Texts

idaṃ śreyo 'vasānaṃ yad āgāṃ syone me dyāvāpṛthivī abhūtām / (1.1) Par.?

anamīvāḥ pradiśaḥ santu mahyam / (1.2) Par.?

gomad dhanavad aśvavat puruṣavaddhiraṇyavat suvīravat svāhety avasite juhoti // (1.3) Par.?

nāniṣṭvāgrayaṇenāhitāgnir navasyāśnīyāt // (2) Par.?

vrīhīṇāṃ yavānāṃ śyāmākānām ity agrapākasya yajeta // (3) Par.?

amāvāsyāyāṃ paurṇamāsyāṃ vā // (4) Par.?

āmāvāsyaṃ tantram // (5) Par.?

saptadaśa sāmidhenyaḥ // (6) Par.?

nirvapaṇakāla āgneyam aṣṭākapālaṃ nirvapati purāṇānāṃ vrīhīṇām // (7) Par.?

yathā dāntenādāntaṃ saṃyunakti tādṛk tad iti vijñāyate // (8) Par.?

yena yajñenertset kuryād eva tatrāgneyam aṣṭākapālam iti vijñāyate // (9) Par.?

navānām itarāṇy aindrāgnaṃ dvādaśakapālam āgnendraṃ vā vaiśvadevaṃ payasi caruṃ saumyaṃ śyāmākaṃ caruṃ dyāvāpṛthivyam ekakapālam // (10) Par.?

purastāt saumyād dyāvāpṛthivyam eke samāmananti // (11) Par.?

niruptaṃ havirupasannam aprokṣitaṃ bhavati / (12.1) Par.?

atha pañcājyānīr juhoti śatāyudhāya śatavīryāyeti // (12.2) Par.?

purastād vā sviṣṭakṛtaḥ // (13) Par.?

prokṣādi karma pratipadyate // (14) Par.?

ekam ulūkhalaṃ musalaṃ pratibījaṃ vā // (15) Par.?

sarveṣu haviṣkṛd avahananamantraḥ // (16) Par.?

tuṣopavapanam // (17) Par.?

uttamam opya vācaṃ visṛjate // (18) Par.?

eṣo 'nyeṣāṃ nānābījānāṃ samavetānāṃ kalpaḥ // (19) Par.?

alaṃkaraṇakāla ājyenaikakapālam abhipūrayati // (20) Par.?

āviḥpṛṣṭhaṃ vā kṛtvāsādayati // (21) Par.?

pracaraṇakāla uddhṛtya barhiṣadaṃ kṛtvā juhvām upastīryādhāyāśayam anvānīyābhighāryopāṃśu pracarati // (22) Par.?