Texts

ukto varṇadharmaś cāśramadharmaś ca // (1.1) Par.?

atha khalv ayaṃ puruṣo yāpyena karmaṇā mithyā vā caraty ayājyaṃ vā yājayaty apratigrāhyasya vā pratigṛhṇāty anāśyānnasya vānnam aśnāty acaraṇīyena vā carati // (2.1) Par.?

tatra prāyaścittaṃ kuryān na kuryād iti mīmāṃsante // (3.1) Par.?

nahi karma kṣīyata iti // (4.1) Par.?

kuryād ity eva // (5.1) Par.?

punastomeneṣṭvā punaḥ savanam āyāntīti vijñāyate // (6.1) Par.?

athāpy udāharanti / (7.1) Par.?

sarvaṃ pāpmānaṃ tarati tarati brahmahatyāṃ yo 'śvamedhena yajata iti // (7.2) Par.?

agniṣṭutā vābhiśasyamāno yajeteti ca // (8.1) Par.?

tasya niṣkrayaṇāni japas tapo homa upavāso dānam // (9.1) Par.?

upaniṣado vedādayo vedāntāḥ sarvacchandaḥsu saṃhitā madhūny aghamarṣaṇam atharvaśiro rudrāḥ puruṣasūktaṃ rājanarauhiṇe sāmanī bṛhadrathaṃtare puruṣagatir mahānāmnyo mahāvairājaṃ mahādivākīrtyaṃ jyeṣṭhasāmnām anyatamaṃ bahiṣpavamānaḥ kūśmāṇḍyaḥ pāvamānyaḥ sāvitrī ceti pāvanāni // (10.1) Par.?

upasannyāyena payovratatā śākabhakṣatā phalabhakṣatā mūlabhakṣatā prasṛtiyāvako hiraṇyaprāśanaṃ ghṛtaprāśanaṃ somapānam iti medhyāni // (11.1) Par.?

sarve śiloccayāḥ sarvāḥ sravantyaḥ saritaḥ puṇyā hradās tīrthāny ṛṣiniketanāni goṣṭhakṣetrapariṣkandā iti deśāḥ // (12.1) Par.?

ahiṃsā satyam astainyaṃ savaneṣūdakopasparśanaṃ guruśuśrūṣā brahmacaryam adhaḥśayanam ekavastratānāśaka iti tapāṃsi // (13.1) Par.?

hiraṇyaṃ gaur vāso 'śvo bhūmis tilā ghṛtam annam iti deyāni // (14.1) Par.?

saṃvatsaraḥ ṣaṇmāsāś catvāras trayo dvāv ekaś caturviṃśatyaho dvādaśāhaḥ ṣaḍahas tryaho 'horātra ekāha iti kālāḥ // (15.1) Par.?

etāny anādeśe kriyeran // (16.1) Par.?

enaḥsu guruṣu gurūṇi laghuṣu laghūni // (17.1) Par.?

kṛcchrātikṛcchrau cāndrāyaṇam iti sarvaprāyaścittiḥ / (18.1) Par.?

sarvaprāyaścittiḥ // (18.2) Par.?