Texts

audumbareṇa maṇinā puṣṭikāmāya vedhasā / (1.1) Par.?

paśūnāṃ sarveṣām sphātiṃ goṣṭhe me savitā karat // (1.2) Par.?

yo no agnir gārhapatyaḥ paśūnām adhipā asat / (2.1) Par.?

audumbaro vṛṣā maṇiḥ saṃ mā sṛjatu puṣṭyā // (2.2) Par.?

karīṣiṇīṃ phalavatīṃ svadhām irāṃ ca no gṛhe / (3.1) Par.?

audumbarasya tejasā dhātā puṣṭiṃ dadhātu me // (3.2) Par.?

yad dvipāc ca catuṣpāc ca yāny annāni ye rasāḥ / (4.1) Par.?

gṛhṇe 'haṃ teṣāṃ bhūmānaṃ bibhrad audumbaraṃ maṇim // (4.2) Par.?

puṣṭiṃ paśūnāṃ pari jagrabhāhaṃ catuṣpadāṃ dvipadāṃ yac ca dhānyam / (5.1) Par.?

payaḥ paśūnāṃ rasam oṣadhīnāṃ bṛhaspatiḥ savitā me ni yacchāt // (5.2) Par.?

ahaṃ paśūnām adhipā asāni mayi puṣṭaṃ puṣṭapatir dadhātu / (6.1) Par.?

mahyam audumbaro maṇir draviṇāni ni yacchatu // (6.2) Par.?

upa maudumbaro maṇiḥ prajayā ca dhanena ca / (7.1) Par.?

indreṇa jinvato maṇir ā māgan saha varcasā // (7.2) Par.?

devo maṇiḥ sapatnahā dhanasā dhanasātaye / (8.1) Par.?

paśor annasya bhūmānaṃ gavāṃ sphātiṃ ni yacchatu // (8.2) Par.?

yathāgre tvaṃ vanaspate puṣṭyā saha jajñiṣe / (9.1) Par.?

evā dhanasya me sphātim ā dadhātu sarasvatī // (9.2) Par.?

ā me dhanaṃ sarasvatī payasphātiṃ ca dhānyam / (10.1) Par.?

sinīvāly utā vahād ayaṃ caudumbaro maṇiḥ // (10.2) Par.?

tvaṃ maṇīnām adhipā vṛṣāsi tvayi puṣṭaṃ puṣṭapatir jajāna / (11.1) Par.?

tvayīme vājā draviṇāni sarvaudumbara sa tvam asmat sahasvārād arātim amatiṃ kṣudhaṃ ca // (11.2) Par.?

grāmaṇīr asi grāmaṇīthyāyābhiṣikto abhi mā siñca varcasā / (12.1) Par.?

tejo 'si tejo mayi dhārayādhi rayir asi rayiṃ mayi dhehi // (12.2) Par.?

puṣṭir asi puṣṭyā mā sam aṅdhi gṛhamedhī gṛhapatiṃ mā kṛṇu / (13.1) Par.?

audumbara sa tvam asmāsu rayiṃ sarvavīraṃ ni yaccha rāyaspoṣāya prati muñce ahaṃ tvām // (13.2) Par.?

ayam audumbaro maṇir vīro vīrāya badhyate / (14.1) Par.?

sa naḥ saniṃ madhumatīṃ kṛṇotu rayiṃ ca naḥ sarvavīraṃ ni yacchāt // (14.2) Par.?