Texts

apareṇa gārhapatyam upaviśyādhīhi bho ity uktvā sāvitrīṃ sahasrakṛtva āvartayecchatakṛtvo vā // (1.1) Par.?

daśavāraṃ vedādīn japecchandāṃsi kūśmāṇḍāni cādhīyītāgnim īḍe purohitam ity ṛgvedasyeṣe tvorje tveti yajurvedasyāgna āyāhi vītaya iti sāmavedasya śaṃ no devīr abhiṣṭaya ity atharvavedasyāgnir mūrdheti chandāṃsi yad devā devaheḍanam iti kūśmāṇḍyaḥ // (2.1) Par.?

yad adhīte sa brahmayajñaḥ // (3.1) Par.?

yaj juhoti sa devayajñaḥ // (4.1) Par.?

yat pitṛbhyaḥ svadhākaroti sa pitṛyajñaḥ // (5.1) Par.?

yad bhūtebhyo baliṃ harati sa bhūtayajñaḥ // (6.1) Par.?

yad atithibhyo 'nnaṃ dadāti sa manuṣyayajña iti // (7.1) Par.?

ete vai pañca mahāyajñāḥ satati suprayuktā nayanti paramāṃ gatim // (8.1) Par.?

etebhyo yasya pañcabhyo yajña eko'pi hīyate / (9.1) Par.?

manasvaty āhutis tasya prāyaścittaṃ vidhīyate // (9.2) Par.?

dvyahaṃ tryahaṃ vāpi pramādād akṛteṣu tisras tantumatīr hutvā catasro vāruṇīr japet // (10) Par.?

daśāhaṃ dvādaśāhaṃ vā vicchinneṣu svastyayaneṣu tu sarvaśaś catasro 'bhyāvartinīr hutvā kāryas tāntumataś caruḥ // (11) Par.?

yasya strī vānupeto vā gṛheṣv etān balīn haret / (12.1) Par.?

kūśmāṇḍyas tatra hotavyā hutvā yajñasamṛddhaye / (12.2) Par.?

pravāsaṃ gacchato yasya gṛhe kartā na vidyate / (12.3) Par.?

pañcānāṃ mahatām eṣāṃ sa yajñaiḥ saha gacchati / (12.4) Par.?

pravāse kurute caitān yad annam upapadyate / (12.5) Par.?

na ced utpadyate tv annam adbhir enān samāpayet / (12.6) Par.?

adbhir eva vrataṃ kṛtvā yathālābham anuvrataḥ / (12.7) Par.?

devānāṃ devayajñena dvijā gacchanti sātmatām / (12.8) Par.?

pitṝṇāṃ pitṛyajñena bhūtiyajñena bhūtīnām / (12.9) Par.?

manor manuṣyayajñena brahmayajñena brahmaṇaḥ / (12.10) Par.?

eteṣāṃ sātmatāṃ gatvā devatānāṃ śataṃ samāḥ / (12.11) Par.?

ānandaṃ brahma gacchanti dhruvaṃ śāśvatam avyayam iti // (12.12) Par.?