Texts

yāvad evātrādhvaryuś ceṣṭati tāvad eṣa pratiprasthātā prāyaṇīyasya niṣkāsa udayanīyam abhinirvapati // (1) Par.?

eṣa eva veda etan mekṣaṇam etad barhiḥ // (2) Par.?

athaitāṃ carusthālīṃ sakṣāmakāṣām utkhidya nirṇijya tayodayanīyaṃ śrapayati // (3) Par.?

tasmiṃstathaiva śrapyamāṇe jaghanena gārhapatyam aupasadāyāṃ vedyāṃ stambayajur harati // (4) Par.?

idam eva prasiddhaṃ pauroḍāśikam // (5) Par.?

trir yajuṣā tūṣṇīṃ caturtham // (6) Par.?

pūrvaṃ parigrāhaṃ parigṛhṇāti // (7) Par.?

karaṇaṃ japati // (8) Par.?

uddhanti // (9) Par.?

uddhatād āgnīdhras trir harati // (10) Par.?

samānaṃ karma yathā prāyaṇīyasya // (11) Par.?

etāvad eva nānā // (12) Par.?

pathyām amutra svastiṃ prathamāṃ yajati tām ihopottamāṃ yajati // (13) Par.?

no tu diśaś cyavante // (14) Par.?

atha purastāt sviṣṭakṛtaḥ sruvāhutim upajuhoti yās te viśvāḥ samidhaḥ santy agne iti // (15) Par.?

upastaraṇābhighāraṇābhyām evaitad dhruvājyaṃ vicchiṃṣanti // (16) Par.?

samiṣṭayajur u haike juhvati // (17) Par.?

śaṃyvanta udayanīyaḥ saṃtiṣṭhate // (18) Par.?

atraitat pūrṇapātram antarvedi ninayati // (19) Par.?

atha pṛṣadājyavanty ājyāni gṛhītvā maitrāvaruṇīṃ vaśām upākaroti // (20) Par.?

tasyai prasiddhaṃ vapayā caritvā dakṣiṇe vedyante keśaśmaśru vapate // (21) Par.?

nakhāni nikṛntate // (22) Par.?

sarvasaṃsthāṃ paśoḥ kurvanti // (23) Par.?

atha yadi vaśāṃ na labhate maitrāvaruṇīm āmikṣāṃ gārhapatye śrapayitvā tayāhavanīye pracarati // (24) Par.?

sājyabhāgapratipatkeḍāntā saṃtiṣṭhate // (25) Par.?