Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): raising the yūpa, sacrificial post, yūpa
Show parallels Show headlines
Use dependency labeler
Chapter id: 13750
- Click on a sentence to show its analysis
- Keep the mouse pointer over a lemma to show its meanings.
placing the paridhis
atha prokṣaṇībhir upottiṣṭhatīdhmaṃ prokṣati // (1) Par.?
vediṃ prokṣati barhiḥ prokṣati // (2) Par.?
barhir āsannaṃ prokṣyopaninīya purastāt prastaraṃ gṛhṇāti // (3) Par.?
pañcavidhaṃ barhi stīrtvā prastarapāṇiḥ prāṅ abhisṛpya kārṣmaryamayān paridhīn paridadhāti // (4) Par.?
ūrdhve samidhāv ādadhāti // (5) Par.?
vidhṛtī tiraścī sādayati // (6) Par.?
vidhṛtyoḥ prastaram // (7) Par.?
prastare juhūm // (8) Par.?
barhiṣītarāḥ // (9) Par.?
etā asadan iti samabhimṛśya pradakṣiṇam āvṛtya pratyaṅṅ ādrutya yācati yavamatīḥ prokṣaṇīr barhirhastam ājyasthālīṃ sasruvāṃ svaruraśanaṃ maitrāvaruṇadaṇḍaṃ yūpaśakalaṃ hiraṇyam udapātram iti // (10) Par.?
etat saṃnidhāya yūpaṃ prakṣālayati yat te śikvaḥ parāvadhīt takṣā hastena vāsyā / (11.1) Par.?
āpas te tad vanaspate apanudantu śundhanīr iti // (11.2) Par.?
yūpa eṣa prakṣālitaḥ prapannaḥ sampannacaṣālaḥ prāg avaṭād upaśete // (12) Par.?
tam uttareṇāhavanīyaṃ tiṣṭhan parāñcaṃ prokṣati pṛthivyai tvā antarikṣāya tvā dive tvā iti // (13) Par.?
avaṭe 'po 'vanayati śundhatāṃ lokaḥ pitṛṣadana iti // (14) Par.?
yavān praskandayati yavo 'si yavayāsmad dveṣo yavayārātīr iti // (15) Par.?
barhirhastaṃ vyatiṣajyāvastṛṇāti pitṝṇāṃ sadanam asīti // (16) Par.?
athainaddhiraṇyam antardhāya sruvāhutyābhijuhoti pitṛbhyaḥ svāheti // (17) Par.?
yūpaśakalam avāsyati svāveśo 'sy agregā netṝṇām vanaspatir adhi tvā sthāsyati tasya vittāt iti // (18) Par.?
athādatta ājyasthālīṃ sasruvāṃ svaruraśanaṃ maitrāvaruṇadaṇḍam udapātram iti // (19) Par.?
etat samādāyāha ehi yajamāna iti // (20) Par.?
anvag yajamāno 'nūcī patny agreṇa yūpaṃ parītya dakṣiṇata udaṅmukhās tiṣṭhanti pūrva evādhvaryur aparo yajamāno 'parā patnī // (21) Par.?
atha pravṛhya caṣālaṃ yūpasyāgram anakti devas tvā savitā madhvānaktvity antarataś ca bāhyataś ca // (22) Par.?
svabhyaktaṃ kṛtvā caṣālaṃ pratimuñcati supippalābhyas tvauṣadhībhya iti // (23) Par.?
atha sruveṇāgniṣṭhām aśrim abhighārayann āha yūpāyājyamānāyānubrūhīti // (24) Par.?
āntam anakty āntam eva yajamānaṃ tejasānakti // (25) Par.?
noparam anakti // (26) Par.?
patny uparam anakti // (27) Par.?
sarvataḥ parimṛśaty aparivargam evāsmin tejo dadhātīti brāhmaṇam // (28) Par.?
raising the post; Kashikar p. 201
ucchrayann āha ucchrīyamāṇāyānubrūhīti // (29) Par.?
ucchrayati ud divaṃ stabhāna antarikṣaṃ pṛṇa pṛthivīm upareṇa dṛṃha iti // (30) Par.?
athainaṃ vaiṣṇavībhyām ṛgbhyāṃ kalpayati te te dhāmāni viṣṇoḥ karmāṇi paśyata iti dvābhyām // (31) Par.?
sa yatrāgniṣṭhām aśrim āhavanīyena sampādayati tad dhruvasya caṣālaṃ prekṣayati tad viṣṇoḥ paramaṃ padam sadā paśyanti sūrayaḥ / (32.1) Par.?
divīva cakṣur ātatam iti // (32.2) Par.?
athainaṃ pradakṣiṇaṃ purīṣeṇa paryūhati brahmavaniṃ tvā kṣatravaniṃ suprajāvaniṃ rāyaspoṣavaniṃ paryūhāmīti // (33) Par.?
maitrāvaruṇadaṇḍena saṃhanti brahma dṛṃha kṣatraṃ dṛṃha prajāṃ dṛṃha rāyaspoṣaṃ dṛṃha iti // (34) Par.?
anyūnam anatiriktaṃ parinyasyodapātram upaninīya // (35) Par.?
athaitāṃ triguṇāṃ raśanāṃ triḥ saṃbhujya madhyamena guṇena nābhidaghne parivyayann āha parivīyamāṇāyānubrūhīti // (36) Par.?
triḥ pradakṣiṇaṃ parivyayati parivīr asi pari tvā daivīr viśo vyayantām parīmaṃ rāyaspoṣo yajamānaṃ manuṣyā iti // (37) Par.?
upānte vyatiṣajati // (38) Par.?
āntaṃ praveṣṭayati // (39) Par.?
aṇimati sthavimat pravayati // (40) Par.?
athottareṇāgniṣṭhām aśriṃ madhyame guṇe svarum avagūhati antarikṣasya tvā sānāv avagūhāmīti // (41) Par.?
svarvantaṃ yūpam utsṛjati // (42) Par.?
Duration=0.15901279449463 secs.