cāpi nindāyāṃ kathaṃ kṣubhyet mahāśayaḥ // (10.2) Par.?

māyāmātram idaṃ viśvaṃ paśyan vigatakautukaḥ / (11.1) Par.?

api saṃnihite mṛtyau kathaṃ trasyati dhīradhīḥ // (11.2) Par.?

niḥspṛhaṃ mānasaṃ yasya nairāśye 'pi mahātmanaḥ / (12.1) Par.?

tasyātmajñānatṛptasya tulanā kena jāyate // (12.2) Par.?

svabhāvād eva jānāno dṛśyam etan na kiṃcana / (13.1) Par.?

idaṃ grāhyam idaṃ tyājyaṃ sa kiṃ paśyati dhīradhīḥ // (13.2) Par.?

antastyaktakaṣāyasya nirdvandvasya nirāśiṣaḥ / (14.1) Par.?

yadṛcchayāgato bhogo na duḥkhāya na tuṣṭaye // (14.2) Par.?