Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Vedic metres, prosody, gāyatrī
Show parallels Show headlines
Use dependency labeler
Chapter id: 9498
- Click on a sentence to show its analysis
- Keep the mouse pointer over a lemma to show its meanings.
bhūmir antarikṣaṃ dyaur ityaṣṭāvakṣarāṇi / (1.1) Par.?
aṣṭākṣaraṃ ha vā ekaṃ gāyatryai padam / (1.2) Par.?
etad u haivāsyā etat / (1.3) Par.?
sa yāvad eṣu triṣu lokeṣu tāvaddha jayati yo 'syā etad evaṃ padaṃ veda // (1.4) Par.?
ṛco yajūṃṣi sāmānītyaṣṭāvakṣarāṇi / (2.1) Par.?
aṣṭākṣaraṃ ha vā ekaṃ gāyatryai padam / (2.2) Par.?
etad u haivāsyā etat / (2.3) Par.?
sa yāvatīyaṃ trayī vidyā tāvaddha jayati yo 'syā etad evaṃ padaṃ veda // (2.4) Par.?
prāṇo 'pāno vyāna ity aṣṭāvakṣarāṇi / (3.1) Par.?
aṣṭākṣaraṃ ha vā ekaṃ gāyatryai padam / (3.2) Par.?
etad u haivāsyā etat / (3.3) Par.?
sa yāvad idaṃ prāṇi tāvaddha jayati yo 'syā etad evaṃ padaṃ veda / (3.4) Par.?
athāsyā etad eva turīyaṃ darśataṃ padaṃ parorajā ya eṣa tapati / (3.5) Par.?
yad vai caturthaṃ tat turīyam / (3.6) Par.?
darśataṃ padam iti dadṛśa iva hy eṣaḥ / (3.7) Par.?
parorajā iti sarvam u hyevaiṣa raja upary upari tapati / (3.8) Par.?
evaṃ haiva śriyā yaśasā tapati yo 'syā etad evaṃ padaṃ veda // (3.9) Par.?
saiṣā gāyatryetasmiṃsturīye darśate pade parorajasi pratiṣṭhitā / (4.1) Par.?
tad vai tat satye pratiṣṭhitam / (4.2) Par.?
cakṣur vai satyam / (4.3) Par.?
cakṣur hi vai satyam / (4.4) Par.?
tasmād yad idānīṃ dvau vivadamānāveyātam aham adarśam aham aśrauṣam iti / (4.5) Par.?
ya evaṃ brūyād aham adarśam iti / (4.6) Par.?
tasmā eva śraddadhyāma / (4.7) Par.?
tad vai tat satyaṃ bale pratiṣṭhitam / (4.8) Par.?
prāṇo vai balam / (4.9) Par.?
tat prāṇe pratiṣṭhitam / (4.10) Par.?
tasmād āhur balaṃ satyād ogīya iti / (4.11) Par.?
evamveṣā gāyatryadhyātmaṃ pratiṣṭhitā / (4.12) Par.?
sā haiṣā gayāṃs tatre / (4.13) Par.?
prāṇā vai gayāḥ / (4.14) Par.?
tat prāṇāṃs tatre / (4.15) Par.?
tad yad gayāṃstatre tasmādgāyatrī nāma / (4.16) Par.?
sa yām evāmūṃ sāvitrīm anvāhaiṣaiva sā / (4.17) Par.?
sa yasmā anvāha tasya prāṇāṃs trāyate // (4.18) Par.?
tāṃ haitām eke sāvitrīm anuṣṭubham anvāhuḥ / (5.1) Par.?
vāg anuṣṭup / (5.2) Par.?
etad vācam anubrūma iti / (5.3) Par.?
na tathā kuryāt / (5.4) Par.?
gāyatrīm eva sāvitrīm anubrūyāt / (5.5) Par.?
yadi ha vā apy evaṃvid bahv iva pratigṛhṇāti na haiva tad gāyatryā ekaṃ cana padaṃ prati // (5.6) Par.?
sa ya imāṃstrīṃllokān pūrṇān pratigṛhṇīyāt so 'syā etat prathamaṃ padam āpnuyāt / (6.1) Par.?
atha yāvatīyaṃ trayī vidyā yas tāvat pratigṛhṇīyāt so 'syā etad dvitīyaṃ padam āpnuyāt / (6.2) Par.?
atha yāvad idaṃ prāṇi yas tāvat pratigṛhṇīyāt so 'syā etat tṛtīyaṃ padam āpnuyāt / (6.3) Par.?
athāsyā etad eva turīyaṃ darśataṃ padaṃ parorajā ya eṣa tapati / (6.4) Par.?
naiva kenacanāpyam / (6.5) Par.?
kuta u etāvat pratigṛhṇīyāt // (6.6) Par.?
tasyā upasthānam / (7.1) Par.?
gāyatry asy ekapadī dvipadī tripadī catuṣpadī / (7.2) Par.?
apad asi / (7.3) Par.?
na hi padyase / (7.4) Par.?
namas te turīyāya darśatāya padāya parorajase / (7.5) Par.?
asāv ado mā prāpad iti / (7.6) Par.?
yaṃ dviṣyād asāv asmai kāmo mā samṛddhīti vā / (7.7) Par.?
na haivāsmai sa kāmaḥ samṛdhyate yasmā evam upatiṣṭhate / (7.8) Par.?
aham adaḥ prāpam iti vā // (7.9) Par.?
etaddha vai tajjanako vaideho buḍilam āśvatarāśvim uvāca yan nu ho tad gāyatrīvid abrūthāḥ / (8.1) Par.?
atha kathaṃ hastībhūto vahasīti / (8.2) Par.?
mukhaṃ hy asyāḥ samrāṇ na vidāṃcakāreti hovāca / (8.3) Par.?
tasyā agnir eva mukham / (8.4) Par.?
yadi ha vā api bahv ivāgnāv abhyādadhati sarvam eva tat saṃdahati / (8.5) Par.?
evaṃ haivaivaṃvid yady api bahv iva pāpaṃ kurute sarvam eva tat saṃpsāya śuddhaḥ pūto 'jaro 'mṛtaḥ sambhavati // (8.6) Par.?
Duration=0.46378707885742 secs.