Texts

ambhas stheti // (1) Par.?

ambho hy etāḥ // (2) Par.?

mahas stheti // (3) Par.?

maho hy etāḥ // (4) Par.?

ūrjas stheti // (5) Par.?

ūrjo hy etāḥ // (6) Par.?

rāyaspoṣas stheti // (7) Par.?

rāyaspoṣo hy etāḥ // (8) Par.?

revatī ramadhvam iti // (9) Par.?

paśavo vai revatīḥ // (10) Par.?

paśava etad yad antarāgnī // (11) Par.?

sva evainā goṣṭhe ramayāmakaḥ // (12) Par.?

asmin yonā iti // (13) Par.?

eṣa hy āsāṃ yoniḥ // (14) Par.?

asmin goṣṭha iti // (15) Par.?

eṣa hy āsāṃ goṣṭhaḥ // (16) Par.?

ayaṃ vo bandhur ito māpagāteti // (17) Par.?

upopaivainaṃ paśavo yanti // (18) Par.?

nāpakrāmanti ya evaṃ vidvān agnim upatiṣṭhate // (19) Par.?

eti vā eṣo 'smāl lokād yo 'gnim upatiṣṭhate // (20) Par.?

ambhas stheti // (21) Par.?

paśavo vā ambhaḥ paśavo 'ntarikṣam // (22) Par.?

paśuṣv eva pratitiṣṭhati // (23) Par.?

bibhyati vai devebhyaḥ paśavaḥ // (24) Par.?

devānām eṣa eko yo 'gnim upatiṣṭhate // (25) Par.?

te 'smād īśvarāḥ pratrasaḥ // (26) Par.?

saṃhitāsi viśvarūpeti // (27) Par.?

etāni vai gor nāmāni // (28) Par.?

saṃhitā viśvarūpā gauḥ // (29) Par.?

tāny evāsya gṛhṇāti // (30) Par.?

apratrāsāya // (31) Par.?

saṃhitāsi viśvarūpeti // (32) Par.?

rūpeṇa rūpeṇa hy eṣā saṃhitā // (33) Par.?

ā morjā viśā gaupatyenā prajayā rāyaspoṣeṇeti // (34) Par.?

etair hy eṣā viśanty āviśati // (35) Par.?

mayi vo rāyaś śrayantāṃ sahasrapoṣaṃ vaḥ puṣeyam iti // (36) Par.?

sāhasrīm eva puṣṭiṃ nyaṅkte // (37) Par.?

vatsaṃ parāhanti // (38) Par.?

vatsanikāntāḥ paśavaḥ // (39) Par.?

paśūnām anukśātyai // (40) Par.?

abhikā enaṃ paśavo bhavanti // (41) Par.?

sapta vai bandhumatīr iṣṭakā agnau citya upadhīyante // (42) Par.?

tās tā amuṣmai lokāya sapta grāmyāḥ // (43) Par.?

tā atropadheyā gauś cāśvaś cāviś cājā cāśvataraś ca gardabhaś ca puruṣaḥ // (44) Par.?

yad gāṃ parāhanti // (45) Par.?

tā evaitad upadhatte // (46) Par.?

atho gavaivainaṃ cinute // (47) Par.?