Texts

ekadaṇḍī tridaṇḍī vā // (1.1) Par.?

athemāni vratāni bhavanti / (2.1) Par.?

ahiṃsā satyam astainyaṃ maithunasya ca varjanam / (2.2) Par.?

tyāga ity eva // (2.3) Par.?

pañcaivopavratāni bhavanti / (3.1) Par.?

akrodho guruśuśrūṣāpramādaḥ śaucam āhāraśuddhiś ceti // (3.2) Par.?

atha bhaikṣacaryā / (4.1) Par.?

brāhmaṇānāṃ śālīnayāyāvarāṇām apavṛtte vaiśvadeve bhikṣāṃ lipseta // (4.2) Par.?

bhavatpūrvāṃ pracodayet // (5.1) Par.?

godohamātram ākāṅkṣet // (6.1) Par.?

atha bhaikṣacaryād upāvṛtya śucau deśe nyasya hastapādān prakṣālyādityasyāgre nivedayet / (7.1) Par.?

ud u tyam / (7.2) Par.?

citram iti / (7.3) Par.?

brahmaṇe nivedayate / (7.4) Par.?

brahma jajñānam iti // (7.5) Par.?

vijñāyate / (8.1) Par.?

ādhānaprabhṛti yajamāna evāgnayo bhavanti / (8.2) Par.?

tasya prāṇo gārhapatyo 'pāno 'nvāhāryapacano vyāna āhavanīya udānasamānau sabhyāvasathyau / (8.3) Par.?

pañca vā ete 'gnaya ātmasthāḥ / (8.4) Par.?

ātmany eva juhoti // (8.5) Par.?

sa eṣa ātmayajña ātmaniṣṭha ātmapratiṣṭha ātmānaṃ kṣemaṃ nayatīti vijñāyate // (9.1) Par.?

bhūtebhyo dayāpūrvaṃ saṃvibhajya śeṣam adbhiḥ saṃspṛśyauṣadhavat prāśnīyāt // (10.1) Par.?

prāśyāpa ācamya jyotiṣmatyādityam upatiṣṭhate / (11.1) Par.?

ud vayaṃ tamasas parīti / (11.2) Par.?

vāṅ ma āsan nasoḥ prāṇa iti japitvā // (11.3) Par.?

ayācitam asaṃkﾱptam upapannaṃ yadṛcchayā / (12.1) Par.?

āhāramātraṃ bhuñjīta kevalaṃ prāṇayātrikam iti // (12.2) Par.?

athāpy udāharanti / (13.1) Par.?

aṣṭau grāsā muner bhakṣyāḥ ṣoḍaśāraṇyavāsinaḥ / (13.2) Par.?

dvātriṃśat tu gṛhasthasya amitaṃ brahmacāriṇaḥ // (13.3) Par.?

bhaikṣaṃ vā sarvavarṇebhya ekānnaṃ vā dvijātiṣu / (14.1) Par.?

api vā sarvavarṇebhyo na caikānnaṃ dvijātiṣv iti // (14.2) Par.?

atha yatropaniṣadam ācāryā bruvate tatrodāharanti / (15.1) Par.?

sthānamaunavīrāsanasavanopasparśanacaturthaṣaṣṭhāṣṭamakālavratayuktasya kaṇapiṇyākayāvakadadhipayovratatvaṃ ceti // (15.2) Par.?

tatra maune yuktas traividyavṛddhair ācāryair munibhir anyair vāśramibhir bahuśrutair dantair dantān saṃdhāyāntarmukha eva yāvadarthasaṃbhāṣī na strībhir na yatra lopo bhavatīti vijñāyate // (16.1) Par.?

sthānamaunavīrāsanānām anyatamena saṃprayogaḥ / (17.1) Par.?

na trayaṃ saṃnipātayet // (17.2) Par.?

yatra gataś ca yāvanmātram anuvratayed āpatsu na yatra lopo bhavatīti vijñāyate // (18.1) Par.?

sthānamaunavīrāsanasavanopasparśanacaturthaṣaṣṭhāṣṭamakālavratayuktasya / (19.1) Par.?

aṣṭau tāny avrataghnāni āpo mūlaṃ ghṛtaṃ payaḥ / (19.2) Par.?

havir brāhmaṇakāmyā ca guror vacanam auṣadham iti // (19.3) Par.?

sāyaṃ prātar agnihotramantrāñ japet // (20.1) Par.?

vāruṇībhiḥ sāyaṃ saṃdhyām upasthāya maitrībhiḥ prātaḥ // (21.1) Par.?

anagnir aniketaḥ syād aśarmāśaraṇo muniḥ / (22.1) Par.?

bhaikṣārthī grāmam anvicchet svādhyāye vācam utsṛjed iti // (22.2) Par.?

vijñāyate ca / (23.1) Par.?

parimitā vā ṛcaḥ parimitāni sāmāni parimitāni yajūṃṣi / (23.2) Par.?

athaitasyaivānto nāsti yad brahma / (23.3) Par.?

tat pratigṛṇata ācakṣīta / (23.4) Par.?

sa pratigara iti // (23.5) Par.?

evam evaiṣa ā śarīravimokṣaṇād vṛkṣamūliko vedasaṃnyāsī // (24.1) Par.?

vedo vṛkṣaḥ / (25.1) Par.?

tasya mūlaṃ praṇavaḥ / (25.2) Par.?

praṇavātmako vedaḥ // (25.3) Par.?

praṇavaṃ dhyāyan sapraṇavo brahmabhūyāya kalpata iti hovāca prajāpatiḥ // (26.1) Par.?

saptavyāhṛtibhir brahmabhājanaṃ prakṣālayed iti / (27.1) Par.?

prakṣālayed iti // (27.2) Par.?