Texts

paryagniṃ paśuṃ karoti rakṣasām apahatyai // (1) Par.?

agnir vai rakṣasām apahantā // (2) Par.?

triḥ prasavi paryagnikaroti // (3) Par.?

tad yathā tisro 'gnipuraḥ kuryād evaṃ tat // (4) Par.?

tasmāt punaḥ parīhīty agnīdhaṃ brūyāt // (5) Par.?

yam icchen na pracyaveteti // (6) Par.?

daivyāḥ śamitāra uta ca manuṣyā ārabhadhvam upanayata medhyādura āśāsānā medhapatibhyāṃ medham iti // (7) Par.?

taddhaika āhuḥ // (8) Par.?

yajamāno vai medhapatir iti // (9) Par.?

ko manuṣya iti brūyāt // (10) Par.?

devataiva medhapatir iti // (11) Par.?

ṣaḍviṃśatir asya vaṅkraya iti // (12) Par.?

parśavo ha vai vaṅkrayaḥ // (13) Par.?

ubhayato 'sṛkparyavān iti // (14) Par.?

asṛgbhājanāni ha vai rakṣāṃsi bhavanti // (15) Par.?

ned rakṣasāṃ bhāgena daivaṃ bhāgaṃ prasajānīti // (16) Par.?

sa eṣo 'dhriguḥ saṃśāsanam eva // (17) Par.?

aṅgāni mā parikartor iti // (18) Par.?

yaddha vā aduṣṭaṃ tad devānāṃ haviḥ // (19) Par.?

na vai te duṣṭaṃ havir adanti // (20) Par.?

navakṛtvo 'dhrigāvavān iti // (21) Par.?

naveme prāṇāḥ // (22) Par.?

prāṇāneva tad yajamāne dadhāti // (23) Par.?

sarvāyutvāyāsmiṃlloke // (24) Par.?

amṛtatvāyāmuṣmin // (25) Par.?

triḥ paridadhāty aparāktvāya // (26) Par.?

sakṛt purastād āha // (27) Par.?

sakṛd iva vai pitaraḥ // (28) Par.?

pitṛdevatya iva vai paśur ālabhyamāno bhavati // (29) Par.?

atha yat trir upariṣṭād āha // (30) Par.?

trir vai devatyāḥ // (31) Par.?

devadevatyam evainaṃ tad ayātayāmānaṃ karoti // (32) Par.?