Texts

vaiśvadevaṃ caruṃ nirvaped bhrātṛvyavān // (1) Par.?

devāś ca vā asurāś cāspardhanta // (2) Par.?

te devāḥ saṃgrahaṇenāyajanta // (3) Par.?

te yat kiṃ cāsurāṇāṃ svam āsīt tat samagṛhṇan // (4) Par.?

manāṃsi vāvaiṣāṃ tat samagṛhṇan // (5) Par.?

te 'manasaḥ parābhavan // (6) Par.?

bhrātṛvyavān yajeta // (7) Par.?

manograhaṇaṃ vā etat // (8) Par.?

manāṃsi vā etad bhrātṛvyāṇāṃ saṃgṛhṇāti // (9) Par.?

te 'manasaḥ parābhavanti // (10) Par.?

grāmakāmo yajeta // (11) Par.?

manograhaṇaṃ vā etat // (12) Par.?

manāṃsi vā etat sajātānāṃ saṃgṛhṇāti // (13) Par.?

te 'smān manogṛhītā nāpayanti // (14) Par.?

sarveṣāṃ sajātānāṃ gṛhād ājyam āhareyuḥ // (15) Par.?

yāvatām eva kiyatāṃ ca gṛhād ājyam āharanti teṣāṃ sarveṣāṃ manāṃsi saṃgṛhṇāti // (16) Par.?

te 'smān manogṛhītā nāpayanti // (17) Par.?

āmanena juhoti // (18) Par.?

āmanasa evainān karoti // (19) Par.?

āmanasya deva ye sajātāḥ samanasas tān ahaṃ kāmaye hṛdā // (20) Par.?

te māṃ kāmayantāṃ hṛdā // (21) Par.?

tān mā āmanasas kṛdhi svāhā // (22) Par.?

āmanasya deva ye putrāḥ samanasas tān ahaṃ kāmaye hṛdā // (23) Par.?

te māṃ kāmayantāṃ hṛdā // (24) Par.?

tān mā āmanasas kṛdhi svāhā // (25) Par.?

āmanasya deva yāḥ striyaḥ samanasas tā ahaṃ kāmaye hṛdā // (26) Par.?

tā māṃ kāmayantāṃ hṛdā // (27) Par.?

tā mā āmanasas kṛdhi svāhā // (28) Par.?

āmanasya deva ye paśavaḥ samanasas tān ahaṃ kāmaye hṛdā // (29) Par.?

te māṃ kāmayantāṃ hṛdā // (30) Par.?

tān mā āmanasas kṛdhi svāhā // (31) Par.?

ete vai sajātāḥ sajātā iva putrā iva striya iva paśava iva // (32) Par.?

tair ātmānam abhisaṃyuṅkte // (33) Par.?

tair bhavati // (34) Par.?

pṛṣatī gaur dhenur dakṣiṇā // (35) Par.?

sā hi vaiśvadevī // (36) Par.?

atha yad vaiśvadevīṣṭiḥ // (37) Par.?

vaiśvadevīr vā imāḥ prajāḥ // (38) Par.?

tā evāvārunddha // (39) Par.?

tā ādyā akṛta // (40) Par.?

bahirātmaṃ vai prayājānuyājāḥ // (41) Par.?

ātmā devatā // (42) Par.?

yat prayājānuyājānāṃ purastād vopariṣṭād vā juhuyād bahirātmaṃ sajātān dadhīta // (43) Par.?

atha yan madhyato juhoti // (44) Par.?

madhyata eva sajātān ātman dhatte // (45) Par.?

yadi kāmayeta tājag eyuḥ // (46) Par.?

tājak pareyur iti dārumayeṇa juhuyāt // (47) Par.?

carācarā hi vanaspatayaḥ // (48) Par.?

yadi kāmayeta dhruvāḥ syuḥ // (49) Par.?

kṛcchrād eyur iti mṛnmayena juhuyāt // (50) Par.?

dhruvā hīyam // (51) Par.?

dhruvo 'si // (52) Par.?

dhruvas tvaṃ deveṣv edhi // (53) Par.?

dhruvo 'haṃ sajāteṣu bhūyāsaṃ priyaḥ sajātānām ugraś cettā vasuvit // (54) Par.?

ugro 'si // (55) Par.?

ugras tvaṃ deveṣv edhi // (56) Par.?

ugro 'haṃ sajāteṣu bhūyāsaṃ priyaḥ sajātānām ugraś cettā vasuvit // (57) Par.?

abhibhūr asi // (58) Par.?

abhibhūs tvaṃ deveṣv edhi // (59) Par.?

abhibhūr ahaṃ sajāteṣu bhūyāsaṃ priyaḥ sajātānām ugraś cettā vasuvit // (60) Par.?

paribhūr asi // (61) Par.?

paribhūs tvaṃ deveṣv edhi // (62) Par.?

paribhūr ahaṃ sajāteṣu bhūyāsaṃ priyaḥ sajātānām ugraś cettā vasuvit // (63) Par.?

sūrir asi // (64) Par.?

sūris tvaṃ deveṣv edhi // (65) Par.?

sūrir ahaṃ sajāteṣu bhūyāsaṃ priyaḥ sajātānām ugraś cettā vasuvit // (66) Par.?

ete vai sajātāḥ // (67) Par.?

tān asmin dadhāti // (68) Par.?

tān asmād anapakramiṇaḥ karoti // (69) Par.?