Texts

patnīsaṃyājaiś caranti // (1) Par.?

patnīsaṃyājaiś caritvāvabhṛthaṃ saṃsādayanti // (2) Par.?

avabhṛthe viṣṭutīr apyarjaty audumbarīṃ cāsandīṃ ca // (3) Par.?

antareṇa cātvālaṃ cotkaraṃ ca niṣkrāmann āha prastotaḥ sāma gāyeti // (4) Par.?

sa hiṃkṛtya sāma trir gāyaty agniṃ hotāraṃ manye dāsvantam ity eteṣāṃ tṛtīyam // (5) Par.?

padāya padāya stobham āha // (6) Par.?

sarve nidhanam upayanti sapatnīkāḥ // (7) Par.?

devān vā etasmin kāle rakṣāṃsy anvasacanta // (8) Par.?

sa etad agnī rakṣohā sāmāpaśyat // (9) Par.?

tena rakṣāṃsy apāghnata // (10) Par.?

tad yat sarve nidhanam upayanti rakṣasām evāpahatyai // (11) Par.?

triḥ pratiṣṭhāpaṃ haranti // (12) Par.?

pratiṣṭhite pratiṣṭhite gāyati // (13) Par.?

trayo vā ime lokāḥ // (14) Par.?

eṣāṃ lokānāṃ samaṣṭyai // (15) Par.?

avabhṛtheṣṭyā caranti // (16) Par.?

saṃsthitāyām avabhṛtheṣṭyām upāvasṛpyāpa ācāmati bhakṣasyāvabhṛtho 'si bhakṣaṇasyāvabhṛtho 'si bhakṣitasyāvabhṛtho 'sīti // (17) Par.?

audumbarīr ārdrāḥ sapalāśāḥ samidhaḥ kurvata edho 'syedhiṣīmahīti // (18) Par.?

gatvāhavanīye samidho 'bhyādadhāti samid asi tejo 'si tejo mayi dhehi svāheti // (19) Par.?

abhyādhāyopatiṣṭhate 'po 'nvacāriṣaṃ rasena samasṛkṣmahi payasvāṃ agna āgamaṃ taṃ mā saṃsṛja varcaseti // (20) Par.?

athaitaj japati śaṃ ca ma upa ca ma āyuśca me bhūyaś ca me yajña śivo me saṃtiṣṭhasva yajña sviṣṭo me saṃtiṣṭhasva yajñāriṣṭo me saṃtiṣṭhasveti // (21) Par.?

saṃtiṣṭhate sutyā // (22) Par.?

yathāyathaṃ visṛjyanta udgātāraḥ // (23) Par.?

ityaikāhikasya karmaṇaḥ // (24) Par.?