Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Show parallels Show headlines
Use dependency labeler
Chapter id: 10743
- Click on a sentence to show its analysis
- Keep the mouse pointer over a lemma to show its meanings.
naitāṃ te devā adadus tubhyaṃ nṛpate attave / (1.1) Par.?
mā brāhmaṇasya rājanya gāṃ jighatso anādyām // (1.2) Par.?
akṣadrugdho rājanyaḥ pāpa ātmaparājitaḥ / (2.1) Par.?
sa brāhmaṇasya gām adyād adya jīvāni mā śvaḥ // (2.2) Par.?
āviṣṭitāghaviṣā pṛdākūr iva carmaṇā / (3.1) Par.?
sā brāhmaṇasya rājanya tṛṣṭaiṣā gaur anādyā // (3.2) Par.?
nir vai kṣatraṃ nayati hanti varco 'gnir ivārabdho vi dunoti sarvam / (4.1) Par.?
yo brāhmaṇaṃ manyate annam eva sa viṣasya pibati taimātasya // (4.2) Par.?
ya enaṃ hanti mṛduṃ manyamāno devapīyur dhanakāmo na cittāt / (5.1) Par.?
saṃ tasyendro hṛdaye 'gnim indha ubhe enaṃ dviṣṭo nabhasī carantam // (5.2) Par.?
na brāhmaṇo hiṃsitavyo 'gniḥ priyatanor iva / (6.1) Par.?
somo hy asya dāyāda indro asyābhiśastipāḥ // (6.2) Par.?
śatāpāṣṭhāṃ ni girati tāṃ na śaknoti niḥkhidam / (7.1) Par.?
annaṃ yo brahmaṇām malvaḥ svādv admīti manyate // (7.2) Par.?
jihvā jyā bhavati kulmalaṃ vāṅ nāḍīkā dantās tapasābhidigdhāḥ / (8.1) Par.?
tebhir brahmā vidhyati devapīyūn hṛdbalair dhanurbhir devajūtaiḥ // (8.2) Par.?
tīkṣṇeṣavo brāhmaṇā hetimanto yām asyanti śaravyāṃ na sā mṛṣā / (9.1) Par.?
anuhāya tapasā manyunā cota dūrād ava bhindanty enam // (9.2) Par.?
ye sahasram arājann āsan daśaśatā uta / (10.1) Par.?
te brāhmaṇasya gāṃ jagdhvā vaitahavyāḥ parābhavan // (10.2) Par.?
gaur eva tān hanyamānā vaitahavyāṁ avātirat / (11.1) Par.?
ye kesaraprābandhāyāś caramājām apeciran // (11.2) Par.?
ekaśataṃ tā janatā yā bhūmir vyadhūnuta / (12.1) Par.?
prajāṃ hiṃsitvā brāhmaṇīm asaṃbhavyaṃ parābhavan // (12.2) Par.?
devapīyuś carati martyeṣu garagīrṇo bhavaty asthibhūyān / (13.1) Par.?
yo brāhmaṇaṃ devabandhuṃ hinasti na sa pitṛyāṇam apy eti lokam // (13.2) Par.?
agnir vai naḥ padavāyaḥ somo dāyāda ucyate / (14.1) Par.?
hantābhiśastendras tathā tad vedhaso viduḥ // (14.2) Par.?
iṣur iva digdhā nṛpate pṛdākūr iva gopate / (15.1) Par.?
sā brāhmaṇasyeṣur ghorā tayā vidhyati pīyataḥ // (15.2) Par.?
Duration=0.058001041412354 secs.