Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Sacrifice, yajña
Show parallels Show headlines
Use dependency labeler
Chapter id: 9117
- Click on a sentence to show its analysis
- Keep the mouse pointer over a lemma to show its meanings.
janako ha vaideho bahudakṣiṇena yajñeneje / (1.1) Par.?
tatra ha kurupañcālānāṃ brāhmaṇā abhisametā babhūvuḥ / (1.2) Par.?
tasya ha janakasya vaidehasya vijijñāsā babhūva kaḥ svid eṣāṃ brāhmaṇānām anūcānatama iti / (1.3) Par.?
sa ha gavāṃ sahasram avarurodha / (1.4) Par.?
daśa daśa pādā ekaikasyāḥ śṛṅgayor ābaddhā babhūvuḥ // (1.5) Par.?
tān hovāca brāhmaṇā bhagavanto yo vo brahmiṣṭhaḥ sa etā gā udajatām iti / (2.1) Par.?
te ha brāhmaṇā na dadhṛṣuḥ / (2.2) Par.?
atha ha yājñavalkyaḥ svam eva brahmacāriṇam uvāca etāḥ saumyodaja sāmaśravā3 iti / (2.3) Par.?
tā hodācakāra / (2.4) Par.?
te ha brāhmaṇāś cukrudhuḥ kathaṃ nu no brahmiṣṭho bruvīteti / (2.5) Par.?
atha ha janakasya vaidehasya hotāśvalo babhūva / (2.6) Par.?
sa hainaṃ papraccha tvaṃ nu khalu no yājñavalkya brahmiṣṭho 'sī3 iti / (2.7) Par.?
sa hovāca namo vayaṃ brahmiṣṭhāya kurmo gokāmā eva vayaṃ sma iti / (2.8) Par.?
taṃ ha tata eva praṣṭuṃ dadhre hotāśvalaḥ // (2.9) Par.?
yājñavalkyeti hovāca yad idaṃ sarvaṃ mṛtyunāptaṃ sarvaṃ mṛtyunābhipannaṃ kena yajamāno mṛtyor āptim atimucyata iti / (3.1) Par.?
hotrartvijāgninā vācā / (3.2) Par.?
vāg vai yajñasya hotā / (3.3) Par.?
tad yeyaṃ vāk so 'yam agniḥ sa hotā sā muktiḥ sātimuktiḥ // (3.4) Par.?
yājñavalkyeti hovāca yad idaṃ sarvam ahorātrābhyām āptaṃ sarvam ahorātrābhyām abhipannaṃ kena yajamāno 'horātrayor āptim atimucyata iti / (4.1) Par.?
adhvaryuṇartvijā cakṣuṣādityena / (4.2) Par.?
cakṣur vai yajñasyādhvaryuḥ / (4.3) Par.?
tad yad idaṃ cakṣuḥ so 'sāv ādityaḥ so 'dhvaryuḥ sā muktiḥ sātimuktiḥ // (4.4) Par.?
yājñavalkyeti hovāca yad idaṃ sarvaṃ pūrvapakṣāparapakṣābhyām āptaṃ sarvaṃ pūrvapakṣāparapakṣābhyām abhipannaṃ kena yajamānaḥ pūrvapakṣāparapakṣayor āptim atimucyata iti / (5.1) Par.?
udgātrartvijā vāyunā prāṇena / (5.2) Par.?
prāṇo vai yajñasyodgātā / (5.3) Par.?
tad yo 'yaṃ prāṇaḥ sa vāyuḥ sa udgātā / (5.4) Par.?
sa muktiḥ sātimuktiḥ // (5.5) Par.?
yājñavalkyeti hovāca yad idam antarikṣam anārambaṇam iva kenākrameṇa yajamānaḥ svargaṃ lokam ākramata iti / (6.1) Par.?
brahmaṇartvijā manasā candreṇa / (6.2) Par.?
mano vai yajñasya brahmā / (6.3) Par.?
tad yad idaṃ manaḥ so 'sau candraḥ sa brahmā sa muktiḥ sātimuktir ity atimokṣāḥ / (6.4) Par.?
atha saṃpadaḥ // (6.5) Par.?
yājñavalkyeti hovāca katibhir ayam adyargbhir hotāsmin yajñe kariṣyatīti / (7.1) Par.?
tisṛbhir iti / (7.2) Par.?
katamās tās tisra iti / (7.3) Par.?
puronuvākyā ca yājyā ca śasyaiva tṛtīyā / (7.4) Par.?
kiṃ tābhir jayatīti / (7.5) Par.?
yat kiṃcedaṃ prāṇabhṛd iti // (7.6) Par.?
yājñavalkyeti hovāca katy ayam adyādhvaryur asmin yajña āhutīr hoṣyatīti / (8.1) Par.?
tisra iti / (8.2) Par.?
katamās tās tisra iti / (8.3) Par.?
yā hutā ujjvalanti yā hutā atinedanti yā hutā adhiśerate / (8.4) Par.?
kiṃ tābhir jayatīti / (8.5) Par.?
yā hutā ujjvalanti devalokam eva tābhir jayati / (8.6) Par.?
dīpyata iva hi devalokaḥ / (8.7) Par.?
yā hutā atinedante pitṛlokam eva tābhir jayati / (8.8) Par.?
atīva hi pitṛlokaḥ / (8.9) Par.?
yā hutā adhiśerate manuṣyalokam eva tābhir jayati / (8.10) Par.?
adha iva hi manuṣyalokaḥ // (8.11) Par.?
yājñavalkyeti hovāca katibhir ayam adya brahmā yajñaṃ dakṣiṇato devatābhir gopāyatīti / (9.1) Par.?
ekayeti / (9.2) Par.?
katamā saiketi / (9.3) Par.?
mana eveti / (9.4) Par.?
anantaṃ vai mano 'nantā viśve devāḥ / (9.5) Par.?
anantam eva sa tena lokaṃ jayati // (9.6) Par.?
yājñavalkyeti hovāca katy ayam adyodgātāsmin yajñe stotriyāḥ stoṣyatīti / (10.1) Par.?
tisra iti / (10.2) Par.?
katamās tās tisra iti / (10.3) Par.?
puronuvākyā ca yājyā ca śasyaiva tṛtīyā / (10.4) Par.?
katamās tā yā adhyātmam iti / (10.5) Par.?
prāṇa eva puronuvākyāpāno yājyā vyānaḥ śasyā / (10.6) Par.?
kiṃ tābhir jayatīti / (10.7) Par.?
pṛthivīlokam eva puronuvākyayā jayaty antarikṣalokaṃ yājyayā dyulokaṃ śasyayā / (10.8) Par.?
tato ha hotāśvala upararāma // (10.9) Par.?
Duration=0.11414980888367 secs.