Texts

Help

Select a text:
Bibliography
Select a chapter:
 1 revision
Associated topic(s): Soma sacrifice, dīkṣā, vaśā

Show parallels  Show headlines
Use dependency labeler
Chapter id: 11993
  • Click on a sentence to show its analysis
  • Keep the mouse pointer over a lemma to show its meanings.
ṛksāme vai devebhyo yajñāyātiṣṭhamāne kṛṣṇo rūpaṃ kṛtvāpakramyātiṣṭhatām // (1) Par.?
te 'manyanta yaṃ vā ime upāvartsyataḥ sa idaṃ bhaviṣyatīti // (2) Par.?
te upāmantrayan // (3) Par.?
te ahorātrayor mahimānam apanidhāya devān upāvartetām // (4) Par.?
eṣa vā ṛco varṇo yacchuklaṃ kṛṣṇājinasya // (5) Par.?
eṣa sāmno yatkṛṣṇam // (6) Par.?
ṛksāmayoḥ śilpe stha ity āha // (7) Par.?
ṛksāme evāvarunddhe // (8) Par.?
eṣo vā ahno varṇo yacchuklaṃ kṛṣṇājinasya // (9) Par.?
eṣa rātriyā yat kṛṣṇam // (10) Par.?
yad evainayos tatra nyaktaṃ tad evāvarunddhe // (11) Par.?
kṛṣṇājinena dīkṣayati // (12) Par.?
brahmaṇo vā etad rūpaṃ yat kṛṣṇājinam // (13) Par.?
brahmaṇaivainaṃ dīkṣayati // (14) Par.?
imāṃ dhiyaṃ śikṣamāṇasya devety āha // (15) Par.?
yathāyajur evaitat // (16) Par.?
garbho vā eṣa yad dīkṣitaḥ // (17) Par.?
ulbaṃ vāsaḥ // (18) Par.?
prorṇute // (19) Par.?
tasmād garbhāḥ prāvṛtā jāyante // (20) Par.?
na purā somasya krayād aporṇvīta // (21) Par.?
yat purā somasya krayād aporṇvīta garbhāḥ prajānām parāpātukāḥ syuḥ // (22) Par.?
krīte some 'porṇute // (23) Par.?
jāyata eva tat // (24) Par.?
atho yathā vasīyāṃsam pratyaporṇute tādṛg eva tat // (25) Par.?
aṅgirasaḥ suvargaṃ lokaṃ yanta ūrjaṃ vyabhajanta // (26) Par.?
tato yad atyaśiṣyata te śarā abhavan // (27) Par.?
ūrg vai śarāḥ // (28) Par.?
yaccharamayī mekhalā bhavaty ūrjam evāvarunddhe // (29) Par.?
madhyataḥ saṃnahyati // (30) Par.?
madhyata evāsmā ūrjaṃ dadhāti // (31) Par.?
tasmān madhyata ūrjā bhuñjate // (32) Par.?
ūrdhvaṃ vai puruṣasya nābhyai medhyam avācīnam amedhyam // (33) Par.?
yan madhyataḥ saṃnahyati medhyaṃ caivāsyāmedhyaṃ ca vyāvartayati // (34) Par.?
indro vṛtrāya vajram prāharat // (35) Par.?
sa tredhā vyabhavat sphyas tṛtīyaṃ rathas tṛtīyaṃ yūpas tṛtīyam // (36) Par.?
ye 'ntaḥśarā aśīryanta te śarā abhavan // (37) Par.?
tac charāṇāṃ śaratvam // (38) Par.?
vajro vai śarāḥ // (39) Par.?
kṣut khalu vai manuṣyasya bhrātṛvyaḥ // (40) Par.?
yac charamayī mekhalā bhavati vajreṇaiva sākṣāt kṣudham bhrātṛvyam madhyato 'pahate // (41) Par.?
trivṛd bhavati // (42) Par.?
trivṛd vai prāṇaḥ // (43) Par.?
trivṛtam eva prāṇam madhyato yajamāne dadhāti // (44) Par.?
pṛthvī bhavati rajjūnāṃ vyāvṛttyai // (45) Par.?
mekhalayā yajamānaṃ dīkṣayati yoktreṇa patnīm mithunatvāya // (46) Par.?
yajño dakṣiṇām abhyadhyāyat // (47) Par.?
tāṃ samabhavat // (48) Par.?
tad indro 'cāyat // (49) Par.?
so 'manyata yo vā ito janiṣyate sa idam bhaviṣyatīti // (50) Par.?
tām prāviśat // (51) Par.?
tasyā indra evājāyata // (52) Par.?
so 'manyata yo vai mad ito 'paro janiṣyate sa idam bhaviṣyatīti // (53) Par.?
tasyā anumṛśya yonim ācchinat // (54) Par.?
sā sūtavaśābhavat // (55) Par.?
tat sūtavaśāyai janma // (56) Par.?
tāṃ haste nyaveṣṭayata // (57) Par.?
tām mṛgeṣu nyadadhāt // (58) Par.?
sā kṛṣṇaviṣāṇābhavat // (59) Par.?
indrasya yonir asi // (60) Par.?
mā mā hiṃsīḥ // (61) Par.?
iti kṛṣṇaviṣāṇām prayacchati // (62) Par.?
sayonim eva yajñaṃ karoti sayoniṃ dakṣiṇāṃ sayonim indraṃ sayonitvāya // (63) Par.?
kṛṣyai tvā susasyāyā ity āha // (64) Par.?
tasmād akṛṣṭapacyā oṣadhayaḥ pacyante // (65) Par.?
supippalābhyas tvauṣadhībhya ity āha // (66) Par.?
tasmād oṣadhayaḥ phalaṃ gṛhṇanti // (67) Par.?
yaddhastena kaṇḍūyeta pāmanambhāvukāḥ prajāḥ syuḥ // (68) Par.?
yat smayeta nagnambhāvukāḥ // (69) Par.?
kṛṣṇaviṣāṇayā kaṇḍūyate // (70) Par.?
apigṛhya smayate prajānāṃ gopīthāya // (71) Par.?
na purā dakṣiṇābhyo netoḥ kṛṣṇaviṣāṇām avacṛtet // (72) Par.?
yat purā dakṣiṇābhyo netoḥ kṛṣṇaviṣāṇām avacṛted yoniḥ prajānām parāpātukā syāt // (73) Par.?
nītāsu dakṣiṇāsu cātvāle kṛṣṇaviṣāṇām prāsyati // (74) Par.?
yonir vai yajñasya cātvālam // (75) Par.?
yoniḥ kṛṣṇaviṣāṇā // (76) Par.?
yonāv eva yoniṃ dadhāti yajñasya sayonitvāya // (77) Par.?
Duration=0.16411185264587 secs.