Texts

prastūyamānaṃ sāma prajākāmo 'bhyudgāyet // (1) Par.?

vihṛte prastāve kṣatrakāmaḥ // (2) Par.?

pratihriyamāṇam eva paśukāmo 'bhyudgāyet // (3) Par.?

nidhanam eva svaram upayan brahmavarcasaṃ dhyāyet // (4) Par.?

brahmavarcasaṃ hi svaraḥ // (5) Par.?

te catvāraḥ sāman kāmā iti ha smāha jānaśruteyaḥ // (6) Par.?

atha ha smāha vaitahavyas traya eva sāman kāmāḥ // (7) Par.?

yad eva vācā karoti sā prajā // (8) Par.?

manaso hi vāk prajāyate // (9) Par.?

sa yad vācā karomi prajā ma eṣā prajāvān etena bhaviṣyāmīty eva tad vidyāt // (10) Par.?

atha yad ṛcaṃ gāyati te paśavaḥ // (11) Par.?

paśavo hy ṛk // (12) Par.?

sa yad ṛcaṃ gāyāmi paśavo ma ete paśumān etena bhaviṣyāmīty eva tad vidyāt // (13) Par.?

atha yan nidhanaṃ svaram upaiti tad brahmavarcasam // (14) Par.?

brahmavarcasaṃ hi svaraḥ // (15) Par.?

sa yan nidhanaṃ svaram upaimi brahmavarcasaṃ ma etad brahmavarcasy etena bhaviṣyāmīty eva tad vidyāt // (16) Par.?

atraivaite sarve kāmā upāpyanta evaṃ viduṣa iti // (17) Par.?

tad etat satyam akṣaraṃ yad om iti // (18) Par.?

vajrā ha khalu vā ete yad yaudhājayasya sāmno nidhanāni // (19) Par.?

te devā etena satyenābhigīyom om ity etair yaudhājayasya nidhanair asurān pāpmānaṃ bhrātṛvyān aghnan // (20) Par.?

evam evaivaṃ vidvān etena satyenābhigīyom om ity etair yaudhājayasya nidhanair dviṣantaṃ pāpmānaṃ bhrātṛvyaṃ hanti // (21) Par.?

tat triṇidhanaṃ bhavati // (22) Par.?

trayo vā ime lokāḥ // (23) Par.?

vajrā ete yan nidhanāni // (24) Par.?

ebhyo lokebhya etair vajraiḥ sarvaṃ pāpmānam apahate // (25) Par.?

atho hāsyaita eva vajrā eṣu lokeṣu sarvaṃ pāpmānam apahatyom ity eva svargaṃ lokam ārohati // (26) Par.?