Texts

utsannayajño vā eṣa yad agniḥ // (1.1) Par.?

kiṃ vā haitasya kriyate kiṃ vā na // (2.1) Par.?

yad vai yajñasya kriyamāṇasyāntaryanti pūyati vā asya tat // (3.1) Par.?

āśvinīr upadadhāti // (4.1) Par.?

aśvinau vai devānām bhiṣajau // (5.1) Par.?

tābhyām evāsmai bheṣajaṃ karoti // (6.1) Par.?

pañcopadadhāti // (7.1) Par.?

pāṅkto yajñaḥ // (8.1) Par.?

yāvān eva yajñas tasmai bheṣajaṃ karoti // (9.1) Par.?

ṛtavyā upadadhāti // (10.1) Par.?

ṛtūnāṃ kﾱptyai // (11.1) Par.?

pañcopadadhāti // (12.1) Par.?

pañca vā ṛtavaḥ // (13.1) Par.?

yāvanta evartavas tān kalpayati // (14.1) Par.?

samānaprabhṛtayo bhavanti samānodarkāḥ // (15.1) Par.?

tasmāt samānā ṛtavaḥ // (16.1) Par.?

ekena padena vyāvartante // (17.1) Par.?

tasmād ṛtavo vyāvartante // (18.1) Par.?

prāṇabhṛta upadadhāti // (19.1) Par.?

ṛtuṣv eva prāṇān dadhāti // (20.1) Par.?

tasmāt samānāḥ santa ṛtavo na jīryanti // (21.1) Par.?

atho prajanayaty evainān // (22.1) Par.?

eṣa vai vāyur yat prāṇaḥ // (23.1) Par.?

yad ṛtavyā upadhāya prāṇabhṛta upadadhāti tasmāt sarvān ṛtūn anu vāyur āvarīvartti // (24.1) Par.?

vṛṣṭisanīr upadadhāti // (25.1) Par.?

vṛṣṭim evāvarunddhe // (26.1) Par.?

yad ekadhopadadhyād ekam ṛtuṃ varṣet // (27.1) Par.?

anuparihāraṃ sādayati // (28.1) Par.?

tasmāt sarvān ṛtūn varṣati // (29.1) Par.?

yat prāṇabhṛta upadhāya vṛṣṭisanīr upadadhāti tasmād vāyupracyutā divo vṛṣṭir īrte // (30.1) Par.?

paśavo vai vayasyāḥ // (31.1) Par.?

nānāmanasaḥ khalu vai paśavo nānāvratāḥ // (32.1) Par.?

te 'pa evābhisamanasaḥ // (33.1) Par.?

yaṃ kāmayetāpaśuḥ syād iti vayasyās tasyopadhāyāpasyā upadadhyāt // (34.1) Par.?

asaṃjñānam evāsmai paśubhiḥ karoti // (35.1) Par.?

apaśur eva bhavati // (36.1) Par.?

yaṃ kāmayeta paśumānt syād ity apasyās tasyopadhāya vayasyā upadadhyāt // (37.1) Par.?

saṃjñānam evāsmai paśubhiḥ karoti // (38.1) Par.?

paśumān eva bhavati // (39.1) Par.?

catasraḥ purastād upadadhāti // (40.1) Par.?

tasmāc catvāri cakṣuṣo rūpāṇi dve śukle dve kṛṣṇe // (41.1) Par.?

mūrdhanvatīr bhavanti // (42.1) Par.?

tasmāt purastān mūrdhā // (43.1) Par.?

pañca dakṣiṇāyāṃ śroṇyām upadadhāti pañcottarasyām // (44.1) Par.?

tasmāt paścād varṣīyān purastātpravaṇaḥ paśuḥ // (45.1) Par.?

basto vaya iti dakṣiṇe 'ṃsa upadadhāti // (46.1) Par.?

vṛṣṇir vaya ity uttare // (47.1) Par.?

aṃsāv eva pratidadhāti // (48.1) Par.?

vyāghro vaya iti dakṣiṇe pakṣa upadadhāti // (49.1) Par.?

siṃho vaya ity uttare // (50.1) Par.?

pakṣayor eva vīryaṃ dadhāti // (51.1) Par.?

puruṣo vaya iti madhye // (52.1) Par.?

tasmāt puruṣaḥ paśūnām adhipatiḥ // (53.1) Par.?