Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): animal sacrifice, paśubandha, kāmyeṣṭi
Show parallels Show headlines
Use dependency labeler
Chapter id: 12631
- Click on a sentence to show its analysis
- Keep the mouse pointer over a lemma to show its meanings.
prajāpatiḥ prajā asṛjata // (1) Par.?
tā enaṃ sṛṣṭā atyamanyanta // (2) Par.?
tā atimanyamānā varuṇenāgrāhayat // (3) Par.?
tā varuṇagṛhītāḥ kṛṣṇaḥ petvo 'dhyaskandat // (4) Par.?
tasyānuhāya pādam agṛhṇāt // (5) Par.?
tasya śaphaḥ prāvṛhyata // (6) Par.?
sa ekaśitipād abhavat // (7) Par.?
tam acāyat // (8) Par.?
ayaṃ vāvāsāṃ prajānām avaruṇagṛhītaḥ // (9) Par.?
anenemāḥ prajā varuṇān muñcānīti taṃ vāruṇam ālabhata // (10) Par.?
tata imāḥ prajā varuṇāt prāmucyanta // (11) Par.?
tad varuṇapramocanīya evaiṣa // (12) Par.?
yo jyogāmayāvī syāt tam etena yājayet // (13) Par.?
varuṇena hi vā eṣa pāpmanā gṛhītaḥ // (14) Par.?
athaitasya jyog āmayati // (15) Par.?
yad vāruṇo varuṇād evainaṃ tena muñcati // (16) Par.?
ekaśitipād bhavati // (17) Par.?
evam iva hi tasya rūpam āsīt samṛddhyai // (18) Par.?
dvīpe yājayet // (19) Par.?
etā vai pratyakṣaṃ vāruṇīr yad āpaḥ // (20) Par.?
sve vā etad yonau pratyakṣaṃ varuṇam avayajati // (21) Par.?
samantam āpaḥ parivahanti rakṣasām ananvavāyāya // (22) Par.?
II 5,6(2)
vāruṇaṃ kṛṣṇaṃ petvam ālabhetābhicaran // (23) Par.?
yad vāruṇo varuṇenaivainaṃ grāhayitvā stṛṇute // (24) Par.?
kṛṣṇo bhavati // (25) Par.?
tamo vai kṛṣṇam // (26) Par.?
mṛtyus tamaḥ // (27) Par.?
mṛtyunaivainaṃ grāhayati // (28) Par.?
etad vai pāpmano rūpaṃ yat kṛṣṇam // (29) Par.?
kṛṣṇa iva hi pāpmā // (30) Par.?
pāpmanaivainam abhiṣuvati taṃ niyuñjyāt // (31) Par.?
paśuṃ badhnāmi varuṇāya rājñā indrāya bhāgam ṛṣabhaṃ kevalo hi / (32.1) Par.?
gātrāṇi devā abhisaṃviśantu yamo gṛhṇātu nirṛtiḥ sapatnān // (32.2) Par.?
ity etābhya evainaṃ devatābhyo niryācya mṛtyur vai yamaḥ mṛtyunaivainaṃ grāhayati // (33) Par.?
II 5,6(3)
agnaye vaiśvānarāya kṛṣṇaṃ petvam ālabheta samāntam abhidhrokṣyan // (34) Par.?
saṃvatsaro vā agnir vaiśvānaraḥ // (35) Par.?
saṃvatsarāya samamyate // (36) Par.?
saṃvatsaram evāptvāvaruṇaṃ kāmam abhidruhyati // (37) Par.?
II 5,6(4)
āśvinaṃ kṛṣṇalalāmam ālabheta // (38) Par.?
ānujāvaraṃ yājayet // (39) Par.?
aśvinau vai devānām ānujāvarau // (40) Par.?
aśvinā etasya devate ya ānujāvaraḥ // (41) Par.?
tā eva bhāgadheyenopāsarat // (42) Par.?
tā enam agraṃ pariṇayataḥ // (43) Par.?
kṛṣṇo bhavati // (44) Par.?
pāpmānam evāpahate // (45) Par.?
lalāmo bhavati // (46) Par.?
mukhato 'smiṃs tejo dadhāti // (47) Par.?
II 5,6(5)
āśvinaṃ kṛṣṇalalāmam ālabheta // (48) Par.?
āmayāvinaṃ yājayet // (49) Par.?
aśvinau vai devānāṃ bhiṣajau // (50) Par.?
aśvinā etasya devate ya āmayāvī // (51) Par.?
tā eva bhāgadheyenopāsarat // (52) Par.?
tā enaṃ bhiṣajyataḥ // (53) Par.?
kṛṣṇo bhavati // (54) Par.?
pāpmānam evāpahate // (55) Par.?
lalāmo bhavati // (56) Par.?
mukhato 'smiṃs tejo dadhāti // (57) Par.?
Duration=0.10957717895508 secs.