Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): water, rain
Show parallels Show headlines
Use dependency labeler
Chapter id: 9803
- Click on a sentence to show its analysis
- Keep the mouse pointer over a lemma to show its meanings.
pra devatrā brahmaṇe gātur etv apo acchā manaso na prayukti / (1.1) Par.?
mahīm mitrasya varuṇasya dhāsim pṛthujrayase rīradhā suvṛktim // (1.2) Par.?
adhvaryavo haviṣmanto hi bhūtācchāpa itośatīr uśantaḥ / (2.1) Par.?
ava yāś caṣṭe aruṇaḥ suparṇas tam āsyadhvam ūrmim adyā suhastāḥ // (2.2) Par.?
adhvaryavo 'pa itā samudram apāṃ napātaṃ haviṣā yajadhvam / (3.1) Par.?
sa vo dadad ūrmim adyā supūtaṃ tasmai somam madhumantaṃ sunota // (3.2) Par.?
yo anidhmo dīdayad apsv antar yaṃ viprāsa īḍate adhvareṣu / (4.1) Par.?
apāṃ napān madhumatīr apo dā yābhir indro vāvṛdhe vīryāya // (4.2) Par.?
yābhiḥ somo modate harṣate ca kalyāṇībhir yuvatibhir na maryaḥ / (5.1) Par.?
tā adhvaryo apo acchā parehi yad āsiñcā oṣadhībhiḥ punītāt // (5.2) Par.?
eved yūne yuvatayo namanta yad īm uśann uśatīr ety accha / (6.1) Par.?
saṃ jānate manasā saṃ cikitre 'dhvaryavo dhiṣaṇāpaś ca devīḥ // (6.2) Par.?
yo vo vṛtābhyo akṛṇod u lokaṃ yo vo mahyā abhiśaster amuñcat / (7.1) Par.?
tasmā indrāya madhumantam ūrmiṃ devamādanam pra hiṇotanāpaḥ // (7.2) Par.?
prāsmai hinota madhumantam ūrmiṃ garbho yo vaḥ sindhavo madhva utsaḥ / (8.1) Par.?
ghṛtapṛṣṭham īḍyam adhvareṣv āpo revatīḥ śṛṇutā havam me // (8.2) Par.?
taṃ sindhavo matsaram indrapānam ūrmim pra heta ya ubhe iyarti / (9.1) Par.?
madacyutam auśānaṃ nabhojām pari tritantuṃ vicarantam utsam // (9.2) Par.?
āvarvṛtatīr adha nu dvidhārā goṣuyudho na niyavaṃ carantīḥ / (10.1) Par.?
ṛṣe janitrīr bhuvanasya patnīr apo vandasva savṛdhaḥ sayonīḥ // (10.2) Par.?
hinotā no adhvaraṃ devayajyā hinota brahma sanaye dhanānām / (11.1) Par.?
ṛtasya yoge vi ṣyadhvam ūdhaḥ śruṣṭīvarīr bhūtanāsmabhyam āpaḥ // (11.2) Par.?
āpo revatīḥ kṣayathā hi vasvaḥ kratuṃ ca bhadram bibhṛthāmṛtaṃ ca / (12.1) Par.?
rāyaś ca stha svapatyasya patnīḥ sarasvatī tad gṛṇate vayo dhāt // (12.2) Par.?
prati yad āpo adṛśram āyatīr ghṛtam payāṃsi bibhratīr madhūni / (13.1) Par.?
adhvaryubhir manasā saṃvidānā indrāya somaṃ suṣutam bharantīḥ // (13.2) Par.?
emā agman revatīr jīvadhanyā adhvaryavaḥ sādayatā sakhāyaḥ / (14.1) Par.?
ni barhiṣi dhattana somyāso 'pāṃ naptrā saṃvidānāsa enāḥ // (14.2) Par.?
āgmann āpa uśatīr barhir edaṃ ny adhvare asadan devayantīḥ / (15.1) Par.?
adhvaryavaḥ sunutendrāya somam abhūd u vaḥ suśakā devayajyā // (15.2) Par.?
Duration=0.1307909488678 secs.