Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice

Show parallels  Show headlines
Use dependency labeler
Chapter id: 15662
  • Click on a sentence to show its analysis
  • Keep the mouse pointer over a lemma to show its meanings.
purohaviṣi devayajane yājayed yaṃ kāmayeta // (1) Par.?
upainam uttaro yajño namet // (2) Par.?
abhi suvargaṃ lokaṃ jayed iti // (3) Par.?
etad vai purohavir devayajanaṃ yasya hotā prātaranuvākam anubruvann agnim apa ādityam abhi vipaśyati // (4) Par.?
upainam uttaro yajño namati // (5) Par.?
abhi suvargaṃ lokaṃ jayati // (6) Par.?
āpte devayajane yājayed bhrātṛvyavantam // (7) Par.?
panthāṃ vādhisparśayet kartaṃ vā // (8) Par.?
yāvan nānase yātavai na rathāya // (9) Par.?
etad vā āptaṃ devayajanam // (10) Par.?
āpnoty eva bhrātṛvyam // (11) Par.?
nainam bhrātṛvya āpnoti // (12) Par.?
ekonnate devayajane yājayet paśukāmam // (13) Par.?
ekonnatād vai devayajanād aṅgirasaḥ paśūn asṛjanta // (14) Par.?
antarā sadohavirdhāne unnataṃ syāt // (15) Par.?
etad vā ekonnataṃ devayajanam // (16) Par.?
paśumān eva bhavati // (17) Par.?
tryunnate devayajane yājayet suvargakāmam // (18) Par.?
tryunnatād vai devayajanād aṅgirasaḥ suvargaṃ lokam āyan // (19) Par.?
antarāhavanīyaṃ ca havirdhānaṃ connataṃ syād antarā havirdhānaṃ ca sadaś cāntarā sadaś ca gārhapatyaṃ ca // (20) Par.?
etad vai tryunnataṃ devayajanam // (21) Par.?
suvargam eva lokam eti // (22) Par.?
pratiṣṭhite devayajane yājayet pratiṣṭhākāmam // (23) Par.?
etad vai pratiṣṭhitaṃ devayajanaṃ yat sarvataḥ samam // (24) Par.?
praty eva tiṣṭhati // (25) Par.?
yatrānyā anyā oṣadhayo vyatiṣaktāḥ syus tad yājayet paśukāmam // (26) Par.?
etad vai paśūnāṃ rūpam // (27) Par.?
rūpeṇaivāsmai paśūn avarunddhe // (28) Par.?
paśumān eva bhavati // (29) Par.?
nirṛtigṛhīte devayajane yājayed yaṃ kāmayeta nirṛtyāsya yajñaṃ grāhayeyam iti // (30) Par.?
etad vai nirṛtigṛhītaṃ devayajanaṃ yat sadṛśyai satyā ṛkṣam // (31) Par.?
nirṛtyaivāsya yajñaṃ grāhayati // (32) Par.?
vyāvṛtte devayajane yājayed vyāvṛtkāmaṃ yam pātre vā talpe vā mīmāṃseran // (33) Par.?
prācīnam āhavanīyāt pravaṇaṃ syāt pratīcīnaṃ gārhapatyāt // (34) Par.?
etad vai vyāvṛttaṃ devayajanam // (35) Par.?
vi pāpmanā bhrātṛvyeṇāvartate // (36) Par.?
nainam pātre na talpe mīmāṃsante // (37) Par.?
kārye devayajane yājayed bhūtikāmam // (38) Par.?
kāryo vai puruṣaḥ // (39) Par.?
bhavaty eva // (40) Par.?
Duration=0.097993850708008 secs.