Texts

sarvakāmasya darśapūrṇamāsau // (1.1) Par.?

vratopete yajamāne / (2.1) Par.?

devā gātuvido gātuṃ yajñāya vindata / (2.2) Par.?

manasaspatinā devena vātādyajñaḥ prayujyatām / (2.3) Par.?

iti japitvā śākhām āharati / (2.4) Par.?

śamīśākhāṃ palāśaśākhāṃ vā bahupalāśām apratiśuṣkāgrāṃ prācīm udīcīṃ vāhānām // (2.5) Par.?

iṣe tveti chittvā subhūtāyeti saṃnamati // (3.1) Par.?

imāṃ prācīm udīcīm iṣam ūrjam abhisaṃskṛtāṃ bahuparṇām aśuṣkāgrāṃ harāmi paśupām aham ity āharati // (4.1) Par.?

tayā sadarbhapiñjūlayā ṣaḍ vatsān apākaroti vāyavaḥ stheti // (5.1) Par.?

devo va ity ekaikāṃ saṃsparśayan gāḥ prakālayati // (6.1) Par.?

āpyāyadhvam aghnyā devebhyā indrāya bhāgam ity āpyāyati / (7.1) Par.?

mahendrāyeti mahendrayājinaḥ // (7.2) Par.?

śuddhā apaḥ suprapāṇe pibantīḥ śatam indrāya śarado duhānāḥ / (8.1) Par.?

rudrasya hetiḥ pari vo vṛṇaktu / (8.2) Par.?

iti vrajantīr anumantrayate // (8.3) Par.?

pūṣā vaḥ paraspā aditiḥ prertvarīpā indro vo 'dhyakṣo 'naṣṭāḥ punar eteti ca // (9.1) Par.?

dhruvā asminn iti yajamānaṃ prekṣate gṛhān vābhiparyāvartate // (10.1) Par.?

yajamānasya paśūn pāhīty agniṣṭhe 'nasy agnyagāre vā purastāt pratīcīṃ śākhām upakarṣati // (11.1) Par.?

asidaṃ dātraṃ paścād gārhapatyasya sāvitreṇādatte 'śvaparaśuṃ vā devasya tvetiprabhṛtinādada ity antena // (12.1) Par.?

goṣad asīti gārhapatyaṃ prekṣate // (13.1) Par.?

pratyuṣṭaṃ rakṣa ity āhavanīye pratitapyorv antarikṣaṃ vīhi / (14.1) Par.?

preyam agād iti prāg vodag vābhipravrajya yataḥ kutaścid darbhān barhir āharati // (14.2) Par.?

devānāṃ pariṣūtam asīti pariṣūya viṣṇoḥ stupa iti stambaṃ gṛhītvātisṛṣṭo gavāṃ bhāga ity ekāṃ śnuṣṭiṃ dve vā visṛjati // (15.1) Par.?

devebhyas tvordhvabarhirbhya ity ūrdhvam unmṛjya mādho mopari parusta ṛdhyāsam iti dātram upahṛtya viśākhāni pratilunāti sāvitreṇa dāmīty antena // (16.1) Par.?

prathamalūnaṃ saṃnakhaṃ prastaraṃ kṛtvā pṛthivyāḥ saṃpṛcaḥ pāhīti tṛṇam antardhāya sādayati // (17.1) Par.?

ācchettā te mā riṣam iti prabhūtaṃ lūtvā japati // (18.1) Par.?

atas tvaṃ barhir ity ālavān abhimṛśati // (19.1) Par.?

sahasravalśā ity ātmānaṃ pratyabhimṛśati // (20.1) Par.?

apaḥ spṛṣṭvāyupitā yonir iti śulbaṃ pratidhāyādityā rāsnāsīty āveṣṭayati tridhātu pañcadhātu saptadhātu vā // (21.1) Par.?

evaṃ dhātusaṃbharaṇāstaraṇayoḥ // (22.1) Par.?

susaṃbhṛtā tvā saṃbharāmīti śulbe barhiḥ saṃbharati // (23.1) Par.?

alubhitā yonir iti prastaram ādhāyendrāṇyāḥ saṃnahanam ity antāv abhisamāyacchati // (24.1) Par.?

pūṣā te granthiṃ grathnātv iti granthiṃ karoti // (25.1) Par.?

sa te mā sthād iti paścāt prāñcam upakarṣati // (26.1) Par.?

āpas tvām aśvinau tvām ṛṣayaḥ sapta māmṛjuḥ / (27.1) Par.?

barhiḥ sūryasya raśmibhir uṣasāṃ ketum ārabhe / (27.2) Par.?

ity ārabhyendrasya tvā bāhubhyām udyaccha ity udyacchati // (27.3) Par.?

bṛhaspater mūrdhnā harāmīti śirasy ādhāyorv antarikṣaṃ vīhīti vrajati // (28.1) Par.?

adityās tvā pṛṣṭhe sādayāmīti paścād āhavanīyasya paridhideśe 'nadhaḥ sādayitvā devaṃgamam ity upari nidadhāti // (29.1) Par.?

pālāśaṃ khādiraṃ vāṣṭādaśadārum idhmaṃ saṃnahyati trīṃś ca paridhīn sahaśalkān kārṣmaryamayān bilvapalāśakhadirarohītakodumbarāṇāṃ vā // (30.1) Par.?

sthaviṣṭho madhyamo varṣīyān aṇīyān dakṣiṇārdhyo hrasiṣṭho 'ṇiṣṭha uttarārdhyaḥ // (31.1) Par.?

yat kṛṣṇo rūpaṃ kṛtvā prāviśas tvaṃ vanaspatīn / (32.1) Par.?

tatas tvām ekaviṃśatidhā saṃbharāmi susaṃbhṛtā / (32.2) Par.?

iti saṃbhṛtya yajñāyur anusaṃcarān iti sahamūlair darbhaiḥ saṃnahyati // (32.3) Par.?

kṛṣṇo 'syākhareṣṭhāḥ / (33.1) Par.?

devapuraś carasa ṛdhyāsaṃ tvety upari nidadhāti // (33.2) Par.?