Texts

atha mādhyaṃdinasya pavamānasya gāyatrī // (1) Par.?

yo 'yam avāṅ prāṇa eṣa eva sa // (2) Par.?

tasyāṃ dve sāmanī // (3) Par.?

tasmād etena dvayaṃ prāṇena karoti bhasma ca karoti vātaṃ ca // (4) Par.?

nānāprastāvau nānānidhane hiṃkāro 'ntareṇa // (5) Par.?

tasmān netara itaram anuninardati netara itaram // (6) Par.?

etena hi tad vihṛtam // (7) Par.?

atha bṛhatī // (8) Par.?

yo 'yaṃ prāṅ prāṇa eṣa eva sa // (9) Par.?

tasyāṃ dve sāmanī // (10) Par.?

tasmād etena dvayaṃ prāṇena karoti retaś ca siñcati mehati ca // (11) Par.?

nānāprastāvau nānānidhane hiṃkāro 'ntareṇa // (12) Par.?

tasmān netara itaram anuninardati netara itaram // (13) Par.?

etena hi tad vihṛtam // (14) Par.?

atha triṣṭup // (15) Par.?

nābhir eva sā // (16) Par.?

tasyām ekaṃ sāma // (17) Par.?

tasmād etenaikam eva prāṇena karoti yad eva prāṇān udanato 'nūdaniti // (18) Par.?

atha pṛṣṭhāni // (19) Par.?

indriyaṃ vai vīryaṃ pṛṣṭhāni // (20) Par.?

tasmād ye ke cānūkabhājo gor aśvasya puruṣasya teṣām anūkam eva baliṣṭham // (21) Par.?

indriyaṃ hy etad vīryaṃ yat pṛṣṭhāni // (22) Par.?

tāni bṛhatīṣu bhavanti // (23) Par.?

tasmād imā bṛhatīr iva kīkasā bṛhatīr iva pariśavaḥ pṛṣṭham abhisamāyanti // (24) Par.?

athārbhavasya pavamānasya gāyatrī // (25) Par.?

yo 'yaṃ prāṇa eṣa eva sa // (26) Par.?

tasyāṃ dve sāmanī // (27) Par.?

tasmād dvayaṃ prāṇena karoti prāṇyāpāniti // (28) Par.?

nānāprastāvau nānānidhane hiṃkāro 'ntareṇa // (29) Par.?

tasmān netara itaram anuninardati netara itaram // (30) Par.?

etena hi tad vihṛtam // (31) Par.?

athoṣṇikkakubhau // (32) Par.?

cakṣuṣī te // (33) Par.?

samānaṃ chandaḥ // (34) Par.?

dve sāmanī // (35) Par.?

tasmād dve akṣyau samānaṃ paśyataḥ // (36) Par.?

tripador ṛcor bhavataḥ // (37) Par.?

tasmāt trivṛc cakṣuś śuklaṃ kṛṣṇaṃ kanīnikā // (38) Par.?

parovarīyasyor ṛcor bhavataḥ // (39) Par.?

tasmāt parovarīyaḥ puruṣaḥ paśyati // (40) Par.?

nānāprastāvau nānānidhane hiṃkāro 'ntareṇa // (41) Par.?

tasmān nānāvīrye cakṣuṣī // (42) Par.?

athānuṣṭup // (43) Par.?

vāg eva sā // (44) Par.?

tasyāṃ dve sāmanī // (45) Par.?

tasmād dvayaṃ vācā karoty annaṃ cainayātti vadati ca // (46) Par.?

nānāprastāvau nānānidhane hiṃkāro 'ntareṇa // (47) Par.?

tasmān na sarvaṃ satyaṃ vācā vadati na sarvam anṛtam // (48) Par.?

etena hi tad vihṛtam // (49) Par.?

atha jagatī // (50) Par.?

śrotram eva tat // (51) Par.?

tasyām ekaṃ sāma // (52) Par.?

tasmād etenaikam eva śrotreṇa karoti yad eva śṛṇoti // (53) Par.?

catuṣpadāyām ṛci bhavati // (54) Par.?

tasmāt samānatra san sarvā anu diśaś śṛṇoti // (55) Par.?

api parāṅ yan paścād vadataś śṛṇoti // (56) Par.?

atha yajñāyajñīyam // (57) Par.?

śira eva tat // (58) Par.?

adhyūḍhaṃ vā etad anyeṣv aṅgeṣu yacchiraḥ // (59) Par.?

adhyūḍham anyeṣu stotreṣu yajñāyajñīyam // (60) Par.?

adhyūḍho 'nyeṣu sveṣu bhavati ya evaṃ veda // (61) Par.?

upari vā etad anyebhyo 'ṅgebhyo yacchiraḥ // (62) Par.?

upary anyebhyaḥ stotrebhyo yajñāyajñīyam // (63) Par.?

upary anyebhyaḥ svebhyo bhavati ya evaṃ veda // (64) Par.?

sa eṣo 'pahatapāpmā yajña eva pratyakṣam // (65) Par.?

tasya ha nopavadaṃś ca na pāpaṃ kartāsti // (66) Par.?

yady enaṃ bahiṣpavamāne 'nuvyāhared yajñasya retaḥ siktam acīkﾱpaṃ yajñamāro 'retaskā te prajā bhaviṣyatīty enaṃ brūyāt // (67) Par.?

yady enam ekadevatya ājye 'nuvyāhared yajñasya pretim acīkﾱpaṃ yajñamāraḥ prety ajanayaṃ mariṣyasīty enaṃ brūyāt // (68) Par.?

yady enaṃ dvidevatya ājye 'nuvyāhared yajñasya pratiṣṭhām acīkﾱpaṃ yajñamāro 'pratiṣṭhito bhaviṣyasīty enaṃ brūyāt // (69) Par.?

yady enaṃ mādhyaṃdinasya pavamānasya gāyatryām anuvyāhared yajñasyāvāñcaṃ prāṇam acīkﾱpaṃ yajñamāro vighātas tvā haniṣyatīty enaṃ brūyāt // (70) Par.?

atho ha brūyād avasravas tvā haniṣyatīti // (71) Par.?

yady enaṃ bṛhatyām anuvyāhared yajñasya śiśnam acīkﾱpaṃ yajñamāro mūtragrāhas tvā haniṣyatīty enaṃ brūyāt // (72) Par.?

atho ha brūyād aretasko bhaviṣyasīti // (73) Par.?

yady enaṃ triṣṭubhy anuvyāhared yajñasya nābhim acīkﾱpaṃ yajñamāra udāvartas tvā haniṣyatīty enaṃ brūyāt // (74) Par.?

yady enaṃ pṛṣṭheṣv anuvyāhared yajñasyendriyaṃ vīryam acīkﾱpaṃ yajñamāro vajras tvā haniṣyatīty enaṃ brūyāt // (75) Par.?

atho ha brūyād anājñātavadhas tvā haniṣyatīti // (76) Par.?