Texts

Help

Select a text:
Bibliography

Select a chapter:
(no revisions)

Associated topic(s): agnicayana

Show parallels Show headlines
Use dependency labeler

Chapter id: 16213

Click on a sentence to show its analysis
Keep the mouse pointer over a lemma to show its meanings.

paśur vā agniḥ // (1) Par.?

paśor eṣa yonir vikriyate // (2) Par.?

reto 'pasyāḥ // (3) Par.?

yad apasyā upadadhāti yonā eva reto dadhāti // (4) Par.?

yadā vai paśus saṃvartate 'tha jāyate // (5) Par.?

paśavaś chandasyāḥ // (6) Par.?

yad apasyā anu chandasyā upadadhāti paśūnāṃ prajātyai // (7) Par.?

pañcopadadhāti // (8) Par.?

pāṅktāḥ paśavaḥ // (9) Par.?

yāvān eva paśus taṃ prajanayati // (10) Par.?

iyaṃ vā agner atidāhād abibhet // (11) Par.?

saitā apasyā asṛjata // (12) Par.?

tā upādhatta // (13) Par.?

yad apasyā upadhīyante 'syā anatidāhāya // (14) Par.?

uvāca heyam // (15) Par.?

adad it sa brahmaṇānnaṃ yasyaitā upadhīyanta iti // (16) Par.?

atti brahmaṇānnaṃ ya evaṃ vidvān etā upadhatte // (17) Par.?

pañca purastāt pratīcīr upadadhāti // (18) Par.?

tasmāt purastāt pratyaṅ paśur jāyate // (19) Par.?

pañca dakṣiṇata udīcīḥ // (20) Par.?

tasmād dakṣiṇataḥ pumān striyam upaśaye // (21) Par.?

pañca paścāt prācīḥ // (22) Par.?

tasmāt paścāt prācīnaṃ reto dhīyate // (23) Par.?

pañcottarāc chandasyāḥ // (24) Par.?

paśavo vai chandasyā uttarādāyatanāḥ paśavaḥ // (25) Par.?

paśūn eva prajātān svam āyatanam abhiparyūhati paśūnām ahiṃsāyai // (26) Par.?

nottarād apasyā upadadhyāt // (27) Par.?

yad upadadhyād abhīpataḥ prajā varuṇo gṛhṇīyāt // (28) Par.?

apasyā anu prāṇabhṛta upadadhāti // (29) Par.?

retasy eva sikte prāṇaṃ manaś cakṣuś śrotraṃ vācaṃ dadhāti // (30) Par.?

tasmāt prāṇan paśyañ śṛṇvan vadan paśur jāyate // (31) Par.?

ayaṃ puro bhūr iti // (32) Par.?

yāḥ prāṇavatīs tāḥ purastād upadadhāti // (33) Par.?

prāṇam eva purastād dadhāti // (34) Par.?

tasmāt prāṅ paśuḥ prāṇiti // (35) Par.?

ayaṃ dakṣiṇā viśvakarmeti // (36) Par.?

yā manasvatīs tā dakṣiṇataḥ // (37) Par.?

mana eva dakṣiṇato dadhāti // (38) Par.?

tasmād dakṣiṇo 'rdho manasvitaraḥ // (39) Par.?

tasmād dakṣiṇato mana upacaranti // (40) Par.?

ayaṃ paścād viśvavyacā iti // (41) Par.?

yāś cakṣuṣmatīs tāḥ paścāt // (42) Par.?

cakṣur eva paścād dadhāti // (43) Par.?

tasmāt prāṅ paśuḥ paśyati // (44) Par.?

idam uttarāt svar iti // (45) Par.?

yāś śrotravatīs tā uttarāt // (46) Par.?

śrotram evottarād dadhāti // (47) Par.?

tasmād uttarāt paśur bhūyaś śṛṇoti // (48) Par.?

iyam upari matir iti // (49) Par.?

yā vāṅmatīs tā madhye // (50) Par.?

vācam eva madhyato dadhāti // (51) Par.?

tasmān madhyato vāg vadati // (52) Par.?

akṣṇayopadadhāti // (53) Par.?

tasmād akṣṇayāṅgāni paśavo haranto yanti // (54) Par.?

yāḥ purastād upādadhāt tābhir vasiṣṭha ārdhnot // (55) Par.?

yā dakṣiṇatas tābhir bharadvājaḥ // (56) Par.?

yāḥ paścāt tābhir jamadagniḥ // (57) Par.?

yā uttarāt tābhir viśvāmitraḥ // (58) Par.?

yā madhye tābhir viśvakarmā // (59) Par.?

ya evam etāsām ṛddhiṃ vedardhnoti // (60) Par.?

ya evam āsāṃ kﾱptiṃ veda kalpate 'smai // (61) Par.?

ya evam āsāṃ bandhutāṃ veda bandhumān bhavati // (62) Par.?

ya evam āsāṃ nidānaṃ veda nidānavān bhavati // (63) Par.?

ya evam āsām āyatanaṃ vedāyatanavān bhavati // (64) Par.?

ya evam āsāṃ pratiṣṭhāṃ veda gacchati pratiṣṭhām // (65) Par.?

nidānavān āyatanavān bhavati ya evaṃ veda // (66) Par.?

Duration=0.1275429725647 secs.