Texts
Select a text:
Bibliography
Bibliography
Select a chapter:
2 revisions
Show parallels Show headlines
Use dependency labeler
2 revisions
Associated topic(s): Soma sacrifice, agniṣṭoma
Show parallels Show headlines
Use dependency labeler
Chapter id: 10916
- Click on a sentence to show its analysis
- Keep the mouse pointer over a lemma to show its meanings.
agnaye praṇīyamānāyānubrūhīty āhādhvaryuḥ // (1) Par.?
pra devaṃ devyā dhiyā bharatā jātavedasam havyā no vakṣad ānuṣag iti gāyatrīm brāhmaṇasyānubrūyāt // (2) Par.?
gāyatro vai brāhmaṇaḥ / (3.1) Par.?
tejo vai brahmavarcasaṃ gāyatrī / (3.2) Par.?
tejasaivainaṃ tad brahmavarcasena samardhayati // (3.3) Par.?
imam mahe vidathyāya śūṣam iti triṣṭubhaṃ rājanyasyānubrūyāt // (4) Par.?
traiṣṭubho vai rājanyaḥ / (5.1) Par.?
ojo vā indriyaṃ vīryaṃ triṣṭup / (5.2) Par.?
ojasaivainaṃ tad indriyeṇa vīryeṇa samardhayati // (5.3) Par.?
śaśvat kṛtva īḍyāya pra jabhruriti // (6) Par.?
svānām evainaṃ tacchraiṣṭhyaṃ gamayati // (7) Par.?
śṛṇotu no damyebhir anīkaiḥ śṛṇotv agnir divyair ajasra iti // (8) Par.?
ājarasaṃ hāsminn ajasro dīdāya ya evaṃ veda // (9) Par.?
ayam iha prathamo dhāyi dhātṛbhir iti jagatīṃ vaiśyasyānubrūyāt // (10) Par.?
jāgato vai vaiśyaḥ / (11.1) Par.?
jāgatāḥ paśavaḥ / (11.2) Par.?
paśubhir evainaṃ tat samardhayati // (11.3) Par.?
vaneṣu citraṃ vibhvaṃ viśe viśa ity abhirūpā / (12.1) Par.?
yad yajñe 'bhirūpaṃ tat samṛddham // (12.2) Par.?
ayam u ṣya pra devayur iti // (13) Par.?
anuṣṭubhi vācaṃ visṛjate // (14) Par.?
vāg vā anuṣṭup / (15.1) Par.?
vācyeva tad vācaṃ visṛjate // (15.2) Par.?
ayam u ṣya iti yad āhāyam u syāgamaṃ yā purā gandharveṣv avāksam ity eva tad vāk prabrūte // (16) Par.?
ayam agnir uruṣyatīti // (17) Par.?
ayaṃ vā agnir uruṣyati // (18) Par.?
amṛtād iva janmana ity amṛtatvam evāsmiṃs tad dadhāti // (19) Par.?
sahasaś cit sahīyān devo jīvātave kṛta iti // (20) Par.?
devo hy eṣa etaj jīvātave kṛto yad agniḥ // (21) Par.?
iﾱāyās tvā pade vayaṃ nābhā pṛthivyā adhīti // (22) Par.?
etad vā iﾱāyās padaṃ yad uttaravedīnābhiḥ // (23) Par.?
jātavedo ni dhīmahīti / (24.1) Par.?
nidhāsyanto hy enaṃ bhavanti // (24.2) Par.?
agne havyāya voﾱhava iti / (25.1) Par.?
havyaṃ hi vakṣyan bhavati // (25.2) Par.?
agne viśvebhiḥ svanīka devair ūrṇāvantam prathamaḥ sīda yonim iti // (26) Par.?
viśvair evainaṃ taddevaiḥ sahāsādayati // (27) Par.?
kulāyinaṃ ghṛtavantaṃ savitra iti / (28.1) Par.?
kulāyam iva hy etad yajñe kriyate yat paitudāravāḥ paridhayo gulgulūrṇāstukāḥ sugandhitejanānīti / (28.2) Par.?
yajñaṃ naya yajamānāya sādhv iti / (28.3) Par.?
yajñam eva tad ṛjudhā pratiṣṭhāpayati // (28.4) Par.?
sīda hotaḥ sva u loke cikitvān iti / (29.1) Par.?
agnir vai devānāṃ hotā / (29.2) Par.?
tasyaiṣa svo loko yad uttaravedīnābhiḥ // (29.3) Par.?
sādayā yajñaṃ sukṛtasya yonāv iti / (30.1) Par.?
yajamāno vai yajñaḥ / (30.2) Par.?
yajamānāyaivaitām āśiṣam āśāste // (30.3) Par.?
devāvīr devān haviṣā yajāsy agne bṛhad yajamāne vayo dhā iti / (31.1) Par.?
prāṇo vai vayaḥ / (31.2) Par.?
prāṇam eva tad yajamāne dadhāti // (31.3) Par.?
ni hotā hotṛṣadane vidāna iti / (32.1) Par.?
agnir vai devānāṃ hotā / (32.2) Par.?
tasyaitaddhotṛṣadanaṃ yad uttaravedīnābhiḥ // (32.3) Par.?
tveṣo dīdivāṁ asadat sudakṣa iti / (33.1) Par.?
āsanno hi sa tarhi bhavati // (33.2) Par.?
adabdhavratapramatir vasiṣṭha iti / (34.1) Par.?
agnir vai devānāṃ vasiṣṭhaḥ // (34.2) Par.?
sahasrambharaḥ śucijihvo agnir iti / (35.1) Par.?
eṣā ha vā asya sahasrambharatā yad enam ekaṃ santam bahudhā viharanti // (35.2) Par.?
pra ha vai sāhasram poṣam āpnoti ya evaṃ veda // (36) Par.?
tvaṃ dūtas tvam u naḥ paraspā ityuttamayā paridadhāti // (37) Par.?
tvaṃ vasya ā vṛṣabha praṇetā agne tokasya nas tane tanūnām aprayucchan dīdyad bodhi gopā iti // (38) Par.?
agnir vai devānāṃ gopā / (39.1) Par.?
agnim eva tatsarvato goptāram paridatta ātmane ca yajamānāya ca yatraivaṃ vidvān etayā paridadhāti / (39.2) Par.?
atho saṃvatsarīṇām evaitāṃ svastiṃ kurute // (39.3) Par.?
tā etā aṣṭāv anvāha rūpasamṛddhāḥ / (40.1) Par.?
etad vai yajñasya samṛddhaṃ yad rūpasamṛddhaṃ yat karma kriyamāṇam ṛg abhivadati // (40.2) Par.?
tāsāṃ triḥ prathamām anvāha trir uttamām / (41.1) Par.?
tā dvādaśa sampadyante / (41.2) Par.?
dvādaśa vai māsāḥ saṃvatsaraḥ / (41.3) Par.?
saṃvatsaraḥ prajāpatiḥ / (41.4) Par.?
prajāpatyāyatanābhir evābhī rādhnoti ya evaṃ veda / (41.5) Par.?
triḥ prathamāṃ trir uttamām anvāha / (41.6) Par.?
yajñasyaiva tad barsau nahyati sthemne balāyāvisraṃsāya // (41.7) Par.?
Duration=0.22364902496338 secs.